Ang Panimalay ni Leute
Matag gabii ang pamilya ni Leute magpundok sa ilang tradisyonal nga Samoan fale, usa ka porma og oval nga payag nga tag-as og haligi. May gitas-on kini nga mga 15 ka pye (4.6 ka metros) ug 10 ka pye (3 ka metros) ang gilapdon, walay bongbong, bisan usahay mobutang sila og tabil aron mapribado.
Si Leute, edad 10, ug ang sakop sa iyang pamilya nagliyok nga nanglingkod sa salog ug nagtuon sa kasulatan. Nanganta sila og mga himno ug naghisgot og mga butang kabahin sa pamilya sa dili pa matulog.
Kining higayun nga magpundok silang tanan matag gabii gitawag og sā, buot pasabut “sagrado.” Panahon kini nga ang kadaghanan sa pamilya sa Samoa managpundok.
Ang mga propeta nagtudlo nga ang atong mga panimalay kinahanglan nga sagrado sama sa templo. Bisan unsa ang atong panimalay, dunay mga butang nga atong mahimo aron madapit ang Espiritu Santo sa atong panimalay ug himoon kining matahum, makalipay nga dapit sa kalinaw ug pagkat-on.
Paghulagway pinaagi ni Steven Keele; gilitratohan ni Adam C. Olson
Human mabukhad ang iyang higdaanan ug mataod ang moskitero, gihimo ni Leute ang personal niyang pag-ampo.
Ang pamilya nagpundok sa ilang fale [hawanan] alang sa pag-ampo sa pamilya, pagtuon sa kasulatan, ug panaghisgot sa pamilya hapit kada gabii.
Kon gusto ni Leute nga magtuon sa mga kasulatan nga siya ra, kasagaran siyang molingkod sa gawas ilawom sa usa ka kahoy.
Sa kasagaran ang pamilya magpundok ngadto sa fale sa mga apohan ni Leute alang sa family home evening.
Ang pamilya nag-display og litrato sa Manluluwas apil ang ubang art gikan sa Liahona aron sila mahinumdom Kaniya.
Ang pagpangaon maoy importante nga mga panahon sa pamilya. Ang pamilya magluto sa gawas o mogamit og giinit nga mga bato ilawom sa yuta nga gitawag og umu kuka.
Ang pamilya mohipos sa ilang mga kasulatan, mga manwal, ug mga isyu sa Liahona diha sa lamesa.