Reka Mmaransɛm Akɛseɛ Mmienu no Abom
Yɛn tumi a yɛde bɛdi Yesu Kristo akyi no gyina yɛn ahoɔden a yɛde bɛdi mmara a ɛdi kan ne deɛ ɛtɔ so mmienu no so na yɛnya ahofama a ɛyɛ pɛ.
Nnianim
Berɛ a me ne me yere, Lesa, tu kwan kɔ wiase afanan nyinaa no, yɛkae akwanya ayɛne mo hyiam wɔ asafo akɛseɛ ne nketewa mu. Mo ahofama de ma Awurade adwuma no hyɛ yɛn nkuran na egyina hɔ sɛ Yesu Kristo asɛmpa no ho adanseɛ. Yɛfiri akwantuo biara mu ba fie a yɛbisa yɛn ho sɛ yɛde dodoɔ a ɛte sɛ deɛ yɛnya firii mo hɔ no maeɛ anaa.
Sɛ yɛretu kwan a yɛnnya nhwɛ deɛ ɛsɛ ani. Mmom, sɛ berɛba mu a, mesɛeɛ berɛ kakra wɔ deɛ mepɛ sononko ho. M’ani gye adansie ne mfoniniyɛ ho na mewɔ anigyeɛ sononko wɔ nsamsoɔ ahodoɔ ho. Nsamsoɔ ahodoɔ a ɛsesɛn soro no yɛ me nwanwa. Sɛ ɛyɛ Rainbow Nsamsoɔ a ɛwɔ Tokyo, Tsing Ma Nsamsoɔ a ɛwɔ Hong Kong, Tower Nsamsoɔ a ɛwɔ London, anaasɛ afoforɔ a mahunu no, mfididwuma ho nimdeɛ a ɛwɔ adan a ɛyɛ den yi mu no yɛ me nwanwa. Nsamsoɔ ahodoɔ de yɛn kɔ mmeaeɛ a anka yɛrentumi nkɔ. (Ansa na mɛtoa so no, mehunu sɛ ɛsiane sɛ saa nkrasɛm yi wɔasiesie nti, awerɛhosɛm nsamsoɔ nkwanhyia bi sii wɔ Baltimore. Yɛsu akra a wɔyeraeɛ no na yɛ ma mmusua a wɔn ho aka no daakena.)
Nsamsoɔ a Ɛsensɛn Soro a Ɛyɛ Fɛ
Ɛnkyɛree, nhyiamu dwumadie bi de me kɔɔ California, berɛ a metwaa Golden Gate Nsamsoɔ nwanwasoɔ no bio, a wɔhunu no sɛ wiase mfidinnwuma anwanwadeɛ bi. Saa nkaedum dan yi de ɔkwan a ɛyɛ fɛ, tirimpɔ a ɛyɛ adwuma, ne mfiridwuma a ɛyɛ nwonwa afrafra. Ɛyɛ nsamsoɔ sononko a ɛsɛn soro a agye din a ɛwɔ nhoma, a ɛkurakura mu. Abantenten akɛseɛ mmienu mu duru a ɛrekɔ soro wɔ po no atifi no ne nneɛma a ɛdi kan a wɔsiiɛ. Wɔbom soa adesoa a ɛwɔ nhoma titire a wɔde sɛn so a ɛprapra ne nhoma a ɛsensɛn hɔ a ɛda hɔ, a ɛbɔ ɔkwan a ɛwɔ aseɛ hɔ no ho ban. Tumi soronko a ɛma nneɛma gyina pintinn—tumi a abantenten no wɔ—ne nkonyaayi a ɛwɔ abɔntenban no ho mfididwuma akyi
Golden Gate Nsamsoɔ Nsamsoɔ.
Kane adansie mfonini ahodoɔ a ɛfa nsamsoɔ no ho di mfididwuma nnyinasosɛm yi ho adanseɛ. Nsamsoɔ adeɛ biara nya mmoa a ɛma ɛmu duro firi abantenten a ɛyɛ pɛpɛɛpɛ no mu, a ɛmu biara gyina ɔfoforɔ so.
Getty Images/Underwood Archives
Sɛ wɔwie nsamsoɔ no, na, abantenten mmienu no a wɔde asi hɔ pintinn ne deɛ wɔde ahyɛ abotan fapem no mu a ɛyɛ ahoɔden ne ahoɔfɛ mfonini.
