Boyekola wuta na Alma mpe Amuleki
Tika biso toluka, tomona, tofulama, mpe totia motema na ba Amuleki na bapaluasi mpe makonzi na biso. Ezali na ba Amuleki ebele na Ekezia lelo. Ntango mosusu ozali moko na bango.
Alma ya Elenge
Na kati ya bamingi ya kobosana te kati makomi ezali Alma ya Elenge. Na bongo ye azalaki muana mobali ya profeta moko monene, atikaki Eklezia na ngonga moko mpe akomaki moko “mobali mabe mpe mokumbameli bikeko.” Mpo na ntina moko tokoki kososola te, atemelaki tata na ye na bokasi nyonso mpe alukaki kobebisa Eklezia. Na ntina na maloba na ye sukali mpe kobenda, azwaka elonga monene.1
Kasi bomoi ya Alma ebonguanaki ntango anzelu ya Nkolo abimelaka ye mpe alobelaki ye na mongongo moko ya nkake. Na mikolo misato mpe butu misato, Alma “anyongami na monyoko ya seko, … atako na mpasi ya molimo moko ebebisama. Mpe boye, na lolenge moko mpe mosusu, molimo moko ya kolemba na molili ya makanisi—solo moko ya seko, eteyamaki na tata na ye: ete Yesu Klisto akoki kozonga “komikaba mpo na masumu ya mokili.” Alma na bantango ebele eleki abwakaki makanisi ya lolenge oyo, kasi sikawa ya ye “makanisi masimbamaki likolo ya ya likanisi oyo, mpe ye nakomikitisa, na kimia nyonso, atiaki kondima na ye na nguya ya bomikabi ya Klisto. 2
Ntango Alma atombumaki wuta na mayele oyo, akomaki mobali moko abonguani. Uta na ntango wana, apesaki bomoi na ye na kobongisaka mabe asalaka.
Na ntina ya bosembo na ye, Alma aponaki na bongo kosala nsima ya tata na ye lokola mokambi ya Eklezia ya Nzambe.
BaFandi nyonso ya libota ya Nefi basengeli bayeba lisolo ya Alma. Twitters, Instagrams, mpe Facebooks ya mikoo oyo ekoki kozala ya kotonda na bilili ba masolo etali ye. Ye akokaki na bosolo komonana mingi mingi na lokasa ya yambo ya Zarahemla Weekly mpe ezalaki ntina miene ya zulunale, mpe television, mpe bafilime mpe documentaire ye bozindo. Na mokuse, azalaki ntango mosusu moto moko ya koyebana makasi na ntango na ye.
Kasi ntango Alma amonaki ete bato na ye babosanaki Nzambe mpe bamitombolaki bangomoko likolo na lofundu mpe komilakisa, aponaki kotika mosala ya bato nyonso mpe komipesa yamoko “mobimba na bonganga monene ya molongo mosantu ya Nzambe,”3 koteyaka boyamboli na kati ya Banephite.
Na yambo, Alma akutanaki na elonga monene—yango ezalaki, kino abembukaki na mboka Ammonihah. Bato ya mboka wana bayebisamaki malamu ete Alma azalaki kala te motambwisi na bango ya politiki, mpe bango bazali na botosi moke mpo na mokambi ya bonganganzambe. Bango balobelaki ya mabe, bayokisaki ye nsoni, mpe babenganaki ye mosika na mboka na bango.
Motema kobukana, Alma apesaki mokongo na mboka Ammonihan,4
Kasi anzelu ayebisaki ye azonga.
Kanisa na ntina na yango: azonga epai ya bato oyo bayinaki ye mpe bazalaki banguna liboso ya Eklezia. Ezalaki etinda moko ya likama, ntango mosusu ya kobebisa bomoi. Kasi Alma ezelaki te. Ye “azongaki na lombango.”5
Alma akilaki mikolo ebele ntango akotaki na mboka mpe atunaki na mopaya moko soki akoki “kopesa mosali ya Nzambe ya komikitisa eloko ya kolia.”6
Amuleki
Kombo ya mobali yango ezalaki Amuleki.
