T’ufeg kan Non Ngaray
Gub athap ni ngad filed urogon ni ngad non’ed nge rung’an e tu’ufeg, ulan e gum’ircha’dad nge na’un rodaed, nge ulan e pigpig ko gospel, gosgos, machib, nge pigpig.
Pi fakdaed ko Primary e kar yon’ed, “T’ufeg kan non ngaray.”1
Faram kug pii’ ngak Sister Gong e locket nib chig. Kan yoloey nga dakaen dot-dot, dot-dot, dot-dot-dash. Picha’an nibe nang fan Morse code mra poey pi letter I, I, U. Machane ba’ reb e thin kug pii’ riy. U thin nu Mandarin Chinese, ”ai” be yup fan e ”t’ufeg.” Ere, re mulwol ulan e mulwol, baga’ar ni “Guba adagem.” Susan sweetheart, “I, ai (爱), U.”
Gadad ma noned e adag ni bukum e sabathin. Kug fil gubin e gidii’ ma noned 7,168 gubin mit e thin.2 Ulan e Galasia gadad ma sabathindad ni 575 mit e thin , ni bay bo’or pi thin nib thilin. Gadad ma noned e ba’adag, thilyeg e lam’ dad, nge thamtham ufithik’ e art, musik, churu’, yol ni fanethin, nge thiin ko dow.3
Daba’, gadad ra sabathingad ko dalip e pi thin ko fare gospel nib adag: thin ko falfalaen’ nge liyor, thin ko pigpig nge maligach, nge thin ko m’ag ni gadaed mu’un ngay.
Bin somm’on, e fare gospel ko falfalaen’ nge liyor.
Ufithik’ e falfalaen’ nge liyor, Sister Gong me fith ngak e bitir nge gidii’ nib fel’ yangren, “Urogon ni ngam nang e galibthir ni ba’adag med?”
U Guatemala, pi bitir ba yog, ”Galibthir ba muruwel’ nib gel ni nge thapeg e gaan nifan e tabinaw” U North America, bitir e ma yog, ”Galibthir e ma bi’eg e pi yaat nge ayuweg ngog ni nggu mol u neap’.” Ulan fare Nam nib Thothup, pi bitir ba yog, ”Galibthir me damiiteeg nigeg.” U Ghana, West Africa, pi bitir ba yog, ”Galibthir me ayuweg nigeg ni fan e pi goal ko Bitir nge Gidii’ nib Fel’ Yangren.”
Ta’areb e bitir keyog, ”Dariy’fan e magaf rok tomuren e muruwel’ rok’, nina rog nima yib u wuru’ e na’un ni nge gosgos nigeg.” Ke yoer e chitiningin napan ni ke rung’an e maligach ni gubin e rran rok’ e be fel’. Bpin nib fel’ yangren nike yog, ”Bochingyal’ me tugthin gag nge nina rog, machane ya pagaen’ rog ngak’ e chitinngin.” Ya ke yoer e chitiningin.
Bochingyal’ gadaed ba’tuf ni ngad nanged e thin ko adag ni yad be rung’aned nge ba’adagdad.
Ni bay e ba’adag nge liyor, mo’olung ko sacrament nge reb me sap ngak’ Yesus Kristus. Gadad ma non’ed ufithik’ e liyor morunga’agen e Bayul’ rok’ Yesus Kristus, ni’ir nib riyul’, ni gathi e lemnag ko Bayul’. Gadad ma pininged fare Galasia nike sulyarmen ko fithingan Yesus Kristus, Fare Galasia rok’ Yesus Kristus ni fan e Gidii’en Got ko Tin Tomur e Rran. Gadad ma yoeg e pi meybil ufithik’ e thin nib liyor napan ni ngad non ngak e Chitamangiy nu Tharmiy nge liyor nib fel’ ngodad u sabathindad. Napan ni ngad nanged Yesus Kristus ir e dayif ko pi micheg rok’ e temple, gara tal’eg ni ngam yoeg ”maen nga temple” nge ra yoeg ”yib nga Yesus Kristus ulan e na’un rok’ Somoel.” Urngin e micheg me kathkath, ”T’ufeg kan non ngaray.”
Pi chongin nib bi’ech me yoeg yad bat’uf e pilyeg nifan e pi thin ko Galasia. Gadad be minmin e thin ni ”stake house” rayog ni be yip’ fan e gaan nib garbaw; ”ward building” rayog ni be yip’ fan e aspital; ”opening exercises” rayog ni be pinningdad ni nngad rrin’ed head, shoulders, knees, nge toes ulan e tafen e caro. Machane, wenig, gamed ba manged nib fel’ nib nangfan napan ni ngad fil’ed e thin ko adag nib bi’ech. Bay bi’ech e bee’ u misa, bee’ ni ke michaen’ ke rung’an e maad rok’ e rib n’uw. De tabolngin ngak e kireb, nike fulweg, ni weod, ”Kug thilyeg e mich rog; wenig ngom ni ngam mang nib gum’aen’ napan e maad rog ni ra papaynag.”4
Pi thin rodad e rayag nge fekdad nge chuchugur fa palog nagdad ko pi gidii’ ku Kristus nge pi fagar. Bochingyal’ gadad ma non’ed morunga’agen e muruwel’ ko missionary, muruwel’ ko temple, muruwel’ ko ayuw me reb e bee’ ra lemnag gadad be rrin’ed e muruwel’ ni yigogdaed. Thingari non ufithik’ e ba’adag nge liyor nifan e muruwel’ ku Got nge felngin nge ngongol, runguy, nge fala’ab ku Yesus Kristus nge bayul ni maligach Rok’.5
Bin l’agruw, fare thin ko gospel nifan e pigpig nge maligach.