Ɛnnɛ meto nsa frɛ wo sɛ hwɛ saa nsamsoɔ a ɛyɛ fɛ yi— a n’abantenten mmienu a ɛkɔ soro no wɔasi wɔ fapem a ɛyɛ den so—wɔ asɛmpa aniwa mu.
Yesu Kristo som adwuma no rekɔ awieɛ mu no, wɔ deɛ seesei yɛfrɛ no Nnawɔtwe Kronkron mu no, Farisini bi a na ɔyɛ mmaranimfoɔ bisaa Agyenkwa no asɛm bi a na ɔnim sɛ ɛkame ayɛ sɛ ɛrentumi nyɛ yie sɛ ɔbɛbua: “Owura, mmarasɛm bɛn na ɛyɛ kɛseɛ so pa ara?” Mmaranimfoɔ no, “resɔ no ahwɛ” na ɔrehwehwɛ mmara mmuaeɛ a ɛyɛ , nnaadaa adwene no, nyaa mmuaeɛ a ɛyɛ nokorɛ, kronkron, na ɛfiri soro.
“Yesu see no sɛ, Fa w’akoma nyinaa, ne wo kra nyinaa, ne w’adwene nyinaa dɔ Awurade wo Nyankopɔn.
“Yei ne mmaransɛm kɛseɛ ne deɛ ɛdi kan no. Yɛretie yɛn nsamsoɔ mfatoho, abantenten a ɛdi kan no!
“Na deɛ ɛtɔ so mmienu no te sɛ ɛno, Dɔ wo yɔnko sɛ wo ho.” Yei yɛ abantenten a ɛtɔ so mmienu no!
“Wɔ saa mmransɛm mmienu yi so na mmara ne nkɔmhyɛfoɔ no nyinaa gyina.” Nneɛma a aka wɔ nsamsoɔ no ho!
Momma yɛnhwehwɛ mmara nsɛm akɛseɛ mmienu no, a wɔada no adi na wɔkaa wɔ Yesu Kristo mmuaeɛ no mu. Berɛ a yɛreyɛ saa no, momma nsamsoɔ akɛseɛ a ɛsensɛn hɔ a ɛyɛ nwanwa na ɛhwɛ soro no ho mfonini nka moani so.
Dɔ Awurade
Deɛ ɛdi kan, sɛ wode w’akoma, wo kra, ne w’adwene nyinaa bɛdɔ Awurade.
Wɔ saa mmuaeɛ yi mu no, Yesu Kristo ka Mmara a ɛwɔ Apam Dada no nkyerɛkyerɛ kronkron no mu bom. Sɛ wobɛdɔ Awurade no gyina w’akoma so kane—wo su ankasa. Afei Awurade bisa sɛ fa wo kra nyinaa dɔ—wo nipa su a wɔahyira no nyinaa—na awieeɛ no, wode w’adwene nyinaa—w’adwene ne wo nyansa dɔ. Ɔdɔ a ɔwɔ ma Onyankopɔn no nni ɛhyeɛ anaa ɛnni ano Ɛyɛ deɛ ɛnni ano na ɛtena hɔ daa.
Wɔ me fam no, ɛtɔ da bi a mmarasɛm kɛseɛ a ɛdi kan no sodie tumi yɛ adwene mu adeɛ, mpo annyeannie. Anisɔ mu, berɛ a meresusu nsɛm a Yesu de maa N’asuafoɔ no ho no, saa mmara yi bɛyɛ deɛ nteaseɛ wom kɛse: “Sɛ modɔ me a, monni m’ahyɛdeɛ so.” Mɛtumi ayɛ yei. Mɛtumi adɔ Ɔsoro Agya ne Yesu Kristo, a ɛde kɔ mpaebɔ, twerɛsɛm adesua, ne tɛmpol som mu. Yɛdɔ Agya ne Ɔba no ɛnam ntotosoɔ du a yɛtua, Homeda a yɛyɛ no kronkron, yɛrebɔ bra pa ne ahosohyɛ bra, na yɛyɛ setie.
Wɔtaa susu Awurade ho dɔ wɔ da biara nnwuma nketenkete mu, anammɔn a wɔtu wɔ apam kwan so: wɔde sohyial media bɛdi dwuma boa ma ɛnyini mmom sene sɛ wobɛsɛe no; afiri apontoɔ, sini, anaasɛ dwumadie a wɔbɛtumi abu susudua no animtia; de nidie ma nneɛma kronkron.