Amuleki azalaki mutu ya bozui, mutu moko ayebana na Ammonihan. Atako awutaki na molongo ya molayi ya bandimi, bondimi na yemoko ekolaki na bolembu. Ye ayambolaka na nsima, “Nabiangami ba mbala ebele mpe nayokaki te; na yango nayebaki oyo etali makambo yango, lisusu nakokaki kondimela te; na yango nakendaki kotelemelaka Nzambe.”7
Kasi Nzambe azalaki kobongisaka Amuleki, mpe ntango Amuleki akutanaki na Alma, ayambaki mosali ya Nkolo na kati ya ndako na ye, kuna Alma avandaki mpo na mikolo ebele.8na kati ya ntango wana, Amuleki afongolaki motema na ye na etinda ya Alma, mpe mbongwana moko ya kafukafu eyaki likolo na ye. Uta ntango wana tii lelo, Amuleki andimaki kaka te, kasi ye lisusu akomaki molobeli ya bosolo.
Ntango Alma akendaki lisusu na kati libota ya Ammonihah, azwaki nzeneneke ya mibale na ngambo na ye—Amuleki, moko na bango.
Makambo oyo elandaki ezali moko ya ngai-sukali na makomi nyonso. Bokoki kotanga na oyo etali yango na Alma mikapo ya 8–16.
Lelo, nalingaki kotuna bino kotala mituna mibale oyo:
Yambo “Nini ekoki ngai koyekola uta na Alma?”
Ya mibale “Lolenge nini nazali lokola Amuleki?”
Nini Ekoki Ngai koyekola uta na Alma?
Tika ngai nabanda kotuna na bakambi nyonso ya Eklezia ya Yesu Klisto ya kala, ya sikoyo, to bakoya, “Nini bokoki koyekola uta na Alma?”
Alma azalaki likabo mpenza ya kokesana mpe mobali akoki. Ekoki ntango mosusu kozala pete kokanisa ete azalaki na mposa ya lisungi ya moto te. Kasi nini Alma asalaki ntango azongaki na Ammonihah?
Alma amonaki Amuleki mpe asengaki lisungi.
Mpe Alma azwaki lisungi.
Mpo na ntina soki nini, biso lokola bakambi tozali koboya koluka mpe kotuna ba Amulekis na biso. Ntango mosusu tokanisaka ete tokoki kosala mosala malamu koleka na biso moko, to tozali koboya kotungisa basusu, to tokanisi ete basusu bakoki kolinga te kotia maboko. Lisusu mingi mingi tobangaka kobenga batu mpo na kosalela makabo epesami na Nzambe mpe komipesa na mosala monene ya lobiko.
Bokanisa Mobikisi—ebandaki Ye kozongisa Eklezia na Ye mobimba yemoko?
Te.
Liloba na ye ezalaki te “Ezongaki nsima. Ngai nakokonza yango.” Soki yango ezalaki “Boya, bolanda ngai.”9 Ye afulaki, abengaki, ayekolisaki, mpe nsima elikyaki na balandi na Ye “kosala makambo oyo bino bomonaki ngai kosala.”10 Na lolenge oyo, Yesu Klisto atongaki kaka Eklezia na Ye te kasi lisusu basali na Ye.
Atako na esika nini ozali kosala sikawa—ezala ozali mokambi lisanga likoki ya badiakono, mokambi ya likonzi, to Mokambi ya Etuka—mpo na kozala na elonga, bosengeli koluka ba Amuleki na bino.
Ekoki kozala moto moko oyo azali ya komikitisa to kutu ya komibomba katikati ya bandimi na yo. Ekoki kozala na moto moko oyo amonani kozanga mposa to kokota te kosala. Ba Amuleki bakoki kozalaelenge to mokolo, mibali to basi, bazangi mayele, balembi, to bazangi moto na Eklezia. Kasi bino bososoli te ezali ete bango bazali na elikya ya koyoka kowuta na bino maloba oyo “Nkolo azali na bosenga na bino. Nazali na bosenga na bino !”
Na nse ya mitema na bango ebele baling kosalela Nzambe na bango. Balingi kozala esaleli moko na maboko na Ye. Balingi kokata na makwangola na bango mpe kobuka na maksi na bango kobongisa mabele mpo na bozongi ya Mobikisi. Balingi kotonga Eklezia na Ye. Kasi bazali koboya kolanda. Mingi mingi bazelaka basenga bango.
