Miligach: Bing fapi Winda u Tharmiy
Fapi winda u tharmiy e ma mab ni bo’or rogon nib thil. Pagaen’um ko ngiyal’ nibay i duugliy Somoel; ya fapi tawa’ath e gubin ngiyal’ mara yib.
Napan ni gu bay u South America, Brother Roger Parra ni bee’ u Venzuela e weliy mornga’agen e biney ngog:
“Napan e 2019 u Venzuela ma bay e kireb ni buch ni taleg e gamig ko laal e rran.
“Bo’or e kireb nge cham ni buch u dakean e kanawo’, ma bo’or e gidii’ nike gafgow ko ggan ni dani gaman.
“Boech e gidii’ e tabab i mororo’ ko kantin, ni yaed be gathay gubin ban’en nibay u powchraed.
“I gag e fanag reb e bakery, ma i magafan’ug ko kantin romaed. Tabinaew rog, e gu duugliyed ni ngu pii’ed urngin e ggan nibay ko bakery romaed ngak e gidii’ nib t’uf e ayuw roraed.
“Bay reb e nap ni rib sug e kireb u gubin yang u kanawo’. Magafan’ rog e bay ngak le’engig nge pifakag.
“Napan ni aw e yaal’ mugu waen ko bakery romaed. Kireban’, gubin e kantin nibay e ggan riy e ke gathay gidii’en e morrorroq, machane mari ggin owcheg ngay, ni bakery romaed e kaga’angin nib fel’ rogon Ni dariy bang riy nikan gathay. Ri gu ognag e magar riy ngak e Chitamangig nu Tharmiy.
“Napan nigu taw nga tabinaew, mugu weliy ngak e tabinaew rog e tawa’ath rok’ Got nge yiroriy rok’.
“Gubin gidii’ nib sug e falfalaen’.
“Bin ni ilaal e pagal ni fakag, Rogelio, ni 12 e duw rok’, e ga’ar, ‘Papa! Gu manang fan ni kantin rodaed e dani gathay. Gur nge Mama e gubin ngiyal’ ni gamew ma pii’ pilwon e tithes romew.’”
Mu’nag Brother Parra e thin rok’ ni ga’ar: “Fapi thin rok’ Malaki e yib ko tafney rog. ‘Bay gu chuweg e chachngeg ni fan ngomed, ya nge dab ki longuy e pi waʼamngin e mileayʼ romed’ [Malachi 3:11]. Mugu garbug gaed nga but’ nggu oged e magar ngak e Chitamangmaed nibay u Tharmiy ko ma’ang’ang rok.”1
Dag ngog e Chiney
Gubin ban’en nibay rodaed nge tirodaed ban’en e ba yib rok’ Got. Gadaed ni gidii’en gachalpen Kristus, e thingarda golgaed ngak e pi’en nibay u charendaed.
Gubin ban’en nike pii’ Somoel ngodaed, ma kemus nike fith ngodaed ni ngaed fulweged ngak nge gul’ilngun u fayleng e 10 pacent ko pilwondaed. Ke micheg ngodaed ni fa’anra gadaedra yul’yul’ ko pii’ pilwon e tithes rodaed, ma ra “bing e … pi winda nu tharmiy, mug puʼoeg … e tawaʼath nga dakeanmed, ni dariy tagilʼ ni ngan tay ngay.”2 Ke micheg ngodaed nira yiroriydaed ko kireb.3 Pin’ey nike micheg e rib riyul’,4 Somoel e ga’ar, “Sikeng niged gag,”5 bugthin ni dariy u biyang ulan e chep machane kemus napan ba ga’ar Malachi.
Fapi winda ko tharmiy e ma mab ni bo’or rogon. Boech e rayag ni ngan guy, ma orran riy e ba thothup. Ma boech e ba munguy ma ba moem ni ngan fekyathin. Pagaen’um ko ngiyal’ nibay i duugliy Somoel; ya fapi tawa’ath e gubin ngiyal’ mara yib.