Dwene saa nhwɛsoɔ bɛtɛɛ yi ho. Na ɛyɛ akɔnkyene Kwasiada berɛ a mene Vance bɔɔ abusua ketewa ahobrɛasefoɔ bi pono mu. Na yɛne asɔfoɔ afoforɔ a wɔwɔ korɔm no mu aba sɛ yɛrehwɛ kwan sɛ nsɛm “Mesrɛ mo bra mu,” teateaam anigyeɛ so wɔ German kasa a ɛyɛ den mu a yɛbɛte wɔ ɔpono no mu. Na Onuabaa Muellar yɛ akunafoɔ ahɔhoɔ no mu baako wɔ wɔɔdo hɔ. Woantumi ammue pono no yie, ɛsiane sɛ na n’ani afira nti. Berɛ a yɛwuraa efie a esum wɔ mu kakra no, ɔde ayamyɛ nsɛmmisa kyeaa yɛn sɛ: Mo din de dɛn? Mo ho te sɛn? Modɔ Awurade no? Yɛbuaa no na yɛkaa sɛ yɛrebɛgye ne mmasoɔ afɔrebɔdeɛ no. Mpo wɔ yɛn mmofraase no, na ne tebea kakra bi no da adi ntɛm ara, na mmuaeɛ a gyidie ahyɛ no ma no kaa akoma kɛse: “Mede daem bi too pono no so anɔpa yi. M’ani asɔ sɛ mede m’aforebɔdeɛ ama. Mode ayamyɛ de ahyɛ krataa bɔtɔ no mu na moatwerɛ m’afɔrebɔdeɛ krataa no so?” Ne dɔ a ɔwɔ ma Awurade no hyɛɛ yɛn gyidie den berɛ biara a yɛbɛfiri ne fie.
Ɔhene Benjamin hyɛɛ bɔ sononko maa wɔn a wɔdi mmara kɛseɛ a ɛdi kan no so. “Mɛpɛ sɛ mobɛdwene nhyira ne anigyeɛ tebea a ɛwɔ hɔ ma wɔn a wɔdi Onyankopɔn mmaransɛm so ho. Wɔahyira wɔn wɔ adeɛ nyinaa mu, wɔ honam ne honhom mu; na sɛ wɔgyina pintinn kɔsi awieeɛ a wɔbɛgye wɔn akɔ soro wɔ anigyeɛ a ɛnni awieeɛ mu.”
Dɔ a yɛdɔ Awurade no de yɛn kɔ anigyeɛ a ɛnniawieeɛ mu!
Dɔ Wo Yɔnko
Afei Yesu kaa sɛ, “Na deɛ ɛtɔ so mmienu no te sɛ ɛno ara, Dɔ wo yɔnko sɛ wo ho.” Yei yɛ nsamsoɔ no abansoro a ɛtɔ so mmienu no.
Ɛha Yesu yɛnsamsoɔ ma yɛn ɔsoro soro hwɛ, sɛ yɛbɛdɔ Awurade, ne yɛn asase so anisoɔ hwɛ, sɛ yɛbɛdɔ yɛn mfɛfoɔ mmarima ne mmaa. Obiara dane ne yɔnko. Awurade ho dɔ nwie pɛyɛ berɛ a yɛpo yɛn yɔnko. Saa anisoɔ dɔ yi ka Onyankopɔn mma nyinaa ho a ɛmfa ho sɛ ɔbarima anaasɛ ɔbaa, asetena mu kuo, abusuakuo anaasɛ abɔsuo, mfeɛ a wɔadi, anaasɛ abusuakuo a wɔfiri mu. Yɛhwehwɛ wɔn a wɔapira na wɔabubuo, wɔn a wɔato wɔn agyeegyeemu, ɛfiri sɛ “wɔn nyinaa yɛ pɛ ma Onyankopɔn.” Yɛ “boa wɔn a wɔyɛ mmrɛ, ma nsa a ɛsensɛn fam no so, na yɛhyɛ nkotodwe a ɛyɛ mmrɛ no den.”
