Notebook sa Abril 2014 nga Komperensya

“Unsa nga Ako ang Ginoo namulong, Ako namulong; … bisan pinaagi sa akong kaugalingon nