16:14

Swarg ke Pitah aur Prabhu Ishu Masih ke Or Gehra aur Lambe Samay ka Samarpan

Elder Quentin L. Cook dwara

Barah Devduton ke Korum ka

Hum long ke lakshye hai u rakam se Girjaghar aur ghar la anubhavon ke belans karo jisse biswaas aur dhaarmikta badhi aur samarpan gehra hoi.

Jaise Pradhaan Russell M. Nelson abhi etna sundar aur achcha se batais, Girjaghar ke neta long etna din se “ek ghar-pe-shiksha aur Girjaghar-ke-madad se yojna banata raha siddhaant sikhe, biswaas mazboot kare ke, aur niji bhakti badhawe ke.” Pradhaan Nelson tab ek badlaao ke ghoshna karis “ek nawa belans aur sambandh laawe ke ghar aur Girja me gospel shikshan ke beech.”¹

I sab lakshye haasil kare me—Pradhaan Russell M.Nelson ke bataya gaya aur uske aguwaai me aur Pratham Adhyakshta aur Barah Devduton ke Korum ke Council ke baad—Raviwaar sabha yojna i rakam se badla jaai, January 2019 ke shuruaat se.

Raviwaar Sabha ka Skedul

Raviwaar Girjaghar ke sabhaon me 60-minat ka sekramant meeting rahi sab Raviwaar ke, jon Uddhaarkarta, sekramant ke dharamvidhi, aur dhaarmik sandeshon pe dhyaan dei. Klass me jaawe la taaim ke baad, Girjaghar ke sadasye ek 50-minat la klass jaai jon har dusre Raviwaar ke rahi:

Sunday Skool mahine ke pehle aur teesre Raviwaar ke rahi.
Pristhud korum, Sahayak Sanstha, aur Jawaan Mahilaaon ke sabha dusra aur chautha Raviwaar ke rahi.
Paanchwa Raviwaar ke sabha bishop ke aguwaai me hoi.

Yahi 50-minat ke taaim pe sab hafta Praemri hoi aur isme gaana la samay aur klasses rahi.

Raviwaar sabha skediul ko lekar, Girjaghar ke bade neta kayi saalon se jaante the ki hamare kuch anmol sadasyon ke liye teen-ghanto tak Raviwaar skediul girjaghar par kathin ho sakta hai. Yeh khaas rup se sach hai chote ladkan ke maata-pita ke liye, Praemri ladkan, buzurg sadasye, haal hi samarpit logon ke liye, aur anye logon ke liye.²

Lekin i badlaao se jude aur bahut kuch hai sirf Raviwaar sabha ke skediul ko chota karna hi nahi. Pradhaan Nelson abhaar prakat karis hai ki pehle la badlaao me aap long ke wafadaari se yeh itna kuch mumkin hua hai. U aur Girjaghar ke sab neta zyaada khushi dena chahate hai—maata-pita, ladkan, yuva, aviwaahit, buzurg, naye sadasye, aur prachaarak jin logon ko padhate hai ko—ek ghar-pe-shiksha, Girja-ke-madad se kiye belans koshish ke zariye. Jo lakshye aur ashirvaad is badlaao aur anye haal ke badlaao se milenge woh niche diye gaye hai:

Gehra hota samarpan Swarg ke Pitah aur Prabhu Ishu Masih ki or aur Unme biswaas ko mazboot karna.
Akele logon aur parivaaron ko ghar-pe-shiksha, Girjaghar-ke-madad se curriculum ke zariye mazboot kare se khushaal rup se gospel ko jeene me madad milega.
Sebath din ka sammaan karna, sekrament ke dharamvidhi pe dhyaan dekar.
Swarg ke Pitah ke sabhi ladkan ke madad karna veil ke duno taraf prachaar kaarye aur mandir ke dharamvidhi aur vachano aur ashirvaadon ko paane se.

Ghar-Pe-Shiksha, Girjaghar-ke-Madad se Susamachaar Seekhna

I Raviwaar skediul zyaada samay dewe Raviwaar ke ghar pe ek home evening aur ek gospel stady ke liye ya koi aur kaarye ka samay jaise akele log aur parivaarein chunenge. Sommaar(Monday) ya koi aur din ek parivaar ektivity raat kar sakte hai. I kaaran se, neta long ke chaahi Girjaghar ke sabhaaen aur ektivity Sommaar sanjha ke nahi rakkhe. Waise bhi, home evening, gospel stady, aur ektivitites me akele log aur parivaarein jo samay bitaate hai sake u long ke apan paristhiti ke dekh ke rakkha jaawe.

