E Manatuaina e Fanau Laiti ia Peresitene Gordon B. Hinckley

Na aoaoina i matou e Peresitene Gordon B. Hinckley e uiga i le alofa. Sa le fefe o ia e faaata i matou i ona uiga malie ma le tauagafau. E manao o ia ina ia matou taumafai i le mea sili i mea uma matou te fai. Fai mai o ia: “Ia aua lava ne’i galo a’u uo laiti pele, o oe moni lava o se atalii [po o se afafine] o le Atua… . Ia agalelei atu le olaga ia te oe, aua e moni lava o oe o se atalii ma se afafine o le Atua, ua agavaa ma ua tatau i ai Lona alofa ma faamanuiaga” (“O Oe o se Atalii [po o se Afafine] o le Atua,” Liahona, Me 2003, 119).

O le a tatou manatua pea le molimau ma faataitaiga mamana a Peresitene Hinckley, lea e mafua ai ona alalaga a’e o tatou loto, “Ia Viia Oe le Atua, mo le Perofeta Lelei!”

O nisi nei o manatu o fanau laiti o le Ekalesia na faaalia e uiga ia Peresitene Hinckley:

E aulelei ma agalelei ona foliga.

Abigail H., Sikotilani

O ia o se perofeta moni, ma sa ia faamatalaina ni tala mananaia ma ni tala malie.

Jason L., Iuta, ISA

O ia o se alii lelei.

Feauai S., Samoa

Sa ia alofa i tagata uma i le lalolagi atoa.

Amelita L., Kuiniselani, Ausetalia

O ia o la’u uo.

Jonathan B., Siamani

Sa ia popole mo a’u.

Lewis W., Chile