Be kirbaen’maed ngak e pi’en nibe gafgow ko tin nib t’uf ko yafos. Galasia e ke mukun salpiy ni 54 million ni Salpiy ni Marikeen ni nge pii’ e ayuw ko bitir nge mitin u dakean e naam ni ga’angin.6 Nge pilwon e fast offerings nib mu’un fare balay nag e abich ngay, fapi bishof rodaed e be pii’ e ayuw ngak e gidii’ ni biyu’ ni gubin e wik ko ggan nib tu’uf roraed, nga maad, nge nu’un ni ngar gif gaed ngay. Kanawo’en ni rayag ni nge pii’ e ayuw ko gidii’ nibe gafgow u dakean e fayling era yib ko fare gospel rok’ Yesus Kristus.7
Pin’ey ko Mich
Apostle Paul e ta’armidlen ni ll’owean’ rok’ e gidii’ e kemus nima nang fan e ll’owean’ ko gidii’ machane momaw’ ngoraed ni ngar nang faned e tirok’ Got ban’en.8 Fayleng e ma weliy ni tithing e be yibfan e salpiy, machane fare motochiyel ko tithing nib tothup e be yean u rogon e mich. Yul’yul’ ko pii’ e tithes rodaed e kemus ni reb kanawo’en ni gadaed be dag ni gadaed be tay Somoel ni’ir e m’on ulan e yafos rodaed, ko tin ni gadaed ba’adag. Gu be micheg ngom ni napan ga ba pagaen’ ngak Somoel, fapi tawa’ath nibay u tharmiy e ra yib.
Yesus e ga’ar mu pii’ed “Ere mu pi’ed ngak e Emperor e tirok’ ban’en; mi gimed pi’ ngak Got e tirok’ ban’en.”9 Fare Tathapeg ni foskoyam’ e fith ngak fapi Nephites ni ngar yoloyed ngalan fapi chep roraed fapi micheg nike tay nibay ulan e Malaki.10 Pi rran rodaed, Somoel e ke micheg biyay fare motochiyel ko tithing nib thothup, nibe ga’ar: “Biney e bay i par ni’ir e tabab ko tithing ko gidii’ rog. Ma [yaedra] pi’ one-tenth ko gubin e salpiy ni be yag ngorad; nge biney e ra paer nib motochiyel ni fan ngoraed nib manechubog.”11
Somoel e ke tamilang nag mornga’agen rogon ni ngan muruweliy e tithing, ni ga’ar, “Mu feked gubin e tithes nga naun rog,”12 nibe yipfan ni ngan pii’ ngak fare gil’ilugun nib sulweg Rok, Fare Galasia ku Yesus Kristus ni fan ko gidii’en Got rok’ ko Tin Tomur e Rran.13 Ke fanow nag ni pi tithes ney nib thothup e ngan fanay u fithik e meybil nibe tay fapi council ko fare bin Somm’on e Presidency, fare Quorum ko fare Ragag nge L’agruw i Apostle, fare Presiding Bishofric, “nge lungug ngoraed, ni yoeg Somoel.”14
Fapi Salpiy nib Thothup rok’ Somoel
Pi salpiy ney nib thothup e gathi fan e tiyugang’ ko Galasia. Ya bugi salpiy rok’ Somol. Pi tapigpig rok’ e yaed ba na’ab ko mornga’agen e biney nib thothup nge rogon e pi muruwel roraed.
President Gordon B. Hinckley e yib ngaen’ e biney: “Napan ni kugub bitir mug fith e biney e duwer ngak e chitmag … nibe magafan’ug ko rogon ni yibe fanay e salpiy ko Galasia. Me pugorran ngog ni muruwel rog e ke yoeg Got ngog ni nggu pii’ pilwon e tithes rog nge offerings. Napan ni gura rrin’ e biney, [me yoeg e chitmag ngog,] tin nikug pii’ e dan ki milfan ngog. Ke fanay Somoel nikug yibliy ni nge fanay.” Me ul’ul e chitamangin ngay ni ga’ar: “N’en nibay i rrin’ fapi tiyugang’ ko Galasia ngay e dani milfan [ngom, Gordaon]. Ya Somoel e bay yi pufthin nag rogon, ni yaed e bayi aaw ngalan paa’ raed.”15
Gamaed be thamiy tomalngin e biney ni nggu “fulweged e thin ngak Somoel.”
