Krais Ketin Iasadahr; Pwoson Ih Pahn Kamwakidada Nahna kan.

Sang Presiden Russell M. Nelson

Presiden en Mwomwohdiso en Sises Krais en Souleng en Imwin Rahn-akan

Pwoson Sises Krais iei manaman me keieu laud me kitail kak ahneki nan mour wet. Soang koaros kak wiawi ong irail me kin kamehlele.

Riei ohl oh lih kempwoake kan, I kalanganki pwehki ansou mwahu me ih kak koasoakoasoai ohng kumwahil nan rahn Sarawi en Ihster wet.¹ Tounmetei en tomwo oh Iasada en Sises Krais wekidala en emenemen kitail atail mour kan kohkohlahte. Kitail kin poakohng Ih oh ni kalahngan kaudekiong Ih oh Samatail Nanleng.

Sounpwung wenou samwalahro, kitail sohte uhdisang atahil pelipelian soumwahu keper nan sampah. I kapingki amwahil kin mwadangete pidsang oh ngehn sarawi kelahil nan amwahil kahpwal en soumwahu, mehla, oh torohrla. I kin kalap kapakapki me, nan erehin kahpwalo, kumwail pahn kak kehn sapwellimen Kauno limpwoak ohng komwi. Ma kumwahil powehdier amwahil kahpwal akan sang ni papah kelahil, nan pahr me apwtehn nek sohte pahn wia mehkot apwal.

Nimenseng wet, kitahil karongeier koun en Mwomwohdiso kan me kohdosang oh wia towe wasa koaros nan sampah. Ni mehlel, kapai kan en rongamwahuo iei ohng koaros ehuehu pwihn, lokaia, oh aramas. Mwomwohdiso en Sises Krais iei mwomwohdiso en sampah ehu. Sises Krais iei atail Kaun.

Kalanganki, pwehki soumwahu keper ah sohte kak kauhdi sapwellime doadoahk mehlel wet. Rongamwahu en Sises Krais iei dahme anahnepen nan ansoun kapwunod wet, oh pingiping en sampah.

Emenemen sapwellimen Koht seri kan konehng en ahniki ansou mwahu en rong oh alehda kamaiau, komourpen rongamwahu en Sises Krais. Sohte ehu rohng me kesempwal likin atahil insenamwahu—met oh kokolahte.² Sohte ehu rohng me kin kansanamwahu laud duehte koapwoaroapwoar. Sohte ehu rohng kak en pwowehdi kapingiping me mie nan kousoan kan.

Pwoson Sises Krais iei poason en Sarawi koaros oh wia elen manaman kapwuiamwei kan. Wahn poaron Paul masanih, “ma sohte pwoson e pahn apwal en papah [Koht]: pwe mehmen me pahn alehda Koht pahn ese me iei ih, oh iei Ih me kin kapaiada irahil me kin rapahki ih.”³

Soang koaros mwahu nan mour—kapai koaros en nanleng—kin tepsang pwoson. Mweidohng Koht en doadoahngki atahil mour kin tepsang pwoson me Eh udahn pahn kahlua kitahil. Koluhla mehlel kin tepisang ni pwoson Sises Krais me ahniki manaman en kamwakele sang, kamwahu ihla, oh kakelailih kitahil.⁴

“Ieremen kasohwe manaman en Koht,” Soukohp Moroni masanih, “pwe eh ketin doadoahngki manaman, nin duen pwoson en sapwllime seri kan”⁵ Iei atahil pwoson me kin ritingada manaman en Koht nan atahil mour kan.

Eri ahpw, doadoahngki pwoson kin kak mwomwen apwal. Ekei ansou mwehin kiathil pahn medewe me kitahil anahne wen pwoson iou pwe kitahil en kak alehdi kapai kan me kitahil udahn anahne. Ahpw, Kouno ketin sewese irahil me ahniki soangen pepehm wet sang mahsan kan en soukohp Alma nan Pwuken Mormon.

Weren kadiring kis.

Alma masanih ong kitahil en esehlamahsan pwukat oh “doadoahngki iren pwoson, ei, mendahte mah [kitahil] sohla kak en kamehlele.”⁶ Lepin kahs “kisehn pwoson akan” katamandohng ie en Kouno inou nan pwuhk sarawi me ma“mie pwoson me duehte weren kadiring kis kitahil pahn kak “indahiong nahna wet, en mwokid sang nan dowe; oh e pahn mwokid; oh soang koaros pahn kak wiawi rehtail.”⁷

Mahn pihr nan pwungen weren kadiring kan.

