“Shí hoozyéél Níhaa Díni’ą́”
Bóhólníhii bíkéé’ yikáhíí hoozyéél yeiidiní’ą́ Bí k’adę́ę dah nídiidáahgo. Bi t’áá ákotéego nihéiidi-ní’ą́.
Shilákéi , díí tł’éé’ Diyin God bi’Ii’sizį́į binahjį’ nihik’ihojisdli’. Sin dóó bee ha’iisdzíí’ nihe’oo-dlą’ bee dááłdził dóó nihiTaa’ Yá’ąąshdę́ę́’ áyóó’o’o’níi baa hasti’go bił ahada’diyeet’ąnii yíwo-hgo bee dahódiníilziníí daníizin. Bóhólníihii Jesus Christ bee ayóó’ííníí’níi yíwohgo nihii’ ąą kó-dzaa dóó
Díí tł’éé’ baa hasne’íí doo nanítł’ah da. Díí tł’éé’ íł hoozyéél danihidiisnáá’. T’áá aníiltso áko t’ée-go ts’ída íł hoozyéél nihił dahólǫ́ǫ doo daníidzin, danhighangi, dóó nihináágóó áł’ąą dine’é. Bó-hólníhii bikéé’ dah diikáii íł hoozyéél nihaa dinish’ááh yi/l ni t’ahdoo dánidiidááhgóó. T’áá áko t’áo nihił áłha’deet’ą́. Ndi bí íinizinígíí bik’ehgo, doo dine íínizinjí da. Bí háiit’áo íł hoozyéél hai-didoo’áłíí yaa hóolne’:
“Ndi bee hóozyélii, éiyá Diyin Ii’sizį́į át’į́, ShíTaa’ éí shízhi’ yinahjį’ íidooł’ááł, bí t’áá ałtsoní yee nanihidínótį́į́ł, dóó t’áá ałtsoní yéé nihidóołní, ha’íshį́į́ nihich’į’ bee háasdzínę́ę.
Bee hóozyéel nihich’į’kóshlééh, shí hóozyéel nihich’į’ nihaa dinish’ááh doo diné aa deidii’ááhígi át’áo, nihaa dinish’áah da. T’áa nihijéí yááh bine’í, éí t’áadoo náldzidí” (John 14:26–27).
Mosiah biye’ké Laman dine’é nidéiinitingóó dah diikáahgo íł hoozyéél yidindanilį́. Náanish bitse’ígíí biniinaa bída’diił’áo, yaa sodádoolzin. Dóó “Bóhólníihii bi’Ii’sizį́į yee baa niyá, dóó áyidííniid: nihił hóózyéél. Dóó bii’ dahóózyéél” (Alma 17:10; see also Alma 26:27).
Łáhda, á dahoonííł bąą íł hoozyéél bidin nílíilí dóó t’óó ahayóígóó ánidahazti’íí bąą. Mosiah biye’ké eíí Bóhólníhii nléí Moroni yee néiineeztą́’ii yíhooł’ą́ą́’. Éí t’áá ániit’é nihá ályaa: “dine’é shaa hakáhii ya’ yee a’óhdanilįnii bił íi-shją́ ádaashlé’. Dine’é yee a’óhdanilįnii baa hidish’ááh áko dah hojoobá’ ádabósin; dóó shi áá hojoobá’ ałtso [háiida] shidáahgi t’áa bí hojoobá’ áda’diilyáii bá bíígháh; háálá t’áa bí shidáahgi hojoobá’ áda’dilyáii ya’, dóó shee da’oodlą́ądi, índa t’áa doole’é yee a’óhdanilįnę́ę yich’į’ dabí-tse’go ádadeeshlííł” (Ether 12:27).
Moroni eíí ádííniid “díidí saad yidiizts’ą́ą’go,” yee “bił hodiiyéél” (Ether 12:29). T’áá aníiltso bee nihił dahóózyeed. T’áá háiida yee a’óhdanílį́ doo dayoo’į́į daaígíí doo náás hidikáah da . doo bich’į’ nihik’alíí nihił bééhóziníí beenihik’ihojidlį́, éí biniinaa hojoobá’ ádi’niizin dóó bee Yisda’iinííł. Ii’sizį́į doo t’óó nihił hoozyéél t’éí ánhosin da, ndi Bí binahjį’ ałdó’ Nina’ídláii éiyá bee iiná łahgo íil’į́įh. Áádóó doo bich’į’ nihik’álę́ę bich’į’ nihitse’ yiidlééh.
