I Kin Pereniki Kilang Tehnpas Sarawi
Nan toahnpas sarawi te me kitail kak alehdi inou kan ong peneinei limpok kan me pahn wonlahte mwowe mwurin mehla oh lelohng mour soutuk.
Riei ohl akan oh lih akan, I kapingki ei kak patehng kumwahil nan keiou en tupene nan kapokon lap wet. Tohn kaparek kan, tohn keseng kan, oh kapakapo wadohng kitahil ehr ngehn sarawi—pil iangahki pepehm en marain oh koapwoaroapwoar.
Pepehm wet katamando ni ei tepin aluhlong nan tehnpas sarawi en Salt Lake. I wia pwutak pwulopwul men. Ahi pahpa oh nohno me wia iengehi rahno. Loalehu, ira kin uhdi mahs pwe tohn dodohk en nan tehnpas sarawio en kin rahnmwahu ih ira. I kin seimeksang ira, ekis kelehpwla ansou kis.
Lih piten mwonge pwetepwet men pa rahn mwahuih ie me lukou pwetepwet kaselel en nan tehnpas sarawi. Lih menet kilengdo rehi, kouruhr, oh lokaiahng ie ni meleilei, “I kasamwo uhk nan tehnpas wet, Riei pwutak Eyring.” I ekis medemedewe ansou kis ma liho emen tohnleng pwehki ah ese edeio. I saikinte wehweki me mie edei nan kisin doaropwe me mih pohn ei seht.
I kahk ehu daulih liho ngehi uhdi. I kilengida nan pwolengen ihmwo me inenen pwetepwet oh kamarainihda nan perehu duehte ei kak kilangda nanleng. Oh ni ansouo, madamadau me kohdo nan mwoangeie ni lokaia sansal; “Mie ier pak i iang mih nan wasa marain wet.” Ahpw ansou mwadang mie madamadau ehu kohdo, kaidehn sang ni ngilei, iet koasoai kan: “Soh, ke saik iang mi wasah? Ke kin taman ansou ehu mwon ahmw ipwidi. Ke iangehr mih nan wasa sarawi duwehte wasaht.”
Likin atail tehnpas sarawi, mie lepin lokaia kei “Koht meeSarawi.” I pein ese sang ie me lokaia pwukat udahn mehlela Tehnpas wia wasa sarawi wasa me kaudiahlkin mengei en kohdo retail ma kitail ritingada atail mongiong oh warohng.
Mwurin rahno te i pil pwurehng kehn ngehn sarawi o. Kasarawi en tehnpas iangahki ekei lokaia me kahreda i kin pehm mwasik nan ei mwongiong, me kasalehda ei sapwung kan kin mehlel oh sair loaleie duen ai mour ehu rahn. Dahme ih alehdi ongete pein ngehi duwen dahme pahn kohdo mwohi, oh e wiahla mehkot mehlel mwurin sounpar 40 sang ni pwukoah dodohk ehu iehn papah sang rehn Kauno.
I ahniki pepehmw duete met ni ansou me i kapwopwoud nan tehnpas en Logan Utah. President Spencer W. Kimball me wia katengtengpene. Ni lokaia mwotomwot eh inda, eh wia ah kawehid, “Hal oh Kathy, kumwa ahniki mour mwahu pwe ni ansou me amwa ansou pahn leledo, kumwa pahn kak mwesel ni saledek.”
Ni ansou me eh masanih mepwukat, i kak ese nan ei madmadau, ni koalor unsek, ehu uhkidi oh ahl pwoat me kohdala lel nan koadoke. Mie kehl pwetepwet me mih pali meing en ahl oh sohrala nan mwutin tuhke nan koadoken wasa ileilehu. Ehu ihmw pwetepwet me wie sansaldo sang nan tuhke kan.
Mwurin sounpar ehu, I kasawihda ukadahu ni ansou me ohl-me ih pahn- papahki wai kiht kohdala pohn ahlo. E duehte dahme i kilangada ni ansou me Presiden Kimball kaweihdki nan tehnpas.
Ni ansou me se lel nan koadoken nanahu, en ahi poudo ah papahu uhdi ni ihmw pwetepwet ehu. Eh indahiong kiht me ih oh ah poud pwahinda wasahu oh he mwahuki nah serepein oh ngehi en kouson nan wasa me kes kin pweidi ie. Irail pahn kin mih nan udahn ihmwo, piht kei samwa. Eri, sounpar 10 se kin mihmi nan ihmwat kaselel, ngehi oh ai poud kalapw kereniong inda rahn koaros, “Se udahn anahne perenkila met, pwehki kitahil sohte pahn mih wasah ansou reirei.”
