Te mana no te haamaitai i te mau taata atoa
Ua haapii mai te feia faatere o te Ekalesia ia tatou e, e mea matara noa te mau oro‘a e te mau fafauraa o te autahu‘araa i te mau tamarii atoa a te Atua—te tane e te vahine.
Faahoho‘araa na Gail Armstrong
« Te autahu‘araa, o te mana ïa e te haamanaraa ta te Atua i horo‘a mai no te faaora e no te haamaitai i te taatoaraa—te mau tane, te mau vahine e te mau tamarii…
« Te vai nei te mau haamaitairaa taa ê no ô mai i te Atua ra no te feia ti‘amâ atoa o te bapetizohia, o te farii i te Varua Maitai e o te rave tamau nei i te oro‘a. E hopoi mai te hiero i te maramarama e te puai, apitihia i te parau fafau no te ora mure [hi‘o PH&PF 138:37, 51].
Elder Neil L. Andersen no te Pŭpŭ no te Tino Ahuru Ma Piti Aposetolo, « Te mana i roto i te autahu‘araa », Ensign e aore râ Liahona, Novema 2013, 92.
« E horo‘a mai te mau oro‘a e te mau fafauraa no te autahu‘araa i te îraa o te mau haamaitairaa tei fafauhia ia tatou e te Atua, o te matara atoa na roto i te Taraehara a te Faaora. Te faaahu nei te reira i te mau tamaiti e te mau tamahine a te Atua i te mana, te mana o te Atua, no te horo‘a mai ia tatou i te rave‘a no te farii i te ora mure ore—no te hoʻi i mua i te aro o te Atua e no te ora i piha‘i iho Ia’na i roto i To’na utuafare mure ore ».
Carole M. Stephens, tauturu matamua i roto i te peresideniraa rahi no te Sotaiete Tauturu, « Ua ite anei tatou eaha ta tatou e mau nei ? » Ensign e aore râ Liahona, Novema 2013, 12.
« E mea faufaa roa ino ia maramarama tatou e, ua horo‘a mai te Metua i te Ao ra i te hoê rave‘a no Ta’na mau tamaroa atoa e Ta’na mau tamahine ia farii i te mau haamaitairaa e ia haapuaihia na roto i te mana o te autahu‘araa. Teie te tumu rahi i roto i te faanahoraa a te Atua no Ta’na mau tamarii varua, mai Ta’na iho i parau : ‘Inaha, o teie ho‘i ta’u ohipa e to’u hanahana ho‘i ia faatupu i te tahuti ore e te ora mure ore o te taata nei’ (Mose 1:39) ».
Elder M. Russell Ballard no te Pŭpŭ no te Tino Ahuru Ma Piti Aposetolo, « ’This Is My Work and Glory’ », Ensign e aore râ Liahona, Me 2013, 19.
