Naan in Kōppeļļo̧k ko
Ej iien n̄an juon jikin-kabun̄jar ilo Mweo, ej bōk jipan̄ jān ta eo ej bōk jikin ilowaan branch eo ad, ward eo, im m̧ōnjar ko an stake.
Ro jeiū im jatū rejitōn bōro, kōm kar reim̧aantak n̄an kobatok ippemi bar juon alen ilo kweilo̧k in eļap ilo Oktoba an Kabun̄ in. Kōmij lewaj am iakwe im karuwainene n̄an kom̧ kajjojo. Kōmij lukkuun kam̧oolol kōn jar in rejtake ko ami. Kōm maron̄ en̄jaki aer kajoor. Kom̧ em̧m̧ool!
Kōmij kam̧m̧oolol kōn kijejeto ko ami rem̧m̧an n̄an ļoor naan in kapilōk eo kar letok ilo kweilo̧k eo eļap jiljilino allōn̄ remootļo̧k. Stake būreejtōnji ko ilo aolepān laļ in rekar pukot revelesōn eo emenin aikuj n̄an bar ejaake doulul ko an elder ro. Em̧m̧aan rein an Doulul kein ippānļo̧k kōrā ro jeid im jatid ilo Doulul eo an Kōrā ro rej tiljek jerbal n̄an karejar n̄an ro jeid im jatid ilo juon wāween eutiejļo̧k, ekwojarjarļo̧k. Jej bōk im̧we jān kijejeto ko rem̧m̧an ami im ejej uwaer n̄an bōktok iakwe eo an Rilo̧mo̧o̧r eo n̄an baam̧le ko ami, ro riturimi, im jerami im n̄an karejar n̄an er āinwōt An naaj kar.
Jān kweilo̧k eo an Eprōļ, Sister Nelson im n̄a kar kweilo̧k ippān membōr ro ilo laļ ko emān im ioon aelōn̄ ko ilo lo̧meto. Jān Jerusalem n̄an Harare, jān Winnipeg n̄an Bangkok, kōm̧ kar en̄jake tōmak eo ami eļap im kajoor in naan in kam̧ool ko ami.
Kōmij lukkuun lan̄lōn̄ kōn oran jodikdik ro ad ro rekar kobaļo̧k ippān jarin ritariņae ro an Irooj n̄an jipan̄ aiintok ejeplōklōk an Israel.1 Kōmij kam̧m̧oolol kom̧! Im ilo ami wōnm̧aanļo̧k im ļoor kajjitōk ko aō kar liwaj ilo nokon in jota eo an jodikdik aolepān laļ in, kom̧ij kōm̧m̧ane juon jon̄ak eo n̄an kōjwōj aolep bwe jen ļoore. Im menin ej juon oktak kom̧ij kōm̧m̧ane!
Ilo iiō ko kiiō, kōm ro ilo ko̧o̧njeļ eo ej tōl an Kabun̄ in kar kōnono ippān doon kōn juon kajjitōk eaorōk: ewi wāween ad maron̄ bōk gospel eo ilo an pidodo im erreo im kain̄i ko ippān men ko jelet indeeo n̄an aolep ajri ro nejin Anij?
Āinwōt Armej ro Rekwojarjar, em̧ōj ad erom̧ ad imminene n̄an ļōmņak kōn “kabun̄āinwōt juon men eo ej waļo̧k ilo im̧ōn kweilo̧k ko ad, rie jān ta eo ej waļo̧k ilo m̧weo. Jej aikuj juon kajim̧we n̄an jon̄ak in. Ej iien n̄an juon jikin-kabun̄jar ilo Mweo, ej bōk jipan̄ jān ta eo ej bōk jikin ilowaan branch eo ad, ward eo, im m̧ōnjar ko an stake.