Kouno ketin mwangih atahil luet kan en paliwar. Ekei ansou kitahil kin sapwungala. Ahpw Eh ketin mwangih atahil wiewia mwahu kan. Kisin weren kadiring kin tepda sang ni tikitik ahpw kekeirda wiala tuhke laud me men pihr kan kak en kousoan loalle. Weren tuhke tikitiko rasong pwoson tikitk me wie kekeirda.⁸

Kouno sohte kupwurki pwosono en unsek pwe kitahil en kak warohng Sapwellime manaman unsek. Ahpw e ketin masaniohng kitahil en kamehlele

Riei ohl oh lih akan, ni menseng en Ihster wet Ih likuwer ohng kumwahil en t tepida rahn wet kalaudehla amwahil pwoson. Sang ni amwail pwoson, Sises Krais pahn kalaudehla amwail kak en kamwakid nahna kan me mih nan anwail mour,⁹ mendahte ma amwail kahpwal akan lapala rasohng Nahna Everest.

Amwail nahna kan kakete iei sangat, peikasal, soumwahu, de pil ekei kahpwal torohr. Amwail nahna kan pahn wekpeseng, oh iet pasepeng en ehu ehu amwail kahpwal kan iei kalaudehla amwail pwoson. Kumwail anahne doadoahk. Irahil me danganga en esehla oh sounpapah soukautih kan pahn kalap ahniki kapwal en kalaudehla pwoson itarte mah e titkitik.

Kumwail anahne ngongki pwe kumwail en kak wia soang koaros mwahu. Pwe ken wiahla sapwellimen Sise Krais soun papah men ke udahn anahne kapwaiada. Kalaudehla amwahil pwoson oh likilik ohng Ih anahne ken nantiohng. I kak kiohng kumwahil madamadau limau pwehn kalaudehla amwahil pwoson oh likilik.

Keiou, onopiki. Nantiohng kin esehla mehkot. Pereniki wadek pwuhk sarawi pwe ken esehla en Krais pwukoah oh padahk. Esehla padahk mehlel en Krais pwe kumwail en kak kehn eh doadoahk nan amwahil mour. Kaiahnekiohng uhk padahk mehlel me Tomwpen Sises Krais sewesehkin uhk E ketikidahr amwail kahpwal, amwail sapwung kan, amwail luet, oh amwahil dihp kan. E ketin pwainlahr pweipwand kan oh sewesehkin kumwahil kehl pwe kumwahil en kak kamwakid nahna koaros me kumwahil pahn lel. Mie manamano rehmw sang ohmw pwoson, likih, oh inengieng en indawehn Ih.

Pwowehdi ohmw nahna kan wia mehkot kepwuriamwei. Kasukuhlki duen mwokid kepwuriamwei kan. Mwekid kepwuriamwei kin wiawi sang ni pwoson Kauno. Me keiou kesempwal nan ohmw pwosono iei likih sapwellime ansou—iamwomwe oh iahd me E pahn kapai komwihda ohng soang en sawas koaros me ke anahne. Ihte ma ke sohte kamehlele me pahn karehda Koht sohte pahn kapaiukda pwe ken kak pwowehdi nahna kan me mih nan ohmw mour.¹⁰

Ni ansou me ke pahn esehla laud duen Sounkomouro, e pahn mengeila en likih sapwellime mahk, Sapwellime limpoak me sohte imwi, oh Sapwellime kehl, oh manaman en doarehla. Sounkomouro sohte kin ketket rehmwi lahu ma ke sosopaih de dadauhr nahna ehu sang ni ohmw pwoson.

Keriau, pilada ken kamehlele Sises Krais. Ma mie ohmw peikasal duen Koht Sahm oh Sapwellime Ieroso, de kamehlelepen kopwurupwurdohu de ma Sohsep Smith mehlel wia emen Soukohp, piladaken kamehlele¹¹ oh tengidiong nan pwoson. Kiong ahmw peidek kan ohng Kauno oh ekei ire sawas me pid duen pwoson. Onopiki sang ni ineng en kamehlele mwahusang ahmw pahn koapwoaroapwoarki me ke pahn diar sapwung en soukohp men de sapwung me kin mihmi nan pwuhk sarawi kan. Tokehdisang kalaudehla ahmw peikasal kan sang wie rongorong irahil me kin ahniki peikasal kan. Mweidehng Kauno en kahlua kumwail nan amwail seilok en pali ngehn.