Pi Tithes nge Offerings Rom
Ko pi tithes nge offerings nikam yibliyed ngak Somoel, bin ba’aray e duw nike thumur e pag e billion e salipy ni Marikeen nikan fanay nike tawa’ath nag e pi’in nike tu’uf e ayuw roraed.16
Ko muruwel romaed ni nggu feked e thin ko fare gospel nikan fulweg yarmen nga dakean e fayleng ni ga’angin, bay nib pag e 69,000 e missionaries nibe pigpig ulan e 414 missions.17 Bachan e tithes nge offerings rom, missionaries, ni dabiyag pilwon e mission roraed, e rayag ni ngar uned ko pigpig.
Temple e yibe toey u dakean e fayleng ni ga’angin ni bo’or urngin. Chiney, bay 177 e temple nrayag ni ngan yean ngay, 59 e bay ni ki yibe fal’ag rogon fa yibe toey, nge 79 ni ki yibe lemnag rogon ma yibe design nag.18 Tithes rom e be pii’ e tawa’ath ko temple ni yibe toey nikemus ni Somoel e rayag ni nge guy nga mm’on e tiney e ban’en.
Bay nib pag ko 30,000 e nu’un ko mo’olung nge biyu’ e chapel nge boech e facilites nibay ulan e 195 e naam nge territories.19 Bachan e yul’yul’ rom ko tithes, Galasia e yibe toey nga yuyang nib palog ni sana dariy bi’id ni gara milekag ngay nibay gidii’en Somoel riy nib yul’yul’ nibay ni dam nang mornga’agen bi’id.
Galasia e kube pii’ e ayuw nga laal e institution nifan e sukul nib tolang.20 Nibay nib pag e 145,000 e gidii’ ni be un nga sukul riy. Miriqay nge ragag i biyu’ e klass ni yibe fil ni gubin e wik ko seminaries nge lan fapi institutes.21
Pi tawa’ath ney nge ku boech e ma yib ko gidii’ nib fel’yangren nge tin nike plubithir ni demuturug rogon e ecomic roraed ni yaed be pii’ pilwon e tithe roraed u fithik’ e yul’yul’.
Fare gelngin nib thothup fare motochiyel ko tithing nib thothup e gathi yibe foleg urngin ga’angin e salpiy ni yibe pii’, ngak bee’ nib flaqab fa bee’ nib gafgow ya Somoel e ke motochiyel nag ni ngan pii’ ngak 10 pasent ko pilwondaed ngak.22 Fare gelngin era yib ni fa’anra pagaen’daed ngak Somoel.23
Kube ul’ul Somoel ngay nge tithing romed nikam magar gaed ni gamed be pii’ e ki gelnag gelngin e Galasia, muruwel rok’ Somoel ni bayi mon’og nib ga’ ko tin ni bay duguyed ban’en. Gubin ban’en ma nang Somoel, ma bay fani taw ngay, ma gadaed guy fan nib thothup nike buch.24
Pi Tawa’ath bi yib u Bo’or e Rogon
Tawa’ath ko tithing e ma yib ni ba thilthil kanawo’en. Napan e 1998, mugu un ngak Elder Henry B. Eyring fithingan e ngiyal’ nem ko reb e mo’olung ko Galaia ni rib ga’ u Utah ni kanoeg e Silicone Slope ngay, reb e community ko technology. Binem e ngiyal’ e rib gel e mon’og, me Elder Eyring e ta’armedlin ngak pi gidii’en e Galasia ni dab ur ufanthin niged e tin nibay roraed ngak e gidii’ nge chogow. Micheg rok’ e gubin ngiyal’ mara par rog ni fa’anra yaedra pii’ pilwon e tithe roraed u fithik’ e yul’yul’, ma chogow roraed ko boech e tin nu fayleng ban’en era m’ay. L’agruw e duw ngay, ma fapi technology e yean pilwon nga butt’. Bo’or e gidii’ nin n’ag ko muruwel, ma bo’or e company ni gafgow ko ngiyal’ ney ko salpiy. Pi’in ni fanow nag e mulwol rok’ Elder Eyring e ni tawa’ath nagraed.
