पीडामा परेका हजुरका सन्तहरूलाई सम्झनुहोस्, हे हाम्रा परमेश्वर

एल्डर एन्थोनी डी. पर्किन्सद्वारा

सत्तरीको गणका

करारहरूको पालनाले तपाईं पीडितहरूलाई शक्ति प्रदान गर्न र खुशी पार्न येशू ख्रीष्टको प्रायश्चित्तको वलिदानको शक्तिलाई खोल्छ।

स्वर्गका पिताको खुशीको योजनामा एक नश्वर अनुभव सामेल छ जहाँ उहाँका सबै सन्ततिहरूको परीक्षण गरिनेछन् र परीक्षाहरूको सामना गर्नेछन्।^१ पाँच वर्ष पहिले मलाई क्यान्सर भएको पत्ता लाग्यो। मैले शल्यक्रिया, विकिरण उपचार, र औषधि साइड इफेक्टका शारीरिक पीडाहरू महसुस गरेँ र अझै पनि महसुस गर्दछु। मैले निन्द्रारहित कष्टप्रद रातहरूको दौरानमा भावनात्मक सङ्घर्षको अनुभव गरेको छु। चिकित्सा तथ्याङ्कले सङ्केत गर्दछ कि म मेरा लागि सबैभन्दा बढी अर्थ राख्ने मेरो परिवारलाई केही समयका लागि, मैले अपेक्षा गरेको भन्दा पनि पहिले नै मरणशील जीवन छोडेर जानेछु ।

तपाईं जहाँसुकै बस्नुभए तापनि, को एक प्रकार को विभिन्न परीक्षणहरू र नश्वर कमजोरीहरूबाट शारीरिक वा भावनात्मक पीडा हुँदै आएको छ, अहिले छन् वा कुनै दिन तपाईंको जीवनका हिस्सा बन्नेछन्।

शारीरिक पीडाहरूबाट प्राकृतिक बुढ्यौली, अप्रत्याशित रोगहरू, र अनियमित दुर्घटनाहरू; भोक वा बेघर; वा दुर्व्यवहार, हिंसात्मक कार्यहरू सिर्जना हुनसक्छन्।

सम्वेगात्मक पीडा चिन्ता वा अवसाद; एक पति, आमा बुबा, वा विश्वसनीय अगुवाको विश्वासघात; रोजगार वा वित्तीय सङ्कट; अरूहरूद्वारा अनुचित निर्णय; साथीहरू, केटाकेटीहरू, वा परिवारका अन्य सदस्यहरूको छनौट; धेरै स्वरुपहरूमा दुर्व्यवहार; विवाह वा बच्चाहरूका अधुरा सपनाहरू; प्रियजनहरूको गम्भीर रोग वा असामयिक मृत्यु; वा अन्य धेरै कारणहरूबाट उत्पन्न हुन सक्छ।

हामी प्रत्येकका लागि आउँने अद्वितीय र कहिलेकाहीँ दुर्बल पार्ने पीडा तपाईले कसरी सहन सक्नुहुन्छ ?

कृतज्ञतापूर्वक, येशू ख्रीष्टको सुसमाचारमा आशा पाइन्छ, र आशा तपाईंको जीवनको हिस्सा पनि हुन सक्छ। आज म धर्मशास्त्र, भविष्यसूचक शिक्षाहरू, सेवाका धेरै भ्रमणहरू, र चलिरहेको मेरो आफ्नै स्वास्थ्य परीक्षणबाट निकालिएका आशाका चार सिद्धान्तहरू बाँढ्न चाहन्छु। यी सिद्धान्तहरू व्यापक रुपमा लागू मात्र हुँदैनन् तर गहन रुपमा व्यक्तिगत पनि छन्।

पहिलो, दु:खको अर्थ यो होइन कि परमेश्वर तपाईंको जीवनसँग असन्तुष्ट हुनुहुन्छ। दुई हजार वर्ष पहिले, येशूका चेलाहरूले मन्दिरमा एक अन्धालाई देखे र सोधे, “गुरु, कसले पाप गर्यो, यो मानिस, वा उसको आमा बुबा, कि ऊ अन्धो जन्मेको हो?”