Pakair ehu me kohdo sangrehn Koun en education nan Mwomwohdiso, Neal A. Maxwell. Kehkelik me Presiden Kimball kasalehda pwe ken kak “Mengei en aluhsang” e mehlel la. Eh wia malipilip ehu pwe ien mwesen me duehte luhk ehu ohng emen aramas ehn papah wasa ehu me eh sohte wewehki. Aht peneinei onopadahr en mwesel ni ansoun kapai oh wasahn kapai pwehki soukohp, nan tehnpas sarawi, wasahn kaudiahl, kilang ehr whu rahn me se wie ononopehng ehr.
I ese me tehnpas en Kouno iei wasa sarawi. Ih kahrepen rahn wet pwe ien kak koasoaia duen tehnpas ah kak kalaudehla atahil ineng oh madamadau en warohng oh kalaudehla atahil ansou mwahu me pahn kohdo pwehn doadaohk nan tehnpas.
Ohng ie, ingeng lahud pwe ken kak warohng wia doadoahk nan tehnpas iei dahme Koht ketin masanih nan sapwelime wasa Sarawi:
“Nin duwen nei aramas akan pahn kauwada tehnpas ong ie ni mwaren Kauno, oh sohte pahn mweidohng mehkot me samin en kohdohng loale, pwe e deh kasaminehla, ahi klori pahn ketiket loale erein.
“Ehi, i pahn ketket wasahu, pwe i pahn kin patehng irahil, oh irahil me ahniki mwongiong mwakelekel me pahn kohdo pahn kak kilang Koht.
“Ahpw ma eh sohte konehng i sohte pahn pedelong, oh ei glory sohte pahn mih wasahu; I sohte pahn pedelong nan tehnpas me sohte mwakelekel.”1
Presiden Russell M. Nelson ni sansal padahkiong kitahil “kilang” Sounnkomouro nan tehnpas ni pepehm me eh sohte ieiang kitahil. Presiden Nelson masanih: “Se wewehki duen ih. Se wewehki sapwellime doadoahk oh Sapwellime kilohri. Oh se kakehr kehn lupen
Ma kowe de ngehi pahn kohla nan tehnpas sohte mwakelekel, kita sohte pahn kak kasawih, sang ni manaman en Ngehn Sarawi, padahk en pali ngehn me pid Sounkomour me kitahil alehdi sang nan tehnpas.
Ni ansou me kitahil warohng en alehda padahk kan, mie kehirda lahud en koapwoaroapwoar ni atahil pahn patehng doadoahk en tehnpas, peren, oh insenamwahu nan atahil mour. Koapwoaroapwoar, peren, insenamwahu kin kak wiawi sangete tiahk sarawi me kin wiawi nan tehnpas kan. Nan toahnpas sarawi te me kitail kak alehdi inou kan ong peneinei limpok kan me pahn wonlahte mwowe mwurin mehla oh lelohng mour soutuk.
Pahr kei mwowe, ni ai wia Pisop men, mie mwanakapw pwulopwul men sohte alehda en luhk ohng pwehn warohng oh katengteng ohng Koht oh ah peneinei kokohlate. Pwutako indahng ie duen ah ansou mwahu kan ni eh kin patehng kempoakepah kan. Ih mweidehng en kak koasoai. Ih eri indahng ie ehu ansou me eh kin iang tuhpene kan. nan erehin arahil wie mwoarmwoarong, ih ansou me eh pehmada me eh kelekelehpw de sangat. Ngehi eri idek reh dahme wiawi. Eh indahng ie me eh taman ehu ansou ni ah tikitk, mwomwohd pohn nehn ah nonohu, oh ah nonohu wie kolokol. Nan ansou me e kosokosoia soai pwoatet, e sengiseng. Ih indahieng me dahme i ese eh mehlel: “Ihte me ke kak wia pwe ken ahniki pepehm duen ohmw peneinei iei nantiohng warohng oh sewese mehteikan iang alehdi tiahk sarawi en katengteng pene nan tehnpas.”
Kita sohte ese duen pisetik kan me pid peneinei nan sapwen ngehn de dahme pahn wiawi mwurin atahil pahn iasada. Ahpw kita ese me soukohp Elaisa kokihdo pwehn kapwurepene mwongiong en pahpa kan ohng seri kan oh seri kan ohng arahil papah kan.3 Oh kitahil ese me atahil peren soutik pahn sang ni atahil pahn nantiohng atahil kak en kiohng aongen peren ohte ohng aramas koaros me kitahil kak.