Nihi hago shį́į́ Satan ne’oodlą’ yidinóotah; éí Jesus Christ ałtso yikéé’ deiyíkahii ákwiił’į́. Yee nihi k’ihjį’ náádiibáhígíí nihi áchąąh neiyéii Diyin Ii’sizį́į nihił dahólǫ́ǫgo. Ii’sizį́į bee hoozyéé yee yich’į’ yáłti’. Bí oodlą’ bii’ náás yinááł nihił ní. Dóó Bí lá Jesus Christ be’ádinídiin dóó be’a-yóó’ó’ó’ní baa ákoniidzį’ę́ę yee nihidiyóołní.
Bé náłnihgo dah Ii’sizį́į aa yiiléii ts’ída aláahdi nihaa yidoolééł. Bí lá “t’áá ałtsoní béédahidóolní, ha’át’íshį́į́ [Bóhólníihii yee] nich’į’ haadzí’ii” (John 14:26). Bee diilníh dah baa sodizin bee nił hóone’ę́ę, bibee ádziil nihaa yilyá hę́ę, t’áá aaníí nihił yitį́ ályaa yę́ę, éí doodáo Diyin God bí aa áhalyą́ǫ yee wóólóosgo yee nihiká eelwód yę́ę wóołtsą́. Éiida náás yoołkáałdi nidziil ándoo-lííł, Ii’sizį́į díí yah oojé’ígi nihidiisná’ii yéé nihidóołníh. Shí eíí díigi áhodooníłii biká sodiszin.
Ii’sizį́į eíí t’ááła’í bééhaniih shini’ biyi’di chínalki’íí nléí Innsbruck, Austriagi. Béésh t’ąhí bee kiníí yee’ kǫ’ na’áłbąąsíí bítiin bikáagi si’ą́. Ákwe’é naakits’áadah daats’í ahínéiikah, tsin bikáá’ dah asdáhígíí náaznilgo bikáá’ dah nidiniibįįh. Lą’ígo éiyá sáanii, ła’ noosélí dóó náas dineesąnii. Bááh dóó tó bitáákáo ła’ yaa ahééh danízǫ́ǫ binák’eesto’go déiistsééh. Shí dóó Yisda’iinííł diyingo yikáhii ayóó’ádayo’níi shidíisnáá’. Ndi béésh t’ąhí bee kingo bii’ hóolnin eíí álílee shił átéego t’áá bééhóziní. Éí t’ée’go dóó tsésǫ’ bee ádingo, dóó ákone’ áłni’ni’ą́ągo adinídíín nahalin.
Ákwe’é Diyin Ii’sizį́į bits’á di’nídíín dóó bee hóol’in eíí hazlį́į́’. Dóó tsesǫ’dę́ę́’ bee yah í’diidláád Diyingo yikáhii bijéí yee hojoobá’ éí binahjį’, éí Bóhólníihii nihibąąhá yóó ahididoot’ááł yiká yaa heeskai dóó Bí áłahjį’ néedeilnííh daaníigo. Áádóó éí beehániihíí doo nantł’á da, dóó eíí benásh-niihgo doo nantł’agóó baa hasti’íí benáshníihgo eíí lą’í nááhai. Eíí jį́įdi bááh dóó tó yilzį́į́h biyi’ eíí Ii’sizį́į nihił hólǫ́ nínę́ę be’alyáá dóó be’adinídíín dóó bíhoozyéél ídiis’áá’.
Nihigi át’áo, baa ahééh nísin Bóhólníihii t’óó ahayóidi shił hodidooyił nísongo shaa níyáo shidííł-heel. ákodi nihiTaa’ Yá’ąąshdí hólǫníí doo t’óó nihił hodidooyił biká t’éiyá da dóó náás yíwóhgo niizééł biká. “Diyin God Bízaad biyi’ Diyin Ii’sizį́į yee’ íł hódiiłhíł nilįnii yaa halne’. Kwǫ́ǫ́ ła’ náá-ná: “Dóó k’ad, agháo, agháo, ánhidish ní, eíí ba’íidoołííłígíí éiyá Ii’sizį́į yá’át’éejį’ chí’iilóós” (D&C 11:12). Aláahdi éí, Bí yá’át’ééh yaa halósii lá t’áá háiishį́į́ Diyin God yee biká adóolwółgo bił hóozyéel doo.