Come, Follow Me—For Individuals and Families

Parivaar aur akele logon ke ghar pe gospel stady safal rahi jab curriculum duno jagah ek rahi aur ek nawa Come, Follow Me saadhan akele logon aur parivaaron ke liye jon Sunday Skool aur Praemri ke shiksha ke sange jaai.³ January me, Girjaghar ke yuva aur buzurg Sunday Skool aur Praemri kakshaaen Naya Niyam padhenge. Nawa ghare padhe la Come, Follow Me saadhan akele logon aur parivaaron ke liye—jisme Naya Niyam bhi hai—ghar pe sadasyon ke susamachaar seekhe ke liye banawa geis hai. Is me likha hai: “I saadhan Girjaghar ke har ek akele insaan aur parivaar ke liye hai. Iske banawa ge hai [hum long ke behtar] dhang se gospel seekhne me madad kare ke liye—chaahe [khud] apan me ya [hum long] ke parivaar me. … I [nawa] saadhan me paath ek hafte bhar ka skediul … me aayojit kara ge hai.”⁴

Nawa Praemri Come, Follow Me ke paath jon girjaghar me sikhaawa jaai wahi hafte bhar ka skediul ke mutaabik rahi. Buzurg aur yuva ke Sunday Skool klaases jon pehle aur teesre Raviwaar ko padhae jaaenge ek jaise rahenge taaki u nawa Come, Follow Me gharelu saadhan ke sahayta kari. Dusre aur chauthe Raviwaar ko, pristhud aur Sahayak Sanstha me buzurg Girjaghar ke netaaon ke shikshan padhna jaari rakkhi, modan profats ke abhi haal ke sandeshon ko dohraane ke saath.⁵ Jawaan mahilaaen aur Aaronic Pristhud ke jawaan purush un Raviwaaro ko gospel vishay pe charcha karenge.

Nawa home-stady saadhan me “Parivaar Skripcha Stady aur Family Home Evening ke Sujhaao”⁶hai. Sab hafta ke paath me laabhdayak stady ke sujhaao aur ektivities hai akele logon aur parivaaron ke liye. Come, Follow Me saadhan akele logon aur parivaaron ke liye me kayi tasveerein bhi hai jisse akele logon aur parivaar ke seekhne me madad mili, khaas karke ladkan ke liye.⁷ I nawa saadhan i saal December tak har ek gharana ke mil jaai.

Pradhaan Nelson, January me jonchi Girjaghar ke sadasye long ke batais raha me, hum long ke aagrah karis Ishu Masih ke Second Coming(Dusra Aagman) ke liye taeyaari karo vachanbadh reh ke.⁸

Duniya ke haalaathon ke kaaran Swarg ke Pitah aur Ishu Masih aur Uske Praeshchit pe zyaada niji samarpan aur biswaas ko mazboot karne ki zaroorat hai. Prabhu hum long ke taeyaar karis hai, thoda thoda karke, is kathinaai ke samay me jiska saamna hum abhi kar rahe hai. Abhi jaldi se, Prabhu hum long ke dekhais kaise usse taaluk rakhe la mukhye vishay se pesh aao, jisme shaamil hai:

Sebath din aur sekrament ke pavitra dharmvidhi ke sammaan karo pichle teen saal se abhi tak dohraawa jaae hai.
Bishop ke aguwaai me, mazboot kiye gaye elders korums aur Sahayak Sansthaen Girjaghar ke lakshye pe gaor kare hai aur divye rup se diye zimmedaariyon pe⁹ aur sadasye long ke madad kare pavitra vachan banawe aur nibhaawe me.
Ek paak aur pavitra tarika se dekhrekh ko karna khushi se apnaaya jaa raha hai.
Shuru se anth ko khyaal karke, mandir ke vachan aur parivaar itihaas sewa vachanbadh rehne ka ek mukhye bhaag hone laga hai.

Aaj sabere jon badlaao ke ghoshna hois hai ek aur uddharan hai aguwaai ka hamare din ke chunaoti ka saamna karne me.