I ahniki pepehm ohte ien luhke toweh kan en peneinei ren ahniki pepehm en warohng en alehda oh kesempwaliki tiahk sarawi en katengtengpene. Ih ehu inou sang kapwurpwurpenehn mehn israel ni imwin rahn akan ohng koaros nanleng oh sampah.
Ih ehu ansou mwahu iei ansou me tohn atahil peneinei kan pwulopwulte. Irahil ipwikihdite kisakis en Marain en Krais Eh kin karehda arahil kak pehm dahme mwahu oh sohte mwahu. Ih karepehu, kilikilangte kilel en tenpas sarawi kin kak sewese irahil en ahniki pepehm en kohla nan tehnpas.
Rahno kak en wiawi ni ansou, ni arahil wia aramas pwulopwul men, re kak alehdi kisin likou en mweimwei en wia taiahk en papdais nan tehnpas. Sang ni arahil eselahr, irahil kak kehirda oh ahniki pepehm me tiahk sarawi en tehnpas kin ansou koaros doke Sounkomour oh Sapwelime Tomw. Sang ni arahil pahn ahniki pepehm me irahil sewese aramas emen sahng nan sapwen ngehn en kak mwakelekelda sang dihpw, arahil pepehm en sewese Sounkomour oh sampwelime doadoahk sarawi en kapaiada sapwelimen koht seri pahn kekehirda.
I kilangehr manaman en soange ah wekidala mour en aramas pwulopwul men. Pahr samwalahro I iangih nei serepein kohla nan tenpas mwurin souwas. Ih me wia keimwseklahn doadoahk en papdais. Nei serepeino idek mah e kak eki mihmi werei pwehn kanekehla tiahk sarawi koaros ohng me adarahil kan kounopdahr. Liho sapengki ehi.
I kilang nei serepeino kahkelong nan wasahn papdaiso. Papdaiso tep wiawi. Nei kisin serepeino kalapw wisekesekihla mesehu pwehki pihl ansou koaros me eh kin kohdasang nan pihlo. Eh kin peki oh pwurehng peki, “Ke kak pwurehng wia totohsang?” Ansou koaros eh kin inda ehi.
Ni ei wia papah men, i tepda ahniki pepehm me eh itat ehr. Ahpw i kak taman ni eh udahn mehlelki dahme eh men wia sang ni eh kin sapeng ki, “Ehi.” Eh mihmi rahno lahu keimseklahn ahd pohn lis alehdi kapai en papdais ni mwaren Sises Krais.
Ni ansou me ih iangih pwohngo pidohu sang nan tehnpas, I medemedewe dahme I kilang. Mwohn mesei kat kisin seriet keirda oh wekla sang ni ah papah Koht nan ihmwen Kouno. I tamatamante pepehm en marain oh meleilei ni ansou me se alualu kohdo sang nan tehnpas.
Sounapar ken mwuri. Eh kin kalapw inda ehi ohng peidek me sang rehn Kouno ma eh pahn wia me totohsang mendahte ma eh apwal. Ihme papah nan tehnpas sarawi kak wia pwehn wekidala oh sewese atahil mour. Ihme karehda ei koapwoaroapwoar ohng kowe oh koaros ohmw peneinei me kumwahil pahn ahniki pepehm en nantiohng warohng oh kohla nan tehnpas en Koht ansou koaros me kumwahil kak.
E ketin kupwuriki en kasamwoh kumwahil wasahu. I kapakapki me ke pahn kalaudehla ineng en mwongiong en sapwelimen Koht seria kak ohng arahil papah, pwe ren kak karanih Koht, oh luhke kadaudok ohmw kan en warohng karanih Koht oh kokolahte.
Masen pwukat kak wia pein atahil:
I kin pereniki kilang Temple
I pahn kohla wasahu ehu rahn
I kehn Ngehn Sarawi,
En rong oh kapakap ki.
“Tehnpas sarawi me wia tehnpas en Koht
Wasahn limpoak oh wasa kaselel.
I pahn kaunop ni ahi pwulopwul
Ih ai pwukoah sarawi met.4
Ih kadehdehki me kitail seri en Sahm Nanleng me diren limpok. Eh ketin pilada sapwelime pwutak, Sises Krais, pwehn wia atahil sounkomour oh soundor. Ihte ahl en pwurehng pwurala rehra oh rehn atahil peneinei iei sang ni tiahk sarawi en nan tehnpas. I kadedehki me President Russell M. Nelson kohlokol oh kak wia soahng koaros me pristhoof kak wia. I kadehde mepwukat ni mwaren Sises Krais me sarawi, amen.