Hisitōlia ʻo e Siasí he funga Māmaní
Palāsila
ʻI he hikifonua mai ʻa Mākisi Lisiate Sepifa mei Siamane ki Palāsila ʻi he 1913, ko e taʻu nima ia ʻene kau ki he ongoongoleleí pea hoko ko e fuofua tokotaha Siasi ne ʻiloʻi ʻi Palāsilá. Hili ha kole ʻe he fāmili Palāsilá ni ha nāunau ki he ʻuluʻi ʻōfisi ʻo e Siasí, ne ʻaʻahi ʻa e palesiteni fakamisiona ʻo e Misiona Saute ʻAmeliká ki Palāsila ʻi he 1927 pea vahe ha kau faifekau ki ai ʻi he 1928. Naʻe fokotuʻu e fuofua misiona ʻi Sā Paulo ʻi he 1935, pea ʻi heʻene aʻu ki he 1939 ne ʻosi pulusi ʻa e Tohi ʻa Molomoná ʻi he lea faka-Potukalí.
Naʻe fakatapui ʻa e ʻuluaki temipale ʻi Saute ʻAmeliká ʻi Sā Paulo ʻi he 1978, taimi nounou mei hono fanongonongo ʻa e maʻu fakahā ke maʻu ʻe he tangata moʻui taau kotoa pē ʻa e lakanga fakataulaʻeikí. Naʻe fakatapui ʻa e senitā akoʻanga fakafaifekau lahi taha fika ua ʻa e Siasí ʻi Sā Paulo ʻi he 1997.
Ko Palāsila ʻa e fonua hono tolu (hoko hake ki he ʻIunaiteti Siteití mo Mekisikou) ke aʻu ʻo toko taha miliona honau kaingālotú.
Ko e Siasí ʻi Palāsila | |
---|---|
Tokolahi ʻo e Kāingalotú |
1,102,428 |
Ngaahi Misioná |
27 |
Ngaahi Siteikí |
230 |
Ngaahi Uōtí mo e Koló |
1,884 |
Ngaahi Temipalé |
ʻe 7, kau ai e ongo Temipale Manaú mo Foutalesa Palāsilá ʻa ia kuo fanongonongo pe lolotonga langa |