Ilo an Kabun̄ in wōnm̧aanļo̧k debakbakļo̧k aolepān laļ in, elōn̄ membōr ro rej jokwe ijoko im ejjeļo̧k mōnjar ie—im maron̄ jab ium̧win juon tōre eaitok. Ij keememej juon baam̧le eo, kōnke kain jekjek rot in, ekar menin aikuj bwe ren jar ilo m̧weo im̧ōer. Ikar kajjitōk ippān jinen baam̧le eo ewi wāween an en̄jake ilo an etal n̄an jar ilo an etal n̄an m̧weo imōn. Ekar uwaak, “Em̧m̧an Ippa! Ļeo pāleeō ej kōjerbal kajin ko rem̧m̧an ilo m̧weo imōm kiiō, jeļā bwe enaaj kōjeraam̧m̧an kwokwoj eo ijin kajjojo Jabōt.”
Jibadbad in kar an Kabun̄ in ium̧win juon iien eaitok ej n̄an jipan̄ aolep membōr ro kōļapļo̧k tōmak eo aer ilo ad Irooj Jisōs Kraist im ilo Pinmuur eo An, n̄an jipan̄ er ilo kōm̧m̧an im kōjparok bujen ko aer ippān Anij, im n̄an kōkajoorļo̧k im liāpe baam̧le ko aer. Ilo rainin an tarpok laļ in, menin ejjab pidodo. Rikap eo ej kōļapļo̧k an jodiki tōmak ko im iood im baam̧le ko ad ilo juon wāween em̧ōkajļo̧k im em̧ōkajļo̧k. N̄an jo̧o̧r ilo jetōb jān en̄taan, jej aikuj kōl ko n̄an jipan̄ jelm̧ae jodik ko an rikapo eo im karōk karōk ko n̄an jipan̄ kōj. Kōn wōt menin, kiiō jekōņaan in ejaake oktak ko an doulul me renaaj wōnm̧aanļo̧k im kōkajoorļo̧k membōr ro ad im baam̧le ko aer.
Ium̧win elōn̄ iiō ko, ritōl ro an Kabun̄ in rekar jerbale juon kein katakin eo n̄an kōkajoorļo̧k baam̧le ko im kajjojo armej kōn juon jikin-kabun̄jar ilo Mweo im Kabun̄-ej bōk jipan̄ im karōk n̄an ekkatak katak ko, kōkajoorļo̧k tōmak, im kōjparok eļapļok kabun̄jar an juon make. Kijejeto ko ad ium̧win iiō kein n̄an kokwojarjar raan in Jabōt—n̄an kōm̧m̧ane bwe en lan̄lōn̄ im juon kōkkaļļe an juon make n̄an Anij kōn an iakwe n̄an E—naaj aaet em̧m̧anļo̧k jān oktak ko jenaaj kwaļo̧k kadkadier.
Jibbon̄ in jenaaj kōjjeļļā kōn juon jekjek jon̄an wōt juon im ekkejel ikōtaan kōmeļeļe ko an gospel eo ilo m̧weo im ilo Kabun̄ eo. Kōj kajjojo rej bōk eddo in eddōkļo̧k eo ad kajjojo ilo jetōb. Im jeje ko rekwojarjar rej kalikkar bwe ro jinen im jemān ewōr aer eddo eo eaorōk n̄an katakin katak ko n̄an ajri ro nejier.2 Ej eddo eo an Kabun̄ in n̄an jipan̄ kajjojo membōr ilo kōttōbar in ekwojarjar kar kōmeļeļeiki kōļapļo̧k jeļāļo̧kjeņ eo an kōn gospel in.
Elder Quentin L. Cook enaaj kōmeļeļeiki oktak kein raorōk. Aolep membōr ro an Ko̧o̧njeļ eo an Būreejtōnji eo Kein Kajuon im Doulul eo an Jon̄oulruo Rijilōk ro rej ippān doon ilo kōmālim ennaan in. Kōm̧ij lukkuun kile im̧we in jān Irooj eo ekar kareel eddōkļo̧k in an karōk ko im jekjek in jerbal ko me Elder Cook enaaj kwaļo̧ki.
Ro jeiū im jatū, ijeļā bwe Anij ej mour! Jisōs ej RiKraist eo! En̄in ej Kabun̄ eo me E ej tōl kōn kanaan im revelesōn n̄an rikarejar ro An rettā. Āindein ij kam̧ool ilo etan Jisōs Kraist, amen.