Onua barima Evans ho dwirii no berɛ a ɔnyaa atenka sɛ ɔnnyina ne kaa na ɔmmɔ abusua bi a ɔnnim wɔn pono. Berɛ a ɛna kunafoɔ bi a ɔwɔ mma 10 buee pono no, wɔn tebea mu ne wɔn ahiadeɛ akɛseɛ no daa adi ntɛm ara kyerɛɛ no. Na deɛ ɛdi kan no yɛ tiawa, wɔn fie ho penti, a honam ne honhom fam mu som adwumadie abɔ wɔn mfeɛ bebree.
Akyire yi, ɛna a ɔwɔ anisɔ yi twerɛ faa n’adamfo a ɔsoro somaa no ho sɛ: “Wode w’abrabɔ aboa yɛn mu ketewa mpo. Sɛdeɛ m’ani bɛgye sɛ mɛte nneɛma a Awurade wɔ ka kyerɛ wo berɛ a Ɔda N’anisɔ adi wɔ papa a moayɛ wɔ sikafam ne honhom mu, ama nnipa a mo ne Ɔno nko ara na mobɛtumi ahunu. Yɛda wo ase sɛ wohyiraa yɛn wɔ akwan bebree so, wɔ asɛmpatrɛfoɔ a wode wɔn maeɛ. Mpɛn pii no metaa susu sɛ ebia Awurade na ɔyii wo nko ara, anaasɛ wo nko ara na wotieeɛ.”
Sɛ wobɛdɔ wo yɔnko a, ayamyɛ ne ɔsom nnwuma a ɛyɛ Kristosu ka ho. Wobɛtumi agyae abufuo, de atamfoɔ bɔne akyɛ wɔn, agye wo nuanom na woasom wɔn, na woaboa mpanimfoɔ? Wɔbɛkanyan mo mu biara berɛ a mosi mo dɔ abantenten ma mo ayɔnkofoɔ.
Titenani Russell M. Nelson kyerɛɛ sɛ: “Yɛreboa afoforɔ—yɛrebɔ mmɔden aboa afoforɔ te sɛ, anaasɛ akyɛn yɛn ho—ne yɛn anigyeɛ. Titire, berɛ a ɛnyɛ ahogono mu mma yɛn na ɛma yɛn ho kyere yɛn. Redi saa mmarasɛm kɛseɛ a ɛtɔ so mmienu no so di akotene wɔ Yesu Kristo akyidifoɔ nokwafoɔyɛ mu.”
Yɛde yɛn ho to yɛn ho yɛn ho so
Yesu kɔɔ so kyerɛkyerɛɛ sɛ, “Wɔ saa mmransɛm mmienu yi so na mmara ne nkɔnhyɛfoɔ no nyinaa gyina.” Yei kyerɛkyerɛ yie. Yɛn ho a yɛde to yɛn ho yɛn ho so hia wɔ Awurade dɔ ne yɛn ho yɛn ho dɔ ntam. Golden Gate Nsamsoɔ no bɛtumi ayɛ n’adwuma a wɔahyehyɛ no a, abantenten mmienu no nyinaa mu yɛ den pɛpɛɛpɛ na asoa nhoma a wɔde sɛn so, ɛkwan no, ne kaa a ɛfa nsamsoɔ no so. Sɛ mfididwuma mu nsɛsoɔ yi nni hɔ a, ɛbɛtumi asɛe nsamsoɔ no, na ama abubu mpo. Sɛ nsamsoɔ a ɛsɛn soro biara bɛtumi ayɛ deɛ wɔsii sɛ ɛbɛyɛ no a, ɛsɛ sɛ n’abantenten no bom yɛ adwuma wɔ koroyɛ mu. Saa ara, yɛn tumi a yɛde bɛdi Yesu Kristo akyi no gyina yɛn ahoɔden a yɛde bɛdi mmara a ɛdi kan ne deɛ ɛtɔ so mmienu no so na yɛnya ahofama a ɛyɛ pɛ nyinaa.
Akyinnyegyeɛ a ɛrekɔso wɔ wiase no kyerɛ sɛ, ɛtɔ mmerɛ bi a, yɛntumi nhunu anaasɛ yɛnkae yei. Ebinom de wɔn adwene si mmaransɛm a wɔbɛdi so ara ma abodwokyɛre kakraa bina wɔnya ma wɔn a wɔhunu wɔn sɛ wɔntene no. Ɛyɛ den ma ebinom sɛ wɔbɛdɔ wɔn a wɔreyi sɛ wɔbɛbɔ wɔn bra wɔ apam no akyi anaasɛ wɔbɛtwe wɔn ho afiri nyamesom dwumadie biara ho.
Wɔ kwan foforɔ so, ebinom wɔ hɔ a wɔsi sɛ yɛdɔ afoforɔ so dua a wɔnnye ntom sɛ yɛn nyinaa bu akontaa kyerɛ Onyankopɔn. Ebinom po adwene sɛ biribi wɔ hɔ a ɛyɛ nokorɛ turodoo, anaasɛ deɛ ɛtene ne nea ɛntene wɔ hɔ, na adeɛ baako a wɔhwehwɛ firi yɛn hɔ yɛ abodwokyɛre ne deɛ afoforɔ afa a yɛgye tom. Saa nneɛma a ɛnyɛ pɛ yi mu biara bɛtumi ama w’ankasa honhom fam nsamsoɔ no akyea anaasɛ adwiri mpo.
Titenani Dallin H. Oaks kyerɛkyerɛɛ yei mu berɛ a ɔkaa sɛ: “Wɔahyɛ yɛn sɛ yɛnnɔ obiara, ɛfiri sɛ Yesu abasɛm a ɛfa Samariani pa no ho kyerɛ sɛ obiara yɛ yɛn yɔnko. Nanso yɛn nsiyɛ sɛ yɛdi saa mmaransɛm a ɛtɔ so mmienu no so nsɛ sɛ yɛn werɛ firi deɛ ɛdi kan no, sɛ yɛde yɛn akoma, kra, ne adwene nyinaa dɔ Onyankopɔn.”
Awieeɛ
Enti asɛmmisa a ɛwɔ hɔ ma yɛn mu biara ne sɛ, Yɛbɛyɛ dɛn akyekyere yɛn ankasa gyedie ne ahofama nsamsoɔ—yɛresi nsamsoɔ atenten a ɛkyerɛ sɛ yɛdɔ Onyankopɔn na yɛdɔ yɛn afipamfoɔ nyinaa? Weɛ, afei na yɛahyɛ aseɛ. Ebia yɛn mmɔdenbɔ a ɛdi kan no bɛyɛ te sɛ nhyehyɛeɛ bi a ɛwɔ ntomago akyi anaasɛ nsamsoɔ a yɛbɛsi no mfitiaseɛ-mfonini. Ɛbɛtumi ayɛ nokorɛ botaeɛ kakra bi a yɛde bɛte Awurade asɛmpa no ase kɛse anaasɛ yɛbɛka ntam sɛ yɛremmu afoforɔ atɛn kɛse. Obiara nni hɔ a ɔsua anaasɛ wanyini aboro so sɛ ɔhyɛ aseɛ.
Berɛ rekɔ no, ɛnam mpaebɔ ne nhyehyɛeɛ a wɔasusu ho no, wɔma nsusuiɛ a ɛmu nna hɔ no ho te. Nneyɛɛ afoforɔ bɛyɛ suban. Ntwerɛeɛ a ɛdi kan bɛyɛ nhyehyɛeɛ a wɔasiesie. Yɛde akoma ne adwene a yɛtu si hɔ ma Ɔsoro Agya ne Ne Dɔ Ba Koro no ne yɛn nnuanom mmarima ne mmaa a yɛne wɔn yɛ adwuma, di agorɔ na yɛtena na ɛyɛ ankasa honhom mu nsamsoɔ.
Wɔ nna a ɛdi anim no, sɛ wohunu nsamsoɔ kɛseɛ bi a ɛsensɛne hɔ anaasɛ wohunu ebi mfonini, a abantenten ka ho, meto nsa frɛ wo sɛ kae mmaransɛm akɛseɛ mmienu no, a Yesu Kristo kyerɛkyerɛɛ mu wɔ Apam Foforɔ mu no. Awurade nkyerɛkyerɛ nkanyan yɛn. Ma yɛn akoma ne adwene mpagya nkɔ soro, na yɛnnɔ Awurade, na yɛnkɔ abɔntene, nnɔ yɛn yɔnko.
Ma yei nhyɛ yɛn gyidie den wɔ Yesu Kristo ne Ne Mpata a medi ho adanseɛ, wɔ Yesu Kristo din mu, amen.