Ang Bag-o nga Gospel Art Book [Libro sa mga Hulagway sa Ebanghelyo]
Usa ka barato nga libro nga gihugpong, karon kining 137 ka mga kinoloran nga hulagway mahimo nang magamit sa mga Santos sa Ulahing mga Adlaw alang sa pagtudlo ug pagkat-on sa ebanghelyo.
Sa opisina ni Presidente Thomas S. Monson nagbitay ang usa ka painting sa Manluluwas nga hinimo sa artist nga si Heinrich Hofmann. Ang propeta miingon nga kining painting nagpahinumdom kaniya sa pagbuhat unsa ang gusto sa Manluluwas nga ipabuhat ngadto kaniya. Ang mga hulagway adunay gamhanan nga impluwensya sa matag usa ka kanato, sama sa nahimo niining painting ngadto kang Presidente Monson.
Gikan sa usa ka tinguha nga makahatag og barato nga mga hulagway alang sa mga miyembro aron magamit sa mga klase sa Simbahan ug sa atong mga panimalay, ang Simbahan naghimog paagi nga magamit ang Libro sa mga Hulagway sa Ebanghelyo nga adunay 137 ka mga painting ug mga hulagway. Kining mga larawan makatabang sa mga leksyon nga gipangtudlo sa bisan asang bahin gikan sa oras sa klase sa Doktrina sa Ebanghelyo [Gospel Doctrine] ngadto sa panahon sa pagpakigbahin sa Primary. Kini usab mahimong magamit sa family home evening, personal nga pagtuon sa kasulatan, misyonaryo nga buhat, ug sa home o visiting teaching.
Ang matag hulagway niini nga libro modapit og usa ka kahigayunan sa pagtudlo—sa oportunidad sa pag-istorya og asoy gikan sa kasulatan ug sa pagtudlo og usa ka baruganan. Aron sa pagtabang kanato, ang Libro sa mga Hulagway sa Ebanghelyo naglakip og usa ka listahan nga modala sa mga larawan ngadto sa ilang mga panghitabo diha sa mga kasulatan. Ang pagsiksik niining mga kasulatan makahatag og dugang pagsabut sa mga panghitabo ug mga baruganan sa ebanghelyo nga gipakita sa matag hulagway.
Ang mosunod mao ang tulo ka mga pamaagi nga ang Libro sa mga Larawan sa Ebanghelyo mahimong magamit sa pagtudlo og usa ka leksyon:
-
Hunahunaa ang pagdapit og mga indibidwal sa pagsiksik sa mga kasulatan nga may kalabutan sa usa ka piho nga hulagway. Hangyoa sila sa pagbasa og kusog sa kasulatan o sa pag-summarize niini samtang imong hisgutan ang hulagway.
-
Hunahunaa sa paghangyo sa mga indibidwal sa paghulagway unsa ang ilang nakita sa litrato. Unsa nga mga baruganan sa ebanghelyo ang gitudlo sa litrato? Unsaon nato sa paggamit niadtong mga baruganan sa atong mga kinabuhi karon?
-
Human og tudlo og usa ka piho nga baruganan sa ebanghelyo, dapita nga uban sa pagsiksik sa Libro sa mga Hulagway sa Ebanghelyo, mangita og mga litrato nga mohulagway niana nga baruganan. Pangutan-a ang mga indibidwal kon unsa ang ilang gibati sa dihang sila nagtan-aw sa mga litrato nga karon ilaha nang nahisgutan ang mga kahulugan niini.
Sa tanan natong buhaton sa pagkat-on ug pagtudlo sa ebanghelyo, kita mainampoong mangita og inspirasyon (tan-awa sa D&P 42:14–17). Samtang ato kining gibuhat, ang Espiritu Santo modala og uban pang mga ideya ngari sa atong mga hunahuna nga mohaum aron matagbaw sa mga panginahanglanon niadtong atong gipangtudloan. Ang bag-o nga Libro sa mga Hulagway sa Ebanghelyo usa kaimportante nga himan nga makatabang kanato sa pagtabang ngadto sa usag usa nga moduol ngadto kang Kristo ug modawat sa mga panalangin sa kinabuhing dayon.
Gikan sa wala: Ang Imahen ni Kristo, ni Heinrich Hofmann, sa maayong kabubut-on sa C. Harrison Conroy Co.; paghulagway sa litrato pinaagi ni Matthew Reier, Hyun-Gyu Lee, ug Christina Smith