Anaa sa mga Balita

Liahona Karon Gihubad sa Yanong Ininsek

Ang mga nagsulti og Ininsek makadawat na karon sa Liahona sa yanong Ininsek.

Unom ka Liahona nga mga isyu—ang duha ka isyu sa komperensya (Mayo ug Nobyembre) ug upat ka regular nga mga isyu (Enero, Abril, Hulyo, ug Oktubre)—pagahimoon sa yanong Ininsek kada tuig. Ang mga isyu sa Enero ug Abril 2012 gimantala sa internet lamang; ang isyu sa Mayo mao ang una nga naimprinta.

Alang sa impormasyon mahitungod sa pagkuha og indibidwal nga mga isyu sa magasin o sa pag-subscribe, palihug kontaka ang Distribution Services o tan-awa ang store.lds.org.

Ang mga Magasin sa Simbahan Mihatag og Gibug-aton sa mga Sumbanan sa Alang sa Kalig-on sa mga Kabatan-onan

Sugod niini nga bulan, ang magasin sa Simbahan magpakita og serye nga mga artikulo nga naghatag og gibug-aton sa mga sumbanan nga naglatid sa bag-ong gi-update nga Alang sa Kalig-on sa mga Kabatan-onan nga booklet. Ang serye makita diha sa New Era ug sa mga pahina sa kabatan-onan diha sa Liahona sulod sa daghang mga bulan (gawas sa mga isyu sa komperensya); ang kada artikulo mopunting sa nagkalainlaing sumbanan ug ipasulat sa usa sa mga sakop sa kinatibuk-ang kapangulohan sa Young Men o Young Women o sa usa ka sakop sa Seventy.

Usa ka pahina nga artikulo alang sa mga hamtong mahitungod kon unsaon sa mga ginikanan pagtudlo ang sumbanan niana nga bulan ngadto sa ilang mga anak ilakip diha sa Liahona ug sa Ensign, ug, sa mga higayon nga ang mga hilisgutan sa Alang sa Kalig-on sa mga Kabatan-onan nagtukma sa mga hilisgutan sa Akong mga Sumbanan sa Ebanghelyo alang sa mga bata sa Primary, adunay artikulo usab alang sa mga bata diha sa Liahona ug Friend.

Karon Aduna nay FamilySearch Indexing App

Ang FamilySearch Indexing app alang sa tiggamit og iPhone ug iPad karon makatabang sa mga indibidwal sa pagpatunhay ug sa pagpakigbahin sa bililhong mga rekord sa genealogy gikan sa tibuok kalibutan pinaagi sa mobile nga mga kagamitan.

Ang app, nga gipagula sa susamang panahon nga ang 1940 United States Census nahimong magamit alang sa pag-index, mahimong i-download gikan sa Apple App Store (iOS nga mga kagamitan) o Google Play (Android nga bersyon).

Anaa sa Iningles ug sa Kinatsila, ang app nagtugot sa mga tiggamit sa pagtan-aw sa image snippets [gagmay nga impormasyon]—og ngalan, lugar, o ubang magamit nga pirasong impormasyon—gikan sa sinulat sa kamot nga makasaysayanong mga dokumento sama sa mga sertipiko sa pagkatawo, mga sertipiko sa kaminyoon, o mga rekord sa census. Ang mga indibidwal mo-transcribe [index] lamang unsay ilang nakita, ug ang FamilySearch indexing system modugang sa data ngadto sa koleksyon sa walay bayad nga mga rekord sa genealogy nga anaa sa familysearch.org.

Ang mga tigsulti og Ininsek sa lainlaing dapit sa kalibutan makabasa na karon sa Liahona sa yanong Ininsek.

Ang bag-ong FamilySearch Indexing app makapahimo na karon sa mas daghang mga indibidwal sa paghatag ngadto sa family history research sa ginagmay o dinaghan nga kontribusyon.