Viti: iTuvatuva Vakagauna Veitaravi ni Lotu

1924 • Suva, Viti Levu, VitiA toki mai i Viti o Mele Vea Inoke Tidboald Ashley, ka a papitaiso e Tonga ena 1915 ni se yabaki 13. O koya a imatai ni lewe ni Lotu e kilai me vakaitikotiko tudei e Viti.

1936 • SuvaA mai sikovi Mele Vea Inoke Tidboald Ashley na peresitedi ni Tabana ni Kaulotu e Toga, o Emile C. Dunn, ka vakalougatataka na luvena lailai.

Se bera na-1947 • Viti LevuErau a lewena na Lotu na lewei Viti o Cecil G. Smith kei Amely Hicks Smith. A tabaki o Cecil me dua na italatala qase.

Mua ni 1940s–1954 • Suva kei Lami, Viti Levu, VitiNa matavuvale e rua nei Mele Vea (Mary) Ashley kei Cecil G. Smith a dau vakayaco soqoni ni Sigatabu ena nodrau itikotiko.

21 ni Me, 1954 • VitiA lesi o Viti kina Tabana ni Kaulotu e Samoa ni veimuri kei na vakatulewa ni Peresitedi ni Lotu David O. McKay ni ra sega ni okati na lewe i Viti ki na vakatatabu eso ni matabete kei na valetabu ena gauna oya.

5 ni Sepiteba, 1954 • SuvaErau a sota kei ira na lewenilotu e Suva na daukaulotu yaco vou mai, o Elder Boyd Harris kei Sheldon Abbot, ena itikotiko ni matavuvale na Smith. Erau a tekivu vunau na daukaulotu ka vakasaqarai ira na saumaki‑mai, vakarautaka na soqoni wasoma eso, ka vakaraica e dua na vanua me dau soqoni kina na tabana.

9 ni Janueri, 1955 • SuvaEna dua na cegu lekaleka e Viti ni taleva voli na Ceva ni Pasifika, a mai vosa kina na Peresitedi ni Lotu David O. McKay ki na dua na ilawalawa ni Yalododonu.

23 ni Feperueri, 1955 • SuvaA biubiu kina o Gustav Adolf Smith me lai kaulotu i Samoa, ka yaco me imatai ni daukaulotu tudei mai Viti. Ni kaulotu tiko, a tabaki o koya me dua na italatala qase enai ka 9 ni Okosita, 1955.

9 ni Okotova, 1955 • SuvaA tauyavutaki na imatai ni iSoqosoqo ni Veivukei. O Emma Broederlow Lobendahn, na isevu ni peresitedi ni iSoqosoqo ni Veivukei, a veiqaravi ena itutu oya me 20 na yabaki ka tarava.

5 ni Okotova, 1957 • FijiA tokitaki o Viti mai na Tabana ni Kaulotu e Samoa kina Tabana ni Kaulotu e Tonga.

4 ni Me, 1958 • Suva

Era vakasoqoni vata na Yalododonu e Viti ni mai vakatabuya na Peresitedi ni Lotu David O. McKay na imatai ni valenilotu e Viti, na vua ni cakacaka ni lewe 10 na daukaulotu dautaravale volodia mai Samoa.

18 ni Feperueri, 1959 • Lomaloma, Lau, VitiErau a lesi o Gideon Dolo, na imatai ni daukaulotu tudei kai Viti, kei Kami Pasoni, na nona itokani kai Tonga, me rau cakacaka e Lomaloma.

1967 • Taveuni, VitiA tekivu na cakacaka ni kaulotu e Taveuni, na ikatolu ni yanuyanu levu duadua e Viti.

3 ni Feperueri, 1969 • SuvaA dola vou kina na Latter-day Saint Primary School.

23 ni Jiulai, 1971 • SuvaA tokoni kina o Josefa N. T. Sokia vaka peresitedi ni Tabana e Viti.

7 ni Noveba, 1971 • TaveuniA tauyavutaki e dua na tabanalevu e Taveuni.

1972 • FijiA lako na imatai ni ilawalawa ni Yalododonu Edaidai mai Viti kina Valetabu e Hamilton Niu Siladi.

1973 • SuvaA tekivu na parokaramu ni vuli e vale ni seminari. Ena yabaki tarava, a vakavulici e 18 na kalasi, vei ira na itabaqase kei na itabagone.

Maji 1973 • SuvaA tauyavutaki vakaivola e dua na komiti ni vakavakadewa me tekivu vakadewataka na ivola ni Lotu eso kina vitu na vosa e Viti, ka vakatekivutaki ena kena vakadewataki na ivola vakarau ni lotu vakamatavuvale kina Vakaviti kei na Vakaidia.

23 ni Feperueri, 1976 • SuvaA mai vakatulewa na Peresitedi ni Lotu Spencer W. Kimball ena imatai ni Koniferedi Raraba ni Wasewase e Viti.

11 ni Jiulai, 1976 • SuvaA vakatabui na Fiji LDS Technical College.

5 ni Noveba, 1976 • FijiA tekivu soli veivakalougatataki vakapeteriaki vei ira na Yalododonu e Viti o Percy John Rivers, na peteriaki ni iTeki e Samoa.

