Atong Pahina
Lucas L., edad 9, Argentina
Pagpalambo sa Pagtuo ngadto sa Dios
Ang booklet nga Hugot nga Pagtuo sa Dios nakatabang kanako nga molambo sa pagsunod sa mga sugo sa Langitnong Amahan. Akong giawhag ang tanang bata sa pagkompleto sa booklet ug pagpalambo sa ilang mga talento pinaagi sa pagserbisyo sa Simbahan. Naghimo ko og tumong ug mipatukar og violin nga nag-duet didto sa simbahan uban sa akong igsoong lalaki. Duna koy igsoong lalaki nga naa sa misyon—talagsaon siya nga ehemplo kanako, ingon man ang tanang sakop sa akong pamilya!
Charlotte de B., edad 10, France
Rebeca B., edad 4, taga-Brazil, ganahan kaayong moadto sa simbahan. Ganahan siya kanunay nga mokanta og “Ako Anak sa Dios” ug sa “Ang Pamilya Magkauban sa Hangtud” atol sa family home evening matag semana, ug nakahibalo siya sa tanan nga pulong niini. Sa edad pa lamang nga tulo ka tuig ug pipila ka bulan, kahibalo na siya sa unang tulo ka mga Artikulo sa Hugot nga Pagtuo. Gibalaan niya ang Dominggo isip Adlaw sa Ginoo ug siya usa ka panalangin sa iyang pamilya.
Si Jay R., edad 5, taga-Indonesia, nahigugma kaayo sa iyang pamilya. Mitudlo kaniya ang iyang mga ginikanan sa paghigugma sa uban. Daghan siya og higala, ug gusto siya nga mopakigbahin kanila. Gimahal niya ang mga nilalang sa Dios, sama sa mga tanom ug mga hayop. Ganahan gayud siya og mga insekto ug mga kaka, tungod kay maghimo kini og kaugalingon nilang balay. Mapasalamaton siya sa tanang butang nga gilalang sa Ginoo alang kaniya.
Timothy K., edad 3, Ukraine