Nabengi bino kokanisa baye na bitabe mpe bapaluasi na bino, na bamisio mpe makonzi na bino, oyo basengeli koyoka mbela moko ya kosala. Nkolo azalaki kosala na bango—kobongisaka bango, kolembisaka mitema na bango. Bomona bango na kotalaka na motema na bino.
Botandela bango maboko. Boyekolisa bango. Bofula bango. Bosenga bango.
Bokabola na bango maloba ya Anzelu alobelaki Amuleki—ete lipamboli ya Nkolo evandi likolo na bango mpe ba ndako na bango.11 Bokoki kokamwa komona mosali moko ya Nkolo ya elombe oyo na lolenge mosusu akokaki kotikala ya kobombama.
Boni boni nazali lokola Amuleki?
Ntango mingi kati na biso basengeli kokana na Amuleki, mpo na basusu motuna moko ebongi esengelaki ezala “Boni boni nazali lokola Amuleki?”
Ntango mosusu ozali na, nnsima ya mibu, kokoma mosali amipesa na kiboyekoli na yo. Ntango mosusu nguya ya litatoli na yo ebebaki. Ntango mosusu omibendi yo moko mosika na nzoto ya Klisto. Ntango mosusu okomaki kobulungana to kutu na nkanda. Lokola mingi ya Baeklezia ya kala ya Baefese? Okoki kozala otikaki ya yo “bolingo ya liboso”12— babosolo ya kitoko, ya seko ya nsango malamu ya Yesu Klisto.
Ntango mosusu, lokola Amuleki, boyebi na mitema na bino ete Nkolo “abenga [bino] mbala ebele” kasi bino “bokokaki koyoka te.”
Na nyonso wana, Nkolo amoni na kati na yo oyo Ye amonaki na kati ya Amuleki—likoki ya mosali ya elombe na mosala ya motuya ya kosala mpe na litatoli ya kokabola. Ezali na mosala oyo moto mosusu te akoki kopesa pene na lolenge moko. Nkolo atieli yo motema na bonganganzambe na Ye ya bule, oyo esimbi likoki ya bonzambe mpo na kopambola mpe kotombola basusu. Yoka na motema na yo mpe landa babotindiki ya Molimo.
Mobembo ya Mondimi Moko
Nasimbamaki na mobembo ya ndeko mobali moko oyo amitunaki yemoko, “Ntango Nkolo abengi, ekoyoka ngai?” nakobenga ndeko mobali malamu oyo David.
Dawidi abongwanaki na Eklezia penepene na mibu 30 eleki. Asalaki etinda mpe nsima akotaki kelasi ya mobeko. Ntango azalaki kotanga mpe mpe kosala mpo na kosunga libota ya elenge, ye ayaki koyeba ba nsango moko etali Eklezia oyo ebulungisaki mayele na ye. Mingi ayekolaki lolenge ya makambo mabe wana, mingi ya kotungisama ye akomaki. Na nsuka asengaki ete balongola nkombo na ye na mikanda ya Eklezia.
Uta na ngonga wana, lokola Alma na mikolo na ye ya botelemeli, David abebisaki ntango naye ebele mingi kosololaka na bandimi ya Eklezia, kobandaka masolo ya Interneti mpe kobundisaka bondimi na bango.
Ye azalaki malamu mpenza na yango.
Moko ya bandimi ye asololaki na ye nakobenga Jacob. Jacob azalaki ntango nyonso malamu mpe na botosi na David, kasi ye azalaki lisusu mpiko na kokotela Eklezia.
Nsima ya mibu, David mpe Jacob basalaki boyokani ya botosi na moko mpe mosusu mpe kiboninga. Oyo David ayebaki te ezalaki ete Jacob azalaki kosambela mpo na David mpe asalaki bongo na bondimi mpo na mingi koleka mibu zomi. Ye atiaki kutu nkombo ya moninga na ye na molongo ya bato ya kobondela na tempelo ya Nkolo mpe alikyaki ete motema ya David ekokaki kolembisama.