उहाँका चेलाहरूले गलत ढंगले विश्वास गरेका थिए, जस्तै आज धेरै मानिसहले गर्छन्, कि जीवनका सबै कठिनाइहरू र पीडा पापका परिणाम हुन्। तर मुक्तिदाताले जवाफ दिनुभयो, “न त यस मानिसले पाप गरेको छ, न त उसका आमा बुबाले: तर परमेश्वरका कामहरू उसमा प्रकट हुनु पर्छ।”^२

परमेश्वरको काम हाम्रो अमरत्व र अनन्त जीवनलाई ल्याउनु हो।^३ तर कसरी परीक्षा र पीडा - विशेष गरी अर्को व्यक्तिको छनौटको पापी प्रयोगद्वारा लगाइएको पीडाले ^४- अन्ततः परमेश्वरको कामलाई अगाडि बढाउन सक्छ?

परमप्रभुले करारका आफ्ना मानिसहरूलाई भन्नुभयो, “मैले तिमीलाई परिष्कृत गरेको छु … ; कष्टको अगेनामा मैले तिमीलाई रोजेको छु।”^५ तपाईंको दु:खको कारण जे भएतापनि, तपाईंको मायालु स्वर्गका पिताले तपाईंको आत्मालाई परिष्कृत गर्न तिनीहरूलाई निर्देशित गर्न सक्नुहुन्छ।^६ परिष्कृत आत्माहरूले सहानुभूति र करुणाका साथ अरूहरूको बोझ सहन सक्छन्।^७ परिष्कृत आत्माहरू जो “ठूलो सङ्कष्टबाट” बाहिर आएका छन्, खुशीसँग परमेश्वरको उपस्थितिमा सधैँका लागि बाँच्न तयार छन्, र “परमेश्वरले सबै आँसु उनीहरूको आँखाबाट पुछिदिनुहुनेछ।” ^८

दोस्रो, स्वर्गका पिता तपाईंको दु:खका बारेमा नजिकबाट जानकार हुनुहुन्छ। परीक्षणका बीचमा, हामी गल्तीले सोच्न सक्छौँ कि परमेश्वर टाढा हुनुहुन्छ र हाम्रो पीडामा बेवास्ता गर्नुहुन्छ। यहाँ सम्म कि अगमवक्ता जोसेफ स्मिथले आफ्नो जीवनको एक तल्लो बिन्दुमा यो भावना व्यक्त गर्नुभयो। जब लिबर्टी जेलमा कैद गरिएको थियो र हजारौँ पछिल्ला दिनका सन्तहरूलाई घरबाट निकालिँदै थिए, जोसेफले प्रार्थनाका माध्यमबाट समझको खोजी गर्नुभयो: “हे परमेश्वर, तपाईं कहाँ हुनुहुन्छ? अनि “तपाईंको लुक्ने ठाउँ छोप्ने मण्डप कहाँ छ? उहाँले यो बिन्तीसँगै समाप्त गर्नुभयो: “पीडामा परेका हजुरका सन्तहरूलाई सम्झनुहोस्, हे हाम्रा परमेश्वर।”^९

परमप्रभुको जवाफले जोसेफ र सबै पीडितहरूलाई आश्वस्त पर्छ:

“मेरा छोरा, तिम्रो आत्माले शान्ति पाओस; तिम्रो कठिनाइ र तिम्रा पिडाहरू केही समयका लागि मात्र हुनेछन्;

“त्यस पछि, यदि तिमीले राम्रोसंग सह्यौ भने, परमेश्वरले तिमीलाई माथि उत्कर्ष गर्नुहुनेछ।”¹⁰

पीडित धेरै सन्तहरूले मसँग बाँढिरहनुभएको छ कि उहाँहरूले कसरी आफ्नो परीक्षणको समयमा परमेश्वरको प्रेमलाई महसुस गर्नुभयो। क्यान्सरसँगको मेरो लडाईको एक बिन्दुमा म मेरो आफ्नै अनुभवलाई स्मरण गर्छु जब डाक्टरहरूले नै केही गम्भीर दुखाइको कारणको निदान गर्न सकेका थिएनन्। हाम्रो खाजामा एक नियमित आशीर्वाद प्रदान गर्ने सोचमा म मेरी श्रीमतीसँग बसेँ। यसको सट्टामा म “स्वर्गका पिता, कृपया मलाई सहयोग गर्नुहोस् भनेर क्रन्दन मात्र गर्न सकेँ। म धेरै विरामी छु। ” अर्को २० देखि ३० सेकेन्डका लागि, म उहाँको प्रेममा घेरिएको थिएँ। अन्तिम परिणामको कुनै सङ्केत, दुखाइबाट कुनै राहत, रमेरो रोगका लागि मलाई कुनै कारण दिइएको थिएन। मैले मात्र उहाँको विशुद्ध प्रेमको महसुस गरेँ, अनि त्यो पर्याप्त थियो र छ।

म साक्षी छु कि हाम्रा स्वर्गका पिता, जो एउटा भँङ्गेरोको खसेको बारेमा पनि जानकार हुनुहुन्छ, तपाईंको दु:खका बारेमा जानकार हुनुहुन्छ।^११

तेस्रो, तपाईंलाई तपाईंका पीडाहरूलाई राम्रोसँग सहन सक्ने शक्ति प्रदान गर्न येशू ख्रीष्टले तपाईंलाई मजबुत पार्ने शक्ति प्रदान गर्नुहुन्छ । यो सक्षम शक्ति उहाँको प्रायश्चित्तका माध्यमबाट सम्भव भएको छ।^१२ म डराउँछु कि चर्चका धेरै सदस्यहरूलाई लाग्छ कि यदि उहाँहरूले थोरै मात्र कडा बन्नुभयो भने आफैँ कुनै पनि पीडाबाट पार पाउन सक्नुहुन्छ। यो जिउने एक कठीन तरीका हो। तपाईंको शक्तिको अस्थायी पललाई तपाईंको आत्मालाई मजबुत बनाउने मुक्तिदाताको शक्तिको अनन्त आपूर्तिसँग कहिल्यै तुलना गर्न सक्दैन।^१३

मोर्मोनको पुस्तकले सिकाउँछ कि येशू ख्रीष्टले हाम्रा पीडाहरू, रोगहररू, र अशक्तताहरू “उहाँमा लिनुहुन्छ” ताकि उहाँले हामीलाई सहयोग गर्न सक्नुहुन्छ।^१४ पीडाका समयमा तपाईंलाई मजबुत बनाउन र साहारा दिन येशू ख्रीष्टले तपाईंलाई प्रदान गर्नुहुने शक्तिलाई तपाईंले कसरी लिन सक्नुहुन्छ? यसको उपाय भनेको उहाँसँग तपाईंले गरेका करारहरूको पालनाद्वारा आफुस्वयंलाई मुक्तिदातासँग बाध्छनु हो। हामीले पादरित्वका विधिहरू प्राप्त गर्दा यी करारहरू गर्दछौँ।^१५

अल्माका जनहरू वप्तिस्माका करारमा प्रवेश गरे। पछि उनीहरू बन्धनमा परे र सार्वजनिक रुपमा आराधना गर्न वा ठूलो स्वरले प्रार्थना गर्न निषेध गरियो। तथापि तिनीहरूले उनीहरूको हृदयमा मौनतामा प्रार्थना गरेर आफ्ना करारहरूको पालना गरे। फलस्वरूप, परमेश्वरको शक्ति आयो। “परमप्रभुले उनीहरूलाई बलियो बनाउनुभयो कि उनीहरू सजिलैसँग आफ्नो बोझ उठाउन सकून्।”^१६

हाम्रा दिनमा, मुक्तिदाताले आमन्त्रण गर्नुहुन्छ, “हरेक विचारमा मलाई हेर्नुहोस्; शङ्का नगर्नुहोस्, नडराउनुहोस्।”^१७ जब हामी उहाँलाई सधैँ सम्झनका लागि हाम्रा प्रभूभोजका करारहरूको पालना गर्छौं, उहाँ प्रतिज्ञा गर्नुहुन्छ कि उहाँको आत्मा हामीसँग हुनेछ। आत्माले हामीलाई परीक्षा सहन र सम्भवतः हामी आफैँले गर्न नसक्ने चीज गर्न शक्ति दिन्छ। आत्माले हामीलाई चङ्गाइ दिन सक्छ, यद्यपि अध्यक्ष जेम्स ई फाउष्टले सिकाउनुभएको जस्तै, “यस मध्येको केही चङ्गाइ अर्को संसारमा हुन सक्छ।”^१८

हामी मन्दिरका करार र विधिहरूबाट पनि आशीषित छौँ, जहाँ “परमेश्वरको शक्ति प्रकट हुन्छ।”^१९ एक महिलालाई भेटेँ जसले एक भयानक दुर्घटनामा आफ्नी किशोरी छोरी अनि त्यस पछि क्यान्सरबाट उनका पति गुमाएकी थिइन्। मैले सोधेँ कि यस्तो क्षति र पीडा उनीले कसरी सहन सक्छिन्। उनले जवाफ दिईन् कि त्यो शक्ति मन्दिरको नियमित आराधनाबाट प्राप्त एक अनन्त परिवारको आध्यात्मिक आश्वासनबाट आएको हो। प्रतिज्ञा गरे अनुसार, परमप्रभुको घरको विधिहरूले उनलाई परमप्रभुको शक्तिले मजबुत बनाएको थियो।^२०

चौथो, प्रत्येक दिन खुशी पाउन छनौट गर्नुहोस्। जो पीडित छन् तिनीहरूलाई प्रायः लाग्छ कि नितन्तर रात मात्र भइरहन्छ, अनि दिनको उज्यालो कहिल्यै आउँदैन। रुनु ठीक छ। ^२१ जे होस्, यदि तपाईं आफैँलाई पीडाका काला रातहरूमा भेट्टाउनुहुन्छ भने, आस्थको छनौट गरेर तपाईं रमाइलोको उज्यालो बिहानीमा जाग्न सक्नुहुन्छ।^२२

उदाहरणका लागि, मैले क्यान्सरको उपचार गरिरहेकी एक जवान आमालाई भेटेँ, दुखाइ र कपाल झर्ने समस्याका बावजुद उनी कुर्सीमा भव्य मुस्कुराउदै थिईन्। मैले एक मध्य उमेरको जोडीलाई भेटेँ जो खुशीसँग युवा अगुवाहरूका रुपमा मा सेवा गरिरहेछन् यद्यपि उनीहरू बालबालिकाका लागि गर्भधारण गर्न असमर्थ थिए। म एक प्रिय महिलासँग बसेँ —एक भर्खरकी हजुरआमा, आमा, र श्रीमती—जो केही दिन भित्र बित्नेछिन् । तर परिवारको आँसुका बीचमा हाँसो र खुसीका सम्झनाहरू थिए।

यी पीडित सन्तहरूले अध्यक्ष रसेल एम नेल्सनका दृष्टान्तहरू दिन्छन्:

“हामीले महसुस गर्ने खुशीसँग हाम्रो जीवनका परिस्थितिको कमै सम्बन्ध छ र हाम्रा जीवनका ध्यानसँग सबै कुरा जोडिएको छ ।

“जब हाम्रो जीवनको ध्यान परमेश्वरको मुक्तिको योजनामा … र येशू ख्रीष्ट अनि उहाँको सुसमाचारमा हुन्छ, हामीले हाम्रो जीवनमा के भईरहेको वा नभईरहेको बावजुत पनि आनन्दको अनुभव गर्न सक्छौँ ।”^२३

म गवाही दिन्छु^२४ कि हाम्रा स्वर्गका पिताले उहाँका पीडित सन्तहरूलाई याद गर्नुहुन्छ, तपाईंलाई माया गर्नुहुन्छ, र तपाईंलाई घनिष्ठ रुपमा जान्नुहुन्छ। तपाईंले कस्तो महसुस गर्नुहुन्छ भनेर हाम्रा मुक्तिदाता जान्नुहुन्छ । निश्चय नै उहाँले हाम्रा पीडाहरू बोक्नुभएको छ र हाम्रा दु:खहरू लैजानु भएको छ;^२५ एक दैनिक प्रापकका^२६—रुपले मलाई थाहा छ कि—करारहरूको पालनाले तपाईं पीडितहरूलाई शक्ति र खुशी समेत प्रदान गर्न येशू ख्रीष्टको प्रायश्चित्तगर्ने वलिदानको शक्तिलाई खोल्छ।

पीडामा हुने तपाईंहरू सबैका लागि, म प्रार्थना गर्दछु, “परमेश्वरले तिमीहरूलाई दिनुहुन्छ कि तिमीहरूका बोझ, उहाँका पुत्रका आनन्दमार्फत्, हलुका होऊन्।^२७ येशू ख्रीष्टको नाउँमा, आमिन |