Napan ni ngad kunuydad bayay u galasia ni gubin e wiik ni falfalan for rran ko Madnam, rayog ni ngad daged e micheg rodad ko sakrament ngak e Yesus Kristus nge gubindad ufithik’ e pigpig ko Galasia, mu’un nang salapen, mukun, nge pigpig.
Napan gube fith ngak e pi tiyugang ko galasia morunga’agen e magawon romed, gali pumo’on nge bpin ma fulweg, ”Boch e pi chongin dabi thapeg e pigpig ko Galasia.” Fare pinning ni ma pigpig ngak fare Somoel nge reb e gidii’ ulan e Galasia Rok’ me pii’ e rogon ni ngam ga’nag e runguy, rogon, nge sobut’. Napan gadad ra thapeged tawa’ath ko pigpig, rayog ni ngad thapeged e yi’iy rok’ somoel ni ngad puged ngalang reb e bee’ nge ngodad. Riyul’, pin’en nira thilyeg ulan e yafos nira magawon nag e rogon ni ngad pigpiggad, machane gube athap de thilyeg e ba’adag rodad. Ko pilung ni Benjamin, gadad ma yoeged, ”Fa’anra bay rog ma gura pii’”6 nge pii’ gubin e rayog rodad.
Pi tiyugang ko stake nge ward, thingarda rrin’ed e ngongol rodad. Napan ni ngad pinning (nge chuw) e pi walagen nifan e pigpig ulan e Galasia rok’ Somoel, wenig ni ngam rrin’ed ufithik’ e rogon nib fel’ nge yi’iy. Ayuweg ngorad ni ngar thameyed e ba’adag romed nge gonop e rayog ni ngar rrin’ed e pi’nen. Wenig ni ngam fonow nge motoyil fapi tiyugang nib bpin. Thingarda pugurandad, woed President J. Reuben Clark ni ke fil, ulan e Galasia rok’ Somoel gadad ma pigpig nag, “ba tofen bee’ gathi sap’ ngak fa fulweg ni danga.”7
Napan Sister Gong nge gag kug mabgol gow, Elder David B. Haight nike fonow ngomow: ”Mu thapeg e pigpig ulan e Galasia ni gubin ngiyal’. Rib ga’ fan ni ngam thapeg napan ra sug e yafos ko pi’nen,” ni keyog, ”gara thamiy e t’uf rok Somoel nifan e gidii’ nima pigpig ngak.” Gube micheg e t’ufeg kan non ngaray, uram, nge gubin fen napan gadad ma fulweg ni aarogon ngak e pi tiyugang ko Galasia nima pigpig fare Somoel ulan e Galasia Rok’ ufithik e Thothup nge m’ag rodad.
Galasia nib sulyarmen rok’ Somoel nira mang e tafen ko ga’nag e gidii’ nu Zion. Napan gadad ma liyor nag, pigpig gad, ba’adagdad, nge filed uta’abong morunga’agen e t’ufeg rok’, gadad ma miyuluy nagdad ko gospel Rok’. Sana bay tugthin rodad morunga’agen e pi’nen ko am fa reb e magawon rok e gidii’ machane thingarda pir’eged e tin nib fel’ napan ni ngad yoen’ed uta’abong ko ward choir. Gadad ma gelnag e pi tha’ nge gelnag e rogon ni kemus ir napan ni ngad pigpig gaed ufithik’ urngin e gum’ircha’dad ulan e na’un rodad nge buguliyiror rodaed.
Napan e mu’ulung ko pi chonging ni bay e stake president, kug thamiy e t’ufeg rorad nib gel nifan ngorad. Napan kug warow u chuchugur e na’un rorad e pi chongin ko stake rok’, ta’areb e stake president nike weliy fa’an bay e na’un ko swimming pool fa bay e faraf nib buut, pigpig rok’ e Galasia nira ba’adag e maligach. Machane, nike sap, napan ni ngad pigpiggad nge maligach uta’abong ulan e gospel, gadadra pir’eg ni buchuw e magawon nge gapas nib ga’. Napan gadad ra pii’ e rayog Ngak, Yesus Kristus me ayuwegdad ni ngad noned e pi thin ko adag.