Nsima na bangonga ebele, na malembe, David abonguanaki. Akomaki kokundola na mozindo na mayele ya molimo azalaka na yango kala, mpe akundolaki esengo ayokaka ntango azalaki mondimi ya Eklezia.
Lokola Alma, David abosanaka na mobimba te babosolo ya nsango malamu ye ayambaki bambala eleka. Mpe lokola Amuleki, David ayokaki Nkolo kosembolaka loboko epai na ye. David akomaki sikawa moninga ya kompani moko ya mobeko—mosala moko ya lokumu. Ye akolisaki lokumu moko lokola molobi mabe ya Eklezia, mpe azalaki lisusu lofundu makasi ya kosenga azala ya kondimama lisusu.
Ata na nyonso wana, akobaki koyoka bopusi ya Mobateli mpate.
Ya abombaki na motema likomi oyo “Soko moko na bino azangi mayele, asenga Nzambe oyo akopesaka na bato nyonso na kopesa malamu, oyo mpe akopamelaka te. Bongo akozwa yango.” Ye13 asambelaki, “Nzambe wa bolingo, nalingi nazala Mosantu ya Mokolo ya Nsuka lisusu, kasi nazali na mituna oyo esengeli na biyano.”
Akomaki koyaka mongongo moke ya Molimo mpe biyano efulami ya baninga, lokola nanu ayoka ata mokolo moko te. Moko nsima mosusu, ntembe na ye ebonguanaki bondimi, tii na nsuka amonaki ete, mbala moko lisusu, akoki koyoka litatoli ya Yesu Klisto mpe bozongi ya ya Eklezia na Ye.
Na ngonga wana, ayebaki ete akokaki komatela lofundu na ye mpe asali oyo yango ezwaki mpo andimama kozonga na kati ya Eklezia.
Na nsuka, David akotaki na bamayi ya libatisi mpe nsima akomaki kotala liboso tii na ntango akokaki kozwa bozongi ya mapamboli na ye.
Nazali na esengo ya koyebisa ete na ntango ya moyi eleki, mapamboli ya David ezongisamelaki ye. Azali lisusu kosala elongo na makasi na Eklezia mpe kosala lokola moteyi ya Malongi ya Nsango malamu na palwasi na ye. Azwi libaku nyonso ya koloba na basusu oyo etali bongwana na ye, mpo na kobongisa mabe asalaki, mpe kopesa litatoli ya nsango malamu mpe ya Eklezia ya Yesu Klisto.
Kosukisa
Bandeko na ngai ya bolingo, baninga na ngai ya bolingo, tika toluka, tomona, tofulama, mpe totia motema na ba Amuleki na bapalwasi mpe makonzi na biso. Ezali na ba Amuleki ebele na Eklezia ya lelo.
Ntango mosusu oyebi moko. Ntango mosusu yo ozali moko na bango.
Ntango mosusu Nkolo azali kofulaka bino, kobengaka bino na lombango kozongela bolingo na bino ya liboso, bobakisa ba talanta na bino, bosalela bonganganzambe na bolongobani, mpe bosala loboko na loboko na baninga na bino Bansantu na kotambolaka pembeni ya Yesu Klisto mpe kotongaka bokonzi ya Nzambe awa na mabele.
Nkolo na biso ya bolingo ayebi esika nini bozali. Ye ayebi motema na bino. Alingi ya kobikisa bino. Akotandela bino loboko soki bino. Kaka bofongola mitema na bino epai na Ye. Ezali elikya na ngai ete baye oyo babungi uta na nzela kiboyekoli—kutu ata moke mpenza—bakomona bolamu mpe ngolu ya Nzambe, kofongola mitema na bango, koyekola wuta na Alma mpe Amuleki, mpe bakoyoka maloba embongwanisaka bomoi ya Mobikisi: “Yaka, landa ngai.”
Nabengi bino na lombango bokeba ya Ye libiangi, mpo solo bokozwa mbano ya lola. Mapamboli ya Nkolo ekofanda likolo na bino mpe mabota na bino.14
Na ntina ya oyo natatoli mpe natikeli bino lipamboli na ngai lokola Apostolo ya Nkolo na nkombo ya Yesu Klisto, amene.