Ho an’ny Ankizy Madinika

Zanak’Andriamanitra Isika Rehetra

Na aiza na aiza toerana onenantsika na manao ahoana na manao ahoana ny endrintsika dia zanak’Andriamanitra daholo isika rehetra. Jereo ireo ankizy ao amin’ny faribolana etsy ambony ary jereo raha afaka mahita azy ireo ao anatin’ny sarintany ianao. Ataovy anaty faribolana ny zaza tsirairay hitanao.

Fanampiana ho an’ny Ray aman-dreny

Miresaha mikasika ny sasantsasany amin’ireo toe-tenan’ny zanakao na ny toetrany manokana. Inona no mahatonga azy hiavaka? Hazavao fa noharian’ny Ray any an-danitra isika rehetra mba ho samy hafa, nefa zanak’Andriamanitra daholo isika rehetra. Ampio ny zanakao hamantatra toetra miavaka ananan’ny zaza tsirairay hita eo amin’ny sarintany.