Te mau manaʻo no te pureraa pô utuafare

I roto i teie veʻa te vai nei te mau parau papaʻi e te mau ohiparaa o te nehenehe e faaohipahia no te pureraa pô utuafare. Teie e piti hi‘oraa.

« Hitu mahana na mua i te Pasa », api 10, e « Te faa’ite papû nei te mau ite taa ê no ni‘a i te Mesia Ora », api 16 : Peneiaʻe e hinaaro atoa outou e faaʻohipa i teie mau parau no te faatupu i te hoê pureraa e to outou utuafare i te mau mahana atoa i te hepetoma na mua aʻe i te Pasa. Haamata i te sabati na mua aʻe i te Pasa, e tai‘o i te iteraa papû o te Peresideniraa Matamua i te api 17 ei reira, a pee i te mau arata‘iraa i roto i te parau papa‘i « Hitu mahana na mua i te Pasa ». Ia oti, i te mau mahana atoa i muri iho, a tai‘o i te iteraa papû o e piti aposetolo ma te faa‘ohipa i te mau papa‘iraa mo‘a, te mau himene e te mau ohiparaa tei vauvauhia i roto i te parau papa‘i « Hitu mahana na mua i te Pasa » no te horo‘a i te tahi haapiiraa i to outou utuafare. I te sabati no te Pasa, e hi‘o i te hoho‘a « He is Risen » e itehia i ni‘a i te lds.org/bible-videos (e roaa na roto e rave rahi reo).

« E mea ohie roa ïa, papa’u ! » api 67 : I muri iho i te tai‘oraa i teie parau papa‘i, e hinaaro atoa paha outou e faatere i ta outou faito tetoni ! A opua ia tai‘o i te hoê api i roto i te Buka a Moromona e te utufare ma te faito i te maoro no ta outou tai‘oraa. Ma te faa‘ohipa i te reira uati ei hi‘oraa, a tai‘o eaha te maoro e roaa ai i to outou utuafare ia faaoti i te tai‘oraa i te Buka a Moromona. E ti‘a atoa ia tuu outou i te tahi fa no te tai‘o-amui-raa i te Buka a Moromona. Mai te mea e, e hamani outou i te tahi tarena, mai te huru i te tai‘oraa i te mau mahana atoa i te hoê hora faataahia, e tauturu te reira ia outou ia faaoti i ta outou fa.

Hoho‘a faahoho‘araa na David Stoker

Na roto i to outou reo

Te vai nei te Liahona e te tahi atu mau materia a te Ekalesia na roto i te mau reo e rave rahi i ni‘a i te languages.lds.org.