![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F7a%2F10%2F7a108f449ce9fefbb2947edc41bb2cb6f59613c2%2F7a108f449ce9fefbb2947edc41bb2cb6f59613c2.jpeg/full/!250,/0/default)
Disipuládo modelokuéra
Ñañemoarandúvo Cristo ha umi Hapekuérape ñande guia jaikuaa ha jahayhu hag̃ua Chupe.
Fe rehegua modélo
Ko pyhareve mokõi ta’ýra ha mbohapy ore niéto Norteamérica-pe, ha haimete múndo mbyte, ohecha hikuái kuarahy resẽ jajái pe éste gotyo. Ambue mbohapy ta’ýra ha siete niéto Africa-pe, ha ambue múndo mbyte, ohecha pe pytũmby oguejývo mbeguekatu hi’arikuéra pe kuarahy oikévo oeste gotyo.
Ko constancia ijapyra’ỹva pe ára ha pyhare ñepyrũgui ha’e peteĩ ñemomandu’a meme umi rrealida oisãmbyhývagui ñande rekove ha ndaikatúiva ñakambia. Jarrespeta ha ña’alineávo ñande rembiapo umi rrealida ijapyra’ỹva rehe, ñañandu py’aguapy ha armonía ñandepype. Ndajajapóirõ upéicha, nañandepy’guapýi ha umi mba’e ndoikói ñaha’arõháicha.
Ára ha pyhare niko peteĩ ehémplo umi modélo Tupã ome’ẽva opavave oikova’ekue ko yvy áripe, umi mba’égui ha’ehaicha añete. Ha’e peteĩ añeteguambaitéva ko existencia humana ndaikatuiha ñanegocia jaipotaháicha ni ndaikatúi jajehekýi chugui. Chemandu’a upévagui káda ajagarra peteĩ vuelo Africa-gui aju hag̃ua conferencia general-hápe, amoĩjeyva’erã pe tete reloj 10 óra tapykue gotyo peteĩ árape.
Ñañeha’ã vove jahechakuaa, jahecha ñande Ru Yvagagua ome’ẽhague ñandéve suficiente testigo pe añeteguágui ñaisãmbyhy hag̃ua ñande rekove ikatu hag̃uáicha jaikuaa Chupe ha jahupyty umi py’aguapy ha vy’apavẽ rovasapy.
Proféta José Smith rupive, Ñandejára Espíritu omoañete, “Ha avei, Che ame’ẽta peẽme peteĩ apoukapy opa mba’épe, ani hag̃ua avave penembotavy; Satana oikógui yvy ári, ombotavývo tetãnguérape.”1
Korihor pe anti-Cristo ho’ava’ekue upe ñembotavýpe, ndogueroviáigui Tupã oikoveha, ha Cristo jeju. Chupe proféta Alma otestifika, “Opa mbaʼe ohechauka oĩha peteĩ Tupã; héẽ, jepe upe yvy ha opa mbaʼe oĩva hiʼári, héẽ, ha iñemonguʼe, héẽ, ha avei opa planéta oñemonguʼéva oñemoĩ haguéicha otestifika oĩha peteĩ Apohare Ipuʼakapáva.”2
Korihor he’ijeývo oñeme’ẽ hag̃ua chupe peteĩ señal oguerovia mboyve, Alma omoñe’ẽngu chupe. Oñemorĩvo ohasa’asy rupi, Korihor omombe’u pe aña ombotavyhague chupe.
Natekovẽi ñañembotavy. Tekovepegua akãporã milágro okóinte oĩ ñane renondépe. Ha peteĩ ñema’ẽ’imi ha jepy’amongeta techapyrã yvagaguáre, oñembojeguáva hetaite mbyjakuéra ha galáxia reheve, omomkyre’ỹ pe ogueroviáva korasõ omomarandu hag̃ua, Che Tupã, ne mba’eguasuetéiko nde!”3
Héẽ, Tupã ñande Ru Yvagagua oikove, ha Ojehechauka ñandéve opa ára hetaite hendáicha.