Biney e summer, tabinaw rog kug mada’gad ngak e pi chongin ko Galasia nib fel’ nge pi fagar u Loughborough nge Oxford, England. Pi kunuy ney nib fel’ nike puguran nigeg urogon e madnam ko ward nge pigpig rayg ni nge fal’eg e tha’ ko gospel nib be’ech nib athamgil . Boch e ngiyal’ kug thamey, ulan bo’or a tafen u Galasia, boch reb e pi madnam ko ward, ni bay e fan nib fel’ ko gospel, ra ta’arebgad uta’abong nib gel.
Ta’areb e tiyugang’ nifan e pi gosgos ko ward nge ulungi nima gelnag e gidii’ nge ulungi ko pi Saint. Pi gosgos nib fel’ rorad e t’aer midlen ma ayuweg e gidii’ be thamey e ba’adag, yang ko ulungi, nge thapeg e pinning ni ngar rrin’ed e pi’nen. Pi gosgos ney ma kunuy e gidii’ bay thil e duw rorad nge rogon rorad, me fal’eg e lemnag nib fel’, nge rayog ni nge buch ni bay buchuw fa dariy’ e salpiy. Pi gosgos nib fel’ nira pinning e pi buguliyiror nge pi fagar.
Sabathin nge pigpig rayog ni ngar paerew uta’abang. Pi’in nib fel’ yangren’ manang fa’an gabe’adag ni ngam nang morunga’agen e bee’ mu muruwel chuchugur ngak udakaen e taawo’ nifan e pigpig.
Ba riyul’, dariy’ e bee’ nge tabinaw be machalbog. Gadad gubin bat’uf e ayuw ni ngad non’ed e pi thin ko adag. ”T’ufeg nib machalbog e be chuweg urngin e murus.”8 Mich, pigpig, nge maligach me fekdad chuchugur ngak fare Tathapeged. Ufithik’ nib ga’ e t’uf, mich nge pigpig nge maligach nifan Ngak, gadad ra nanged ni rib ga’ e bayul ni maligach rok Yesus Kristus nge runguy ngodad.
Ni’ir ba fekdad nga thin ko gospel nifan e ulungi nib micheg.
Gadad ma pared ulan e feylang ni ba’adag raed. Bo’or ir ”gube mel’eg nigeg.” Ni woed gadad manang e pi’nen ni gadad ba’adag nge urogon ni ngad thapeged binir.
Machane dani riyul’ e binem. Yesus Kristus nike dag ngodad e ba’nen nib riyul’ nib gel:
“Ya en nra finey ni nge ayuweg e pogofan rok e ra thay rok; ma en nra thay e pogofan rok ni bochag e ra pir’eg.
“Be mang e ra fel’ rogon be’ riy ni fa’anra yag ngak e re fayleng ney ni polo’, machane me thay e bin riyul’ e yafos u pa’?”9
Yesus Kristus me pii’ ngodad e rogon nib fel’—pi tha’ nibe tay ngadakaen e micheg nib thothup, ni’ir ra gelnag e yam’. Ulungi nib micheg ngak Got nge gubin dad rayog ni nge golnag nge thothup nag pi tha’ rodad nib thabi ba’adag. Be riyul’, Ir manang marunga’daed ma irba t’uf rodaed ni ga’ ko nang fan fa t’ufeg rodad. Be riyul’, napʼan ni gadaed ra mʼag gubin rodaed, ma rayag rodaed boʼor banʼen. Gelngin nge ganop rok Got rayog ni nge yibliy nag dad ko gubin e pi’nen nib mangil, ulan e ngiyal’ nge rogon Rok’.
Generative artificial intelligence (AI) rayog ni pilyeg ko thin. Ke yib e rran napan e computer be pilyeg far thin “Fare ya’el be adag, machane fare dowef e waer” ko “Fare waayin e mangil, machane fare thum’ag e kireb.” Bay e l’agaen’, napan nibe pii’ bo’or e susun ko thin nira fil ngak e computer ni rib mangil ma fa’an ni be fil ngak e computer gubin e pi motochiyl ko thin.
Woed rogon, pi’nen ni ra buch ngodad bayay ngo bayay ma fil’ed ngodad e thin ko gospel ko falfalaen’ nge liyor, pigpig nge maligach, nge m’ag ni gadaed mu’un ngay.
Ere, bu’uw nge urogon e Yesus Kristus ma non ngomed ufithik’ a tu’ufeg Rok’?
Bu’uw nge rogon ni gamed ma rung’an fare tu’ufeg Rok’?
Gub athap ni ngad filed urogon ni ngad non’ed nge rung’an e tu’ufeg, ulan e gum’ircha’dad nge na’un rodad, nge ulan e pigpig ko gospel, gosgos, machib, nge pigpig.
Ulan e tanom rok’ Got, gadad gubin ra thilyeg e yafos ney nga bin magid e yafos. Napan ni ngad mada’ ngak Somoel, Gube lemnag ni ra yoeg, ni bay e thin ko fonow nge micheg, ”T’ufeg kan Non Ngaray.” U dakean fithngan Yesus Kristus nib thothup, amen.