29 ni Okotova, 1980 • SuvaA yaco mai kina na imatai ni 50 ni ilavelave ni Vola i Momani Vakaviti.

4 ni Jiulai, 1982 • SuvaA mai vosa o Ratu Sir Kamisese Mara, na Paraiminisita e Viti, ena dua na soqoni‑ni‑irara e Suva, ka kidavaki kina mai vua na peresitedi ni tabana Harish Singh, kei na sere digitaki eso mai na Matasere ni Tabana na Suva na iKarua.

20 ni Maji, 1983 • Labasa, Vanua Levu, VitiTauyavutaki na Tabana e Labasa e Vanua Levu ka peresitedi kina o Jone Ratudale Sovasova.

12 ni Jiune, 1983 • SuvaTauyavutaki na imatai ni iteki e Viti, ka peresitedi kina o Inosi Naga.

1984 • Nadi, VitiErau a kacivi o Ifereimi Sowane Maiwiriwiri kei Jessie Edwina Maiwiriwiri vaka imatai ni veiwatini daukaulotu qase e Viti.

1985 • Samabula, VitiEra a veiqaravi na lewenilotu ena dua na soqo, ka tiko kina na paraiminisita, me dolava na koronivuli vou na Latter-day Saint Primary e Samabula.

1987 • VitiE dua na vuaviri ka kauta mai na yalani ni veilakoyaki, sogo sala, kei na vakaleqai ni veitosoyaki raraba a vakavuna mera taubale vakayawa na Yalododonu ka mai moici kina na ituvatuva eso ni lotu me tomani tikoga na soqoni.

Janueri 1991 • Funafuti, TuvaluErau a lako o Siava kei Tekafa Niko mai na Tabana e Funafuti Tuvalu kina Valetabu e Laie Hawaii ka ciqoma kina nodrau cakacaka vakalotu ni valetabu ni edaumeni kei na veivauci. Erau a isevu ni lewenilotu e Tuvalu me curu kina valetabu.

9 ni Okosita, 1992 • Labasa, Vanua LevuA vakayacora na iSoqosoqo ni Veivukei ena Tabana e Labasa na imatai duadua ni Bose ni Dauveisiko. A vakayacori na soqoni oqo ena Sigatabu ena gauna ni iSoqosoqo ni Veivukei me vakarawarawataka na veitosoyaki kei na ilakolako lesu.

18 ni Jiune, 1983 • SuvaA vakayacora na iTeki e Suva Viti e dua na soqo ni sereivakatagi ena Fiji LDS Technical College, ka vakaitavi kina na veimatasere mai na tabanalevu yadua ena iteki.

15 ni Okotova, 1997 • SuvaNa Peresitedi ni Lotu Gordon B. Hinckley a mai sota kei ira e lewe 5,000 na Yalododonu ena dua na koniferedi ni iwasewase.

17 ni Jiune, 1998 • SuvaA mai cabora e dua na masu o Elder L. Tom Perry ena Kuoramu ni iApositolo Le Tinikarua ka vakatabui Viti kina me baleta na vunautaki ni kosipeli.

Epereli 1999 • FijiNa Fiji Distance Learning Program a tekivu caka vuli ena marketing management, accounting, organizational behavior, Microsoft Excel, reading and writing, kei na Vunau kei na Veiyalayalati.

2000 • SuvaErau a kacivi o Sitiveni Bale kei Vasiti Bale merauvakatulewa ena Valetabu e Suva Viti.

Jiune 2000 • Suva

Ena maliwa ni veilecayaki ni dua na vuaviri vakapolitiki, e sivia ni 16,000 na tamata era a tiko rawa ena dolavale raraba ni Valetabu e Suva Viti. Ena dua na soqoni lailai kei ira na lewenilotu vakaitaukei ena ika 18 ni Jiune, a vakatabuya kina na Peresitedi ni Lotu Gordon B. Hinckley na valetabu.

10 ni Tiseba, 2004 • SuvaEra a solevutaka na lewenilotu e Viti vata kei Ratu Josefa Iloilo, na Turaga Peresitedi kei Viti, na ika 50 ni ivakananumi ni tauyavu ni Lotu. Era a kumuni ilavo na Yalododonu kai Viti e Amerika ka solia e $10,000 na ilavo ni Viti vaka nodra cau kina qito, sereivakatagi, kei na kanamagiti.

Janueri–21 ni Feperueri, 2016 • SuvaEra a tiko ena dolavi ni vale raraba ni Valetabu e Suva Viti vakavoui kei na soqo ni marau ni kena vakatabuitale o ira na Yalododonu vakaitaukei kei ira na vulagi dokai veisiko mai, oka kina o Major General Jioji Konousi Konrote kei Rosy Sofia Akbar, na Minisita ni Marama, Gone, kei na Dravudravua. Ena ika 21 ni Feperueri, 2016, ena maliwa ni veivakacacani ni dua na cagilaba iwasewase 5, a vakatabuyatale kina na valetabu o Henry B. Eyring ena Mataveiliutaki Taumada.

1 ni Epereli, 2017 • Salt Lake CityA mai tokoni ena koniferedi raraba o Taniela B. Wakolo, na isevu ni kai Viti me kacivi vaka dua na Vakaitutu Raraba.