Kesilu, mwokidkipwoson. Dahme ke pahn wia ma mie pwoson lahud rehmw? Medewe ire wet. Ntingihdi ire wet. Pwoson pahn lahudlamwuhrin ahmw pahn wia mehkot me anahnepe lahudohng pwoson.

Kapahiou, warohng en alehda tiahk sarawi kan. Tiahk sarawi kan kin ritingada manaman en Koht nan ohmw mour.¹²

Oh kelimau, peki sawas rehn Sahm Nanleng, ni mwaren Sises Krais.

Pwoson kin doadoahk laud. Alehda kaudiahl kin doadoahk laud. Ahpw “Pwe koaros me kin peki pahn ale; oh me kin rapahki pahn diar; oh me kin letelet, e pahn ritida.”¹³ Kauno mwangih dahme pahn sewese ohmw pwoson en kak kehirda. Peki, oh pwurehng peki.

Me sohte kin kamehlele mwehin pahn kin inda me pwoson ohngete irahil me luet. Songen pwuhng wet kin karehda atail kin sohla toahkmanamanoh pwoson. Ele Sapwellimen Kauno Wahnpoaron kan kakete pwousehla sapwellime padahk mwurin e mehla, mendahte arahil mour miher nan kahpwal, ma irahil sohte kamehlele Ih?¹⁴ Ele Sohsep oh Hyrum Smith kak mehkihla ara lokolok pwehki ara songen doare Kopwuripwurdohn Sapwellimen Kauno Mwomwohdiso ihte ma ira ese me mepwukat mehlel? Ele kereniong sounleng 2,000 mekihla nan seilok reirei¹⁵ ma mie arahil peikasal me rongamwahu en Sises Krais kopwuripwurdohr? Ni mehlel, pwoson iei kehl me kakpowehdi mehkot me sohte kasikpe en kak pweida.

Kedeh katikitikala ohmw pwoson me ke ahnikier. Anahne en mie pwoson pwehn iangala Mwomwohdiso oh ahniki kadehde kelahil. Anahne en mie pwoson pwehn idawehn soukohp kan sang aramas loalokong oh madamadau me tohto. Anahne en mie pwoson pwehn wia doadoahk en kalohk nan ansoun soumwahu keper wet. Anahne en mie pwoson pwehn mourki mour mwakelekel ni ansou me sampah pahn mweidada kosoned en mwakelekel en mie. Anahne en mie pwoson pwehn padahngki rongamwahu ohng serih kan me mih nan wasa sohte sarawi kin wiawi. Anahne en mie pwoson pwehn tounmeteikihla atahil peneinei kan, oh pwoson en lahud pwehn kak sapengala kalalapak me kalingeringer.

Sounpar riau samwalahr, Sister Nelson oh ngehi pwarek Samoa, Tonga, Fiji, oh Tahiti. Ehuehu sahpw dekehko mie lapalahn kotou wiawi erein rahn kei. Tohn mwomwohdiso kan wie kaisihsol oh kapakap pwe arahil doadoahk en likinihmw kan en dehr ohla pwehki ketou.

Nan Samoa, Fiji, oh Tahiti, kotouo uhdi ni ansou me mihting kan pahn tepda. Ahpw nan Tonga, kotouo sohte uhdi. Ahpw iet meh 13,000 souleng kelahil kan pokon pene awa kei mwowe pwe ren kak soandi, sang ni arahil kankanangamah oh kisin mwarahk en ketou, oh mihmikier nan wisekesek erehin awa riau nan mihting o.

Souleng kan en Tonga pahn kotou.

Se kilangehr doadaohk en pwoson kelahil rehn emenemen tohn dekeh kan—pwoson kin kak kamahkada ketou, oh pwoson kin laudla ma ketou sohte kin uhdi.

Nahna kan me mih nan atahil mour sohte kin kalap sohrala ni ansou de ni mwomwen atahil kin mwahuki. Ahpw atahil pwoson pahn kalap kahlua kitahil. Pwoson kalap kalaudehla atahil doadoahngki sapwellimen koht manaman.

