“Malapa a Machaba,” Linalane tsa Lefats´e ka Bophara: Zimbabwe (2022)
“Malapa a Machaba,” Linalane tsa Lefats´e ka Bophara: Zimbabwe
Malapa a Machaba
Ka 1996, Dorothy le Abisha Peter Tembo ba ile ba isa lelapa la bona Afrika Boroa, qalong ba ne ba rerile ho lula lilemo tse tharo ha Peter a ntse a ithuta thekenoloji e ncha ea masela. “Re ile ra etsa metsoalle kerekeng, ´me ho ne ho le monate hoo; thuso engoe le engoe eo re neng re e hloka re ne re e fumana ka kerekeng,” Dorothy oa hopola. “Ho ile ha re thusa ho fumana botsitso ha bobebe.” Ha khoebo ea Peter e qetella e fallela Botswana, lelapa le ile la nka qeto ea ho sala Afrika Boroa. Qetellong ba babeli ba barali ba ha Tembo ba ile ba ithuta BYU–Provo le BYU–Hawaii ´me joale ba phela Germany le Ireland.
Qalong Dorothy, ea ileng a sebetsa e le tichere ea sekolo, o ne a sitoa ho fumana mosebetsi o tsitsitseng. O ile a sebelisa nako e ngata a khannela litho tsa lelapa ho ea mosebetsing le sekolong. Hamorao o ile a qala ho sebetsa e le mofetoleli bakeng sa kereke, seo ileng ea fetoha ,mosebetsi oa hae oa ka linako tsohle.
Khiro ea lelapa machabeng e ba thusitse ho tsehetsa lelapa le Zimbabwe. “Re bile hlohonolofatso ka ho ba kantle ho naha, hobane re romela chelete hae,” ho bolela Dorothy. “Ke seo MaZimbabwe a magata a mose ho maoatle a se etsang.”
Joalo ka mofetoleli oa kereke, Dorothy o sebelitse sehlopheng se hlahisitseng likhatiso tsa Buka ea Mormone ea Shona, Lithuto tsa Tumelo le Lilekane, le Lehakoe la e kholo ka 2007. Ka 2020, eena le Nolleen Chidzawo, ´m´e e mong oa MoZimbabwe ea Afrika Boroa, ba sebelitse ho lekola phetolelo eena ba sebelisa scripture translation lexicon. “Haeba re sena mantsoe [ka Shona] a ts´oanang le a sekhooa, re tlameha ho fumana a haufi,” o ile a hlalosa. “Joale ka lebaka la lisebelisoa tseo re nang le tsona re atleha ho e lokisa le ho e etsa hore e be betere.”