Mga Pahina sa Social Media Gihimo alang sa mga Lider sa Simbahan
Ang Simbahan mihimo og opisyal nga mga pahina sa social media alang sa mga sakop sa Unang Kapangulohan ug sa Korum sa Napulog Duha ka mga Apostoles diha sa Facebook ug Google Plus. Kini nga mga pahina mao ang opisyal nga social media alang sa kada Brethren, kinsa ang modirekta sa mga pahina nga imentinar kini alang nila pinaagi sa Simbahan.
Ang opisyal nga Facebook ug Google Plus accounts makita pinaagi sa pagpangita sa facebook.com/lds ug plus.google.com. Aron makahibalo kon opisyal ba o dili ang social media site, pangitaa ang logo sa Simbahan.
Kadtong magsunod niini nga pahina makadawat og mga update sa pangalagad sa kada Brethren. “Ang Simbahan mo-post og mga link sa mga pakigpulong, mga artikulo, mga video, ug ubang importante nga sulod gikan nila,” miingon si Dale Jones, usa ka mamumulong alang sa Simbahan.
Kini nga mga pahina makapasayon sa mga tawo sa pagpangita sa mga pulong sa buhing mga propeta, ug “ang pag-like” sa mga pahina makapakita sa sulod niini diha sa Facebook feed sa nag-like, diin makita ug mapaambit kini sa uban.
Ang paghimo sa opisyal nga mga pahina makatabang sa mga miyembro nga makahibalo unsa nga mga pahina ang gimentinar sa Simbahan ug makapanalipod sa mga indibidwal gikan sa pike nga mga pahina.