Bí bee hódzą́ bii’, Bóhólníhii ałhínihii’éézh Bí Sodízin bíghanjí áł’ąą nahaz’ą bii’ dóó ídahoo’ááh bii’.. Bí áko yiiláii nihi yá’át’éhii bich’į’ dánhidzíilgo daneeséeł biniiyé. Díidi áł’ąą nahaz’ą biyi’, bá nidáał’a’go ha’íshį́į́ bee ádoołwółíí nihaayiizlá. Kótéego, ch’ikęęh nohlįnii dah, nibísheb éí doodáii’ ch’ikęęh binaat’áanii dah at’ééd Laureljí “doo nadááda yilééłíí” biká adíilwół nididoo-nííł. Ni dah nibísheb éí doodáii’ ch’ikęęh binaat’áanii bitsísgo bééhonízin. Ni dah hooghangi éí doodáii’ ólta’gi bich’į’ anáhooti’íí nił bééhózin. Ni naat’áanii dah ánidííniidíí doo bił bééhózin da, ndi Bóhólníhii bił bééhózin, dóó Bí díí náanish Bí Ii’sizį́į yinahjį’ yíyoołwół.
Łá diilíiłgo nijéí bii’ dóó at’ééd biká adíilwół ni’doo’níídę́ę bii’ t’áá ánóhłáh alíléegi nihił áhodoo-nííł—dóó Diyin Ii’sizį́į eíí nihił hólǫ́ǫgo t’éiyá. Ii’sizį́į binahjį’ Bóhólníhii nléi Laurel doo nadááh yilééłíí yee yoo’įnii yidííłtsééł. Bóhólníhii bijéí dóó nijéí bił bééhózin, dóó Bí ajéí łáhgo ádooníiłgi bił bééhózin. Bí t’áá ánóhłáh Bí Ii’sizį́į yee niháadoogáałgo bee hojoobá’, ásohsííh nihá yóó’iidi-doo’ááł, dóó ayóó’ó’óhní doołééł.
Eíí Ii’sizį́į saad, ké ha’níi, dóó bidíilkáalgo bíyázhí ła’ dibé yitáhjį’ ándoodááł. Dóó Laureljí yáh anájáhíí yijéí ayóó’ó’ó’ní dóó nádzáhíí ké deiiłníigi yéé yidádidoolchíł, at’ééd hooghangi nádza nízindoo.
Diyin God bitsi’ké t’áá ánoht’é yá’át’éhii bee danitse’ dooígíí, ayóó át’áo yee’, nihitáhgi bił t’áá-ła’í danóhłį́ dóó ayóó’áda’ahiinóh’ní. Díí ałdó’Diyin Ii’sizį́į eíí bee haa yilééh.
Alma díí yik’i’diitą́. Bidine’é eíí yaa náyooskąn “ákwe’é la’ doo ahił saa hólǫní da, ndi náasee’ anáá’ t’ááła’ígo yee yinéł’į́, t’ááła’í yooglą’ dóó t’ááła’í tó bee álzį́į́h, bijéí t’ááła’íi bee yisdł’ǫ dóó yee ayóó’áda’óhó’níigo” (Mosiah 18:21).
Na’nítingi dóó hooghangi t’áá ła’í danlíigo t’éiyá Ii’sizį́į bił dahólǫ́. Ndi nigháiidé’ígíí bąą nihił bééhózin, shígi át’áo, éiigi át’áo ayóó’ó’ó’ní hólǫnii ayóó nanitł’áh. Éí Diyin Ii’sizį́į nihił hólǫ́ǫgo nihináá’ ąą’ íidoolííł dóó nihi’áhachį’ yidínóołtłóh.
Shiye’ tsosts’íd éí doodáo tseebííh bináahaigo tsésk’eh yéego yikáá’ dah nahácha’go éí k’í’dool-tǫ́ǫ́ł nísimgo benáshniih. Áhachį’ shii’ hádiilwód, dóó tsxį́įłgo shighangi hásht’ehódoonííł nísǫ́ǫ. Shiye’ biyósdoo bee sésił dóó déi kwéesh łíiłgo nléi nihináá’ bee ahíniil’į́į́’.
Ii’sizį́į shini’ biijį’ saad kóyiilaa. Iinéé’ t’į́įdóó diits’a’go, ndi éí shijéí bííh yilwód: “dine ayóó át’éii yinítą’.” T’áá hazhóó’oo tsésk’eh bikáá’ dah binéłdá dóó doo t’áá ákoshnéehgo ásht’į́į da.
40 náahaidą́ą́’ Ii’sizį́į shił yit’į́ áyiilaa yę́ę k’ad hastįį ayóó át’éii silį́į́’. Áhool’áo baa ahééh nísin’íí eíí Bóhólníhii yee’ Ii’sizį́į yinahjį’ doo ákoniizį’íí yii’ háshiilóozgo Diyin God ashkii yee yoo’į́níí yiiłtsą́.