Umilda rehegua modélo
Ha katu jahechakuaa, jaguerovia, ha jahameme hag̃ua Tupã ndive, ñane korasõ omog̃uahẽva’erã pe añetegua Espíritu. Alma mbo’e umilda raẽve jerovia mboyve.4 Alma heʼive ndaikatuiha avave “ipyʼaguapy’ỹva ha imirĩva’ỹva ikorasõme” oguereko jerovia ha ñeha’arõ ha orresivi Tupã Espíritu.5 Réy Benjamin he’iva’ekue oimeraẽ tapicha omotenondéva múndo glória ha’e “Tupãme ohayhuʼỹva.”6
Oñeme’ẽvo ñemongaraípe okumpli hag̃ua opa tekojaja, Hekojoja ha imarangatúramo jepe, Jesucristo ohechauka umilda Tupã renondépe ha’eha Idisipulokuéra atrivúto pyenda.7
Tekotevẽ opavave disípulo tohechauka umilda Tupã renondépe ñemongarai ordenánsa rupive. Upévare, “opavave oñemomirĩva Tupã renondépe, ha oñemongaraiséva, ha oúva korasõ mirĩ ha espíritu ñembyasýpe … oñemog̃uahẽta itupaópe ñemongarai rupive.”8
Umilda ombojere pe disípuko korasõ arrepentimiénto ha ñe’ẽrendu gotyo. Upérõ Tupã Espíritu oguerúta pe añetegua upe korasõme, ha ojuhúta jeikeha.
Ndaipóri rupi umilda ha’e oipytyvõvéva oñekumpli hag̃ua Apóstol Pablo profesía ko’ã ára pahápe:
“Oĩtagui kuimba’e ha’énte ojehayhúva, ijopýva, ivanidósova, ijorgullóso, iñe’ẽvaíva, tuvakuérape naiñe’ẽrendúiva, ndaijaguyjéiva ha oguerovia’ỹva,
“Ndohayhúiva avavépe, iporiahurereko’ỹva, oñeñe’ẽreíva hapicháre, ndaikatúiva ojejoko, oñemboharái vaíva hapicháre ha ndohecharamóiva mba’eve iporãva.”10
Salvador invitasiõ ñeñemoarandu hag̃ua Chugui ha’e peteĩ invitasiõ jajei hag̃ua umi tentasiõ yvy ariguágui, ha Ha’éicha hag̃ua ñande—ñande rekopy’aguapy ha ñane korasõ mirĩ, umilde. Upérõ ikatúta jajapyhy Ijúgo ha jatopa ndahasyiha—disipuládo ndaha’eiha peteĩ mba’epohýi sino peteĩ vy’a, Presidente Russell M. Nelson ñanembo’e porãite ha jeyjey haguéicha.
Mborayhu rehegua modélo
Ñañemoarandu Cristo ha Hapekuérare ñande gueraha jaikuaa ha jahayhu hag̃ua Chupe.
Ehémplo rupi ohechauka umilda reko reheve añetehápe ikatuha jaikuaa ha jahayhu Tupã pe Túvape ñande py’aite guive ha jahayhu ambuekuérape ñandejupe jajehayhuháicha, jajoko’ỹre mba’eve. Iministério yvy ári, Ha’e omoĩrõguare Ivolunta ha Hete pe altar ári, ha’ékuri peteĩ modélo ojeiporu hag̃ua ko’ã principio, iñevanhélio pyenda. Mokõive principio oma’ẽ oka gotyo ha ha’e mba’éichare ñeñerrelasiona ambuekuéra ndive, ndaha’éi ñaimeporã térã glória jahekáre.
Ironía milagrosa kóva rehegua ha’e ñamoĩramo ñaneñeha’ã porãve jahayhu Tupãme ha ambuekuérape, ikatu japota ñande valor divíno añete Tupã ra’y ha rajykuéraramo, py’aguapy ha vy’apaite oguerúva reheve ko experiencia.
Ñañemopeteĩ Tupã ndive ha oñondivekuéra mborayhu ha servicio rupive. Upérõ ikatúta jarresivi upe mborayhu potĩ rehegua testimónio Espíritu Santo-gui, yva Nefi heʼi haguégui “heʼẽvéva opa mbaʼe [ha’e] hoʼumavaʼekuégui.”11
Koróna Cristo-pe oñeme’ẽva’ekue ome’ẽ ha ojapo rupi opa Ha’e ikatúva omoĩ hag̃ua pe modélo Tupãme jahayhu ha jajehayhu rehegua, ha’ékuri ohupyty hag̃ua opa pokatu, jepeve opa pe Tupã orekóva, ha’éva exaltasiõ.12
Ñande oportunida ñamongakuaa hag̃ua ñane ángape peteĩ mborayhu hi’aréva Tupãre ha ñande jerereguáre oñepyrũ ogapýpe, umi tekopy marangatu reheve jajoaju hag̃ua Túva ndive ára ha ára, ñembo’e personal ha familiar-pe, Ita’ýra Peteĩete rérape, ñañemoarandúvo Chuguikuéra oñondive estudio de las escrituras personal ha familiar rupi, ñañongatúvo Día de Reposo, ha pateĩteĩ jaguereko rrekomendasiõ templopegua vihénte, jaiporúvo py’ỹi ikatuháicha.
Peteĩteĩ jakakuaávo ñande kuaapy ha mborayhúpe Tupã ha Ita’ýrare, jakakuaa mba’eporã ha mborayhúpe ojuehe. Ñande katupyry jahayhu ha jaservi hag̃ua ambuekuéra ndaha’éiva ñande rogapegua tuicha okakuaa.
Ogapýpe jajapóva ha’e prueba añete disipuládo are ha vy’apavẽ rehegua. Umi jehovasa he’ẽvéva evanhélio rrestaurádo rehegua che rembireko, Gladys, ha che roguerovy’ava’ekue ore rógape ou roñemoarandúvo roikuaa ha romomarandu hag̃ua Tupãme ógape, ha rokomparti Imborayhu ore posterida ndive.
Servicio rehegua modélo
Tupãme jahayhu ha jajoservi oñenutríva ogapýpe ha ambuekuérape jaservi ógagui okápe, ára ohasávo oiko chugui karida rehegua atrivúto.
Kóva hyapuporã modelo de servicio konsagrádo Tupã rréinope guándi, oñemoĩva ñanerenondépe Ñandejára proféta ha apostol-kuéra rupive. Oiko ñandehegui peteĩ hendivekuéra.
Upérõ ikatu ñama’ẽ, ha’ekuéra rupive, Ñandejárare “opa temiandúpe”, ani hag̃ua “nañandepy’aheta” ha “jakyhyje”13
Ñandejára proféta ha apostol-kuéra oikovévaicha, ikatu ñañemotenonde “nderyepy … reheve henyhẽvo karidágui opa tekovekuérandi, ha umi ñande jeroviápe ñanemoirũnvandi, virtu [reheve] [ombojegua memévo ñene] remiandu; … ha [ñande] jeroviapy [oñe]mombaretévo Tupã renondépe; ha sacerdocio doctrina … [otykytykývo] [ñane ánga] ári ysapy yvágagui guáicha.”.
Ñandejára apóstol ha profetakuéra oikovéva ndive, ñande ikatu avei jajoaju peteĩ jerovia kora potĩme oñemombaretéva servicio consagrado-re “pe Espíritu Santo [ha’etahápe] [ñane] irũ tapia, ha [ñande] vára, peteĩ vára iñambue’ỹva tekojoja ha añeteguágui; ha [ñande] pu’akareko [ha’éta] peteĩ pu’akareko ijapyra’ỹva, ha jejopy’ỹre [oúta] [ñandéve] akói ha tapiaite g̃uarã.”14 Kóva ha’e rupi Túva plan promésa. Jesucristo rérape, Amén.