Girjaghar ka paramparik curriculum se Raviwaar Girja ka anubhav dohraaya gaya hai. Hum long janta hai jab hum long behtar shikshan mile aur achchi tarah taeyaar klass sadasye paata hai, hum long ke Raviwaar Girjaghar ka anubhav behtar hota hai. Yeh hamara ashish hai ki aksar Aatma badhe hai aur Girjaghar ke maahol me samarpan mazboot kare hai.

Nawa ghar-pe-shisha aur Girjaghar-ke-madad se ke curriculum me aur shaktishaali dhang se parivaar ke dhaarmikta dikhana aur bartaao aur niji dhaamikta dikhana aur bartaao zaroori hai. Hum long jaante hai ketna dhaarmik prabhaao aur gehra aur lambe samay ka samarpan haasil kiya jaa sakta hai ghar ke maahol me. Saalon pehle, ek stady se kaha ge raha ki jawaan purush aur mahilaao ke liye Pavitra Aatma ka prabhaao aksar ghar me khud se skripcha stady aur praathna karna hota hai. Hum long ke lakshye hai u rakam se Girjaghar aur ghar la anubhavon ke belans karo jisse Swarg ke Pitah aur Prabhu Ishu Masih me biswaas aur dhaarmikta badhi aur samarpan gehra hoi.

Ghar-pe-shiksha, Girjaghar-ke-madad se ke hissa ke badlaao me, har akela insaan aur parivaar ko praathna dwara tay karne ka maoka hai kaise aur kab woh shuru karenge. Uddharan hai, jabki sthaniye zaroorat ko dhyaan me rakh ke i ekdam uchit hai jawaan aviwaahit, buzurg aviwaahit, akele maata ya pita, thode-sadasye waale parivaar, nawa sadasye ke liye jabki sabhi parivaar bahutaais se ashish paayi isse,¹⁰ aur jon koi maange grup me mile aamtaur ke Raviwaar ke bhakti sabhaaon se alag aur ghar-pe-shiksha, Girjaghar-ke-madad-se ka saadhan sange padhe se mazboot howe. I sake anaupchaarik(informally) taor se jon bhi maange pura kare.

Duniya ke dher ilaaka me, kuch log girja par rehna chahate hai Sunday skediul ke baad mil-julne ke liye. I badlaao la ghoshna me kuch aisan nahi hai jon koi bhi rakam se badha daali ayse kare la behtarin aur faedemand aadat me.

Sadasye long ke Sebath ke liye taeyaar kare me madad me, kuch ward long ek suchna dewe la email, text, ya soshal midia sandesh aawe la hafta me bhej di. I badlaao ke kaaran, hum long sifaarish karta i rakam se sampark kara jaawe. I nimantran se sadasye long ke sako u hafta ke Raviwaar sabha skediul bhejo, aur agla klass ke paath la shirshak, aur ghar pe gospel charcha jaari rakhna. Iske saath saath, Raviwaar ke buzurg la sabha bhi jaankaari di kaise girjaghar aur ghar pe shiksha ek samaan rakho har ek hafta.

Sekrament sabha aur kaksha ke praathnshilta se soche ke taaki dhaarmik zaroorate mukhye sthaan paai edministraitiv kaaryon ke milaan me. Uddharan me, anounsmant sake beech hafta la nimantranya ek chaapa gaya prograam me pura kara jaawe. Jabki sekrament sabha me ek shuruaat aur antim praathna zaroori hai, dusre sabha me sirf antim praathna zaroori hai.¹¹

Jaise pehle bola ge hai, nawa Raviwaar skediul January 2019 me shuru hoi. Iske dher wajah bhi hai. Isme dui sabse zaroori hai, pehla, ki samay ho Come, Follow Me saadhan akele logon aur parivaaron ke liye baatna me aur, dusra, stake adhyakshtaaon aur bishops ko samay mile sabha ke skediul tay karne ko, jiske lakshye rahi zyaada wards subha hi mile.

Jab ki neta long reveleishan ke maang kar lis hai, pichle kuch saalon me batawa ge raha sekrament sabha ke mazboot karo, Sebath din ke sammaan karo, aur maata-pita aur akele logon ko protsaahan aur sahayta do apan gharon me dhaarmik taaqat aur badhte biswaas laana—anand aur khushiyaali la jagah.