Hooghangi dóó sodízin bá hooghangi t’áá ła’í ídlį há’iinínii yee’ Diyin Ii’sizį́į bá hwiil’a’go hai-t’áo áhiníil’įnii łáhgo íidoolííł—dóó bee áłhaa tsíhidiikeesíí. Ii’sizį́į yee’ Christ be’ayóó’ó’ó’ní niłtólígíí yee anéł’į́. Mormon saad háiit’áo diyinjí ayóó’ó’ó’ní niłtólíí yaa háqlne’íí yisínółts’ą́ą́’. Éí hádę́ę́’ shį́į́ nihidíis’a’íí baa nisóhkees.
“Diyin be’ayóó’o’o’ní bee nízáo ha’ólní, dóó aa joobá’, dóó doo oołch’į́įd da, dóó doo ádaa ha’níih da, dóó doo tsį́į́ł báhachą’ ádilnée da, doo nichxǫ́ǫ́’ígo tsidikées da, dóó bąąhági at’éii doo yaa bił honeení da ndi t’áá aanínii yaa bił hózhǫ́, t’áá ałtsojį’ bídziil, t’áá ałtsojį’ oodlą’, t’áá ałtsojį’ chohoo’į́, t’áá ałtsojį’ ha’ólní.
“Eíí bąą, shik’isóó ayóó ánhiinísh’ní, diyinjí ayóó’ó’ó’ní nihee ádingo, t’áadoo nohłįní da, háálá diyinjí ayóó’o’o’ní doo yi’oh neel’ąní da. Eíí bąą, diyinjí ayóó’ó’ó’ní yínóhtą’go, éiyá ts’ída aláahdi at’é, háálá t’áá ałtsoní a’óh daneel’ą́ą doo—
Ndi diyinjí ayóó’ó’ó’ní Christ yee niłtólí, dóó éí áhool’áo dina’; dóó t’áá háiida akée’di yoołkáałdi bee hólǫ́ǫgo, éí bá yá’át’éeh doo.
Eíí bąą, shik’isóó [dóó láhkéígóó] ayóó ánhiinish’níi, ShíTaa’ nihijéí t’áá át’é yéego bee bich’į’ sodadółzin, áko díí ayóó’o’o’ní nihii’ hada’didoobį́į́ł, t’áá háishį́į́ t’áá aaníí biYe’, Jesus Chrsit yikéé’ deiiyikáhii éiyá ałtso yaa yiizlá; áko dah Diyin God biye’ké [dóó bitsi’ké] dadoołééł; áko yit’į́ í’diilyáago nihi be’niilt’é dadiidlééł, háálá ánoolninígíí déiidiiltsééł; nihi dah áko díí nihichánah; nihi dah áko bígi át’áo niłtólí dadiidlééł” (Moroni 7:45–48).
Díí nihiTaa’ Yá’ąąshdi hólǫnii nihá yinízin, Bí tsi’ké ayóó bił danilį́. Éí lá bich’į’ ayói ánizáád danóhsin, ndi Bí yinéł’į́į́dę́ę’go, nihi eíí áhandę́ę́’ bich’į’ wóhkáh. Yinahjį’ Bí Ii’sizį́į yee nihaa nádáahgo nihił hoozyéél, bínóohdlį́ ní, dóó bínáadółnish.
nihiTaa’ eíí nihéé hózin nihidíshní, ayóó’ánho’ní, dóó nihisidízin yídiitsá’. BíYe’ Ayóó’áyo’níi hágo nihił ní. Dóó T’áá’áłah bá naał’á’góó Diyin Ii’sizį́į yee nihiká análwo’.
Jesus Christ Nina’ídláhíí biniinaa, Diyin Ii’sizį́į aláhjį’ nihił hólǫ́ǫgo nihii’sizį́į bá yá’átééh dóó niłtólí yilééł. Nihi Yisad’iiníí Bíkéé’ naakáii yaa yidiní’ąnę́ę baa ákodinóosįįł. Eíí íł hoozyéél bee nihicho’oo’į́ dóó bee nihíTaa’ dóó BíYe’ Ayóó’áyo’níi be’ádinídíín dóó be’ayóó’ó’ó’ní baa áko-nóhsin, éí ni’ bikáa’gi Bí haz’ą́ąjí bá yáłti’í yił íishją́ íił’įnii yee yoo’ísh. T’áá aaníí Jesus Christ bízhi’ binahjį’ ádishní, amen.