Tamataman met: ma soang koaros oh aramas koaros nan sampah me kumwail liki kin keseikumwailla, Sises Krais oh Sapwellime Mwomwohdiso sohte pahn likidmalie kumwailla. Kouno sohte kin komwoal, de sohte kin ketin seimwok.¹⁶ E “duweduehte aio, rahnwet, oh [lakapw],”¹⁷ E sohte pahn likimaliela Sapwellime inou sarawi kan,¹⁸ Sapwellime inou kan, de Sapwellime limpoak ong Sapwellime aramas. E kin ketin wia doadoahk kopwuriamwei rahn pwukat oh pahn pil wia doadoak kopwuriamwei kan lakapw.¹⁹

Pwoson Sises Krais iei mamanan me keieu laud me kitail kak ahneki nan mour wet. Soang koaros kak wiawi ohng irahil me kin kamehlele.²⁰

Ahmw kekeihrda pwoson Ih pahn kasorehla nahna kan—kaidehn nahna kan en takai me kin kalingane sampah—ahpw nahna kan en kahpwal nan ahmw mour. Ni ahmw pwoson ah wie lalahudla pahn kak sewese uhk pwowehdi kahpwal kan ohng mehn kekeirda mwahu.

Rahn Sarawi en Ihster wet, sang ni ei limpoak oh kaping lahud, I men pwurehng kadehde me Sises Krais ni mehlel ketin iasadahr. E ketin iasadahr pwehn kahlua Sapwellime Mwomwohdiso. E ketin iasadahr pwehn kapaiada momour en sapwellimen Koht seih kan, wasa sohte lipilipil re mihmi ie. Ni atail pwoson Ih, kitahil kak pwowehdi nahna kan nan atahil mour kan. I kadehde mepwukat ni mwaren Sises Krais me sarawi, amen

Ire kan

1. Ni ei kasamwo kumwahil, I tamanda me ekei wasa nan sampah, aramas kin doadoahngki soangen wiepe kei ni arahil kin koasoamwo emenemen nan Rahn Sarawi en Ihster. Nan arahil pein lokaia, aramas me kin rahnmwahuo kin inda, “Krais ketin iasadahr!” Aramas me alehdi rahnmwahuo ahpw sapengki, “Mehlel! E ketin iasadahr!”. Ni karasaras, ni ansou me kitahil kin rahn mwahu nan rahn en Ihster sang Russian speakers begins with “Христос воскрес” (Krais ketin iasadahr [resurrected]!), answered by “Воистину! воскрес!” (Ni mehlel! E ketin iasadahr!).

2. Tehk Mosaia 2:41.

3. Ipru kan 11:6. Lectures on Faith states that faith “is the first great governing principle which has power, dominion, and authority over all things” (Lectures on Faith1985], 5).

4. Tehk Madiu 11:28–30; Alma 7:12–13; Ether 12:27.

5. Moroni 10:7; ire tohrohr kapatapationg.

6. Alma 32:27; ire tohrohr kapatapationg.

7. Madiu 17:20; ire tohrohr kapatapationg; pil tehk Helaman 12:9, 13.

8. Tehk Doctrine and Covenants 78:17–18. Pwe pweinen pwilikihdi peren en sampah iei en wiahla “sounleng men sang ni tomwpen Sises Krais” (Mosiah 3:19.

9. Tehk 1 Nephi 7:12.

10. Tehk Mormon 9:19–21; Ether 12:30.

11. Tehk 2 Nephi 33:10–11.

12. Tehk Doctrine and Covenants 84:20.

13. Madiu 7:8.

14. Likin manaman en pwoson, Abinadi pahn kak lokoloki mehla sang ni kisiniei pwehki e sohte kahmam ki me mehlelo? (tehk Mosiah 17:7–20. Ma sohte manamano, Ihster pahn kak rukurok nan werengen takaio (tehk Ether 13:13–14 oh Moroni kak kelekelehpw werei (tehk Moroni 1:1–3) re pahn kak insenamwahu nan arahil mour ma re kahmam kihla me mehlelo?

15. Tehk Melvin L. Bashore, H. Dennis Tolley, oh iangahki BYU Pioneer Mortality Team, “Mortality on the Mormon Trail, 1847–1868,” BYU Studies, vol. 53, no. 4 (2014), 115.

16. Tehk Melkahka 121:4.

17. Mormon 9:9.

18. Tehk Aiseia 54:10; 3 Nephi 22:10.

19. Tehk Mormon 9:10–11, 15.

20. Tehk Mark 9:23.