Vishesh Ashish

I sab badlaao ke Ishu Masih ka Girjaghar Antim-dinon ke Santon ka ke sadasyon par kya asar hoga? Hamein vishwaas hai ki sadasyon ko vishesh rup se ashish milegi. Raviwaar girjaghar aur ghar pe gospel seekne aur shikaane ka din ho sakta hai. Jab akele log aur parivaar femily council, femily itihaas, dekhrekh, sewa, khud se bhakti, aur khushaal parivaarik samay me bhaag lenge, Sebath din sach me khushi se bhara rahi.

Brazil ka ek parivaar ek stake ke sadasye hai jahan nawa ghar saadhan Come, Follow Me ko test kiya gaya tha. Unke pitah, Fernando, ek riten mishnary hai jo, apan patni, Nancy ke saath, chaar chote ladkan ke maata-pita hai, batais hai: “Jab Come, Follow Me program hamare stake me laaya gaya, hum etna khushi raha, aur hum socha ‘hum long jon rakam se ghar pe skripchas padhta ab badal jaai.’ I toh sachche ke hamaar ghare hois, aur Girjaghar ke ek neta howe ke kaaran hum aur kuch ghar long pe hote dekha. … Isse hum long ke apan ghar pe maoka mila skripchas pe charcha kare ke. Hamaar patni aur hamme ek gehra samajh hoi padhe la vishay ke. … Isse hum long ke madad mila … apan gospel gyaan ke badhawe ke aur hum long ke biswaas aur gawahi ke badhawe ke. … Hum apan gawahi deta … ki hum janta i Prabhu ke prerna hai taaki skripchas me paaya jaawe la aadarsh aur dharamsiddhaant ke lagataar aur roj padhe se zyaada biswaas, gawahi, aur raushni mili parivaar long ke … i badhti buraai ki duniya me.”¹²

Duniya bhar ke pilot test kare la stake long me, sab bahut pasand karis nawa Come, Follow Me gharelu saadhan ke. Dher jan bolis u long khali skripchas padhe se vaastav me skripchas stady kare laga raha. Sab koi mehsoos karis ki i anubhav se biswaas badhis aur ward pe achcha asar padis raha.¹³

Gehra aur Lambe Samay Ka Samarpan

I sab badlaao ke lakshye hai ek gehra aur lambe samay ka samarpan buzurg aur badhti peedhi me laana. Akele logon aur parivaar saadhan ka pehla panna batawe hai: “Sabhi gospel seekhne aur shikhane ka lakshye hai gehra samarpan aur hame aur zyaada Ishu Masih ki tarah banne me madad karna. … Iske matlab hai Masih pe nirbhar hona hamare dil badalne ke liye.”¹⁴ I mumkin hoe hai “klassroom se baahar nikal ke kisi ke dil aur ghar tak pahunchna. Iske liye barabar, har din koshish zaroori hai gospel ke samjhe aur jiye me. Sachcha samarpan ke liye zaroori hai Pavitra Aatma ka prabhaao.”¹⁵

Sabse zaroori lakshye aur gehre aur lambe samay ke samarpan ka aakhri ashirvaad hai kaabil reh ke vachano aur dharamvidhiyon ko haasil karna vachanbadh reh ke.¹⁶

Hamein aap pe bharosa hai aap saath salaah karoge aur revelaishan khojo ge i badlaao ke amal me laawe ke liye—ki lakshye se dur na jaao ya akele vyakti ya parivaaron ko batao kya karna hai. Aur jaankaari aage chal ke batai jaaegi, jisme ek Pratham Adhyakshta ka patra aur anye cheezein hai.

Hum aapke gawahi deta ki Pratham Adhyakshta aur Barah Devduton ke Korum ke Councils ke mandir me huwe sabhaaon me, aur jab hamare priye profat ne Prabhu se revelaishan maang liya tha in badlaao me aage badhne ke liye, sab ne ek mazboot swikriti praapt ki thi. Russell M. Nelson hi hamare jiwit Pradhaan aur profat hai. Aaj ki ghoshnaon se gambheer ashirvaadein milengi unhe jo furti se in badlaao ko apnaaenge aur Pavitra Aatma se maargdarshan dhoondhenge. Hum long hamare Swarg ke Pitah aur hamare Prabhu aur Uddhaarkarta, Ishu Masih, ke aur kareeb aaenge, jiska mai ek pakka gawaah hoon. Ishu Masih ke naam se, amen.