Micheg rok’ e ke pugorran ngog reb e ban’en ni buch. Gu mada’ nag Charlotte Hlimi ni 12-e-duw rok’ nib chugur nga Carcassonne, France, ko 1990 ko ngiyal’ ni gube pigpig ni gag e mission president. Fare tabinaew ko Hlimis e yead ba yul’yul’, ba gafgow e par roraed ni yaed ma par ulan ba apartment ni meruk e bitir riy. Ba’ ya’an e sassing ko fare Tathapeg nge profet ko reb e rungrung. Ngiyal’ e interview rok’ ni nge thapeg e patriarchal blessing, mug fith ngak Charlotte ko fa’anra be pii’ pilwon e tithe rok’ nib yul’yul’. Me fulweg ni ga’ar, “Arrogon, President Andersen. Chitnag e ke machib nag ngog nibay e tawa’ath ko tin nu fayleng ban’en nge tin nib thothup nima yib ko pii’ pilwon e tithing. Chitnag e ke fil ngog ni fa’anra gubin ngiyal’ ni gadaedra pii’ pilwon e tithing rodaed, ma gubin ban’en mab yal’uw ko tafney rodaed. President Andersen, gubin ban’en mab yal’uw ko tafney romaed.”
Ke pii’ mat’wog ni nggu weliy mornga’agen, Charlotte, e chiney e 45 e duw rok’ nike seal u tempol, e ga’ar: “Mich rog e rib riyul’ e ngiyal’ nem, ma chiney e kari gel. Ri gub falfalaen’ ko biney e motochiyel. N’umngin napan ni gub fos ma be ul’ul’ e tawa’ath nibe yib.”25
Borran ngay mara bagdaed mara mu’nag e milekag rok’ u roy u fayleng. Riliw’ nge laal e duw kafram, in i rran ngay u mm’on ni yim le’engin e chitinngig, Martha Willimas, ni yim’ ko cancer, me thapeg buchi kahol ulan e mail. Ma kingiyal’ nem ni fith ngak figrnging, i Kathy, e checkbook rok’ ni nge pii’ pilwon e tithing rok’. Chitingin e ri dariy gelngin ni rib momaw’ rogon ni nge yoel, ere fith Kathy ngak ko fa’anra rayag ni nge yoel ni paa’. Me fulweg e chitinngin, “Danga’ Kathy. Gu ba’adag ni gag e nggu rrin’.” Maki kathkath nga butt’ ni ga’ar, “gu ba’adag ni nggu mat’aw u powchen Somoel.” Reb e ban’en ni rrin’ Kathy nifan e chitinngin e pii’ e tithing rok’ ngak e bishof rok’.
Muruwel Rok Got nib Ba Ga’
Pi walageg, Fare Galasia ku Yesus Kristus ni Fan ko Gidii’en Got ko Tin Tomur e Rran e “ke yo’or yang nikan rung’ag mornga’agen riy,”26 nibe pii’ e tawa’ath u dakean e fayleng. Bay e gidii’ ni bayi un ngodaed nge falfalaen’ ngodaed ma bay boech ni dabi falfalaen’ ngodaed. Ke yib ko tafney rog e thin rok’ Gamaliel nib gonop, ni’ir, e rung’ag fapi ma’ang’ang ni rrin’ Apostle Peter nge John, me ta’armidlen ngak e council nu Jerusalem:
“Mpaged [e pi gidii’ ney] yad: ya fa’anra … tin yad be muruwliy e sum rok e girdi’, ma bayi m’ay:
“Machane fa’anra Got e yib rok, ma dabiyag romed ni ngam gelgad ngorad … Ya gimed ra pir’eg ni gimed be cham ngak Got.”27
I gur nge gag e gadow bang ko fare muruwel rok’ Got ni rib ga’fan u roy u fayleng. Dabi yib ni nge mus machane ra ul’ul’ u dakean e fayelng, nibe fal’ag kanawo’en fare Tathapeg ni bayi sul. Gube micheg ko fapi thin rok President Russell M. Nelson: “Ko boch e rran nibay nga mm’on, gadaedra guy gelingin fare Tathapeg ni rib gel ni dariy bi’id nikan guy ni arragon. U thilin e ngiyal’ ney nga mada’ ko ngiyal’ ni bay i sul …, Ma bayi tawa’ath nag, e gidii’, me pii’ e ma’ang’ang ngak e pi’in nibay nib yul’yul’.”28
Irreray e tin ni gube micheg. Yesus e ir Kristus. Irreray e muruwel rok’ nib thothup. Kura yib biyay. U dakean fithngan Yesus Kristus, amen.