ʻE Lava Ke u Hoko mo Au ko ha Faifekau

Fai ʻe Estherlynn Kindred Lee

Makatuʻunga ʻi ha talanoa moʻoni

“Ko ia, kapau ʻoku mou maʻu ʻa e ngaahi holi ke ngāue maʻá e ʻOtuá ʻoku ui ʻa kimoutolu ki he ngāué” (T&F 4:3).

1. Naʻe fiefia ʻaupito ʻa Peleto. Naʻe toki maʻú ni mai ʻene tohi mei hono taʻokete ko Toní. Naʻe ngāue fakafaifekau ʻa Toni. Kimuʻa pea ʻalu ʻa Toní, naʻe palōmesi ange ʻa Peleto ʻe ngāue fakafaifekau mo ia.

2. Peleto, ʻokú ke ʻilo ko e taimi ʻokú ke tokoni ai ki he niʻihi kehé, ʻokú ke fakahoko e ngāue fakafaifekaú? ʻOku ʻikai ke u faʻa tatali ke fanongo ki he ngaahi ngāue fakafaifekau ʻokú ke fakahokó. ʻOfa atu, Toni

3. Fineʻeiki, ʻoku ou loto ke u tokoni ki he niʻihi kehé koeʻuhí ke u ngāue fakafaifekau ʻo hangē ko Toní. Ko e hā ha meʻa te u lava ʻo fai?

4. ʻOku ou ʻilo ʻe lava ke fakaʻaongaʻi ʻe Sisitā Hamitoni hoʻo tokoní ʻo ka ke tafi ʻene lauʻiʻakaú ʻi he ʻaho Tokonakí. Ko ha founga lelei nai ia ke fakahoko ai ʻa e ngāue fakafaifekaú?

   ʻIo! Pea te u lava ʻo tohi kia Toni ʻo fakamatala ki ai e meʻa ko iá.

5. ʻI he ʻaho Tokonaki hono hokó, ne tangutu hifo ʻa Peleto ke fai ʻene tohi kia Toni.

   Siʻi Toni, ʻoku ou ʻamanaki pē ʻokú ke fiefia ʻi he ngāue fakafaifekaú ʻo hangē pē ko aú ʻi heʻeku ngāue fakafaifekaú. Naʻa mau tokoni kia Sisitā Hemitoni he ʻahó ni ʻi heʻene ngoué. Naʻá ne ʻomi ʻemau peleti pisikete. Naʻe fakaafeʻi ia ʻe he tangataʻeikí ke mau ʻalu ki he lotú, peá ne tali ʻio. ʻOfa atu, Peleto.

6. Naʻe peluki ʻe Peleto ʻa e pepá ʻo faʻo e tohí ki he loto silá mo ha lauʻi ʻakau ʻe taha mei he ʻapi ʻo Sisitā Hamitoní.

7. ʻE Lava Ke u Hoko mo Au ko ha Faifekau!

Ngaahi Tokoni Maʻá e Mātuʻá

• Fakaʻaliʻali ki hoʻo fānaú ha fakatātā ʻo ʻĀmoni ʻokú ne maluʻi e fanga sipi ʻa e Tuʻi ko Lamōnaí pea fai e talanoá (vakai, ʻAlamā 17–18). Fakamatalaʻi naʻe fakaava ʻe heʻene tokoní ʻa e faingamālie ke vahevahe ai ʻene fakamoʻoní ʻo hangē pē ko e tokoni ʻa e ngāue tokoni ʻa Peletó ke ne vahevahe atu e ongoongoleleí. Fai e ʻekitivitī ʻi he peesi 72 “Ko e Kumi ʻa e Fanga Sipi ʻa e Tuʻi ko Lamōnaí.

• Hiki mo hoʻomou fānaú e ngaahi meʻa ʻe lava ke nau hoko ai ko ha kau faifekaú. Tokoni ange ke nau fokotuʻu ha ngaahi taumuʻa ke fakakakato ʻaki ha niʻihi ʻo e ngaahi meʻa he lisí.

Ngaahi tā fakatātā ʻa Scott Peck