2014
Hitu mahana na mua i te Pasa
Eperera 2014

To tatou nohoraa, to tatou utuafare

Hitu mahana na mua i te Pasa

E nehenehe ta oe e to oe utuafare ia haapii i te mea ta Iesu i rave a ora ai Oia i ni‘a i te fenua nei. Haamata i te sabati na mua a‘e i te Pasa. I te mahana tata‘itahi, a tai‘o i te papa‘iraa mo‘a, a rave i te ohiparaa e aore râ a himene i te himene (e aore ra, te tahi himene no ni‘a i teie tumu parau). I muri iho, a paotioti e a tapiri i roto i te hoê afata te hoho‘a o Iesu e tano ra i te aamu o te irava papa‘iraa mo‘a. Ia oti ana‘e te mau afata atoa i te faaîhia, ua tae atoa ïa te Pasa !

Mahana 1

Ua tono mai te Metua i te Ao ra i Ta’na Tamaiti, o Iesu Mesia, ia fanauhia i ni‘a i te fenua nei.

  • Luka 2:4–7

  • « Il envoya son Fils aimé » (Chants pour les enfants, 20).

Mahana 2

Ua riro Iesu ei Tamarii na mua a‘e. Ua ti‘a ia tatou ia riro mai Ia’na ra te huru, ia vai maitai tatou e te hamani maitai atoa hoʻi.

  • Luka 2:40, 52

  • « Jésus enfant » (Chants pour les enfants, 34).

Mahana 3

Ua haapa‘o Iesu i te mau faaueraa atoa a te Metua i te Ao ra, mai te faaueraa ia bapetizohia Oia.

  • Mataio 3:13–17

  • « When Jesus Christ Was Baptized » (Children’s Songbook, 102).

Mahana 4

Ua rave Iesu e rave rahi semeio, mai te faaoraraa i te taata maʻi, te tautururaa i te matapo ia ite faahou e te tape‘araa i te vero.

  • Mareko 4:36–39

  • « Raconte-moi les histoires de Jésus » (Chants pour les enfants, 36).

Mahana 5

I te Tamaaraa Hopea, ua ani Iesu i Ta’na mau pĭpĭ ia rave i te oro‘a ei rave‘a no te haamana‘o Ia’na. Ia rave ana‘e tatou i te oro‘a i te mau hepetoma atoa, e nehenehe atoa ta tatou e haamana‘o i te Faaora.

  • Luka 22:19–20

  • A paraparau i to oe na metua no te hoê ohipa ta oe e nehenehe e rave no te tauturu ia oe ia haamana‘o ia Iesu i te taime no te oro‘a mo‘a i te sabati i muri nei.

Mahana 6

No te mea ua here te Metua i te Ao ra e o Iesu ia tatou, ua haere mai Iesu i ni‘a i te fenua nei no te mamae no ta tatou mau hara, ia ti`a ho`i ia faaorehia ta tatou hara e ia ho`i faahou tatou i te Metua i te Ao ra ra.

  • Luka 22:41–44

  • Eaha te ohipa ta oe e nehenehe e rave i teie mahana no te faa’ite ia Iesu e, ua mauruuru oe no Ta’na tusia ?

Mahana 7

I muri e toru mahana i roto i te menema, ua ti‘a faahou mai Iesu. No te mea ho‘i ua ti‘a faahou Oia, e ti‘a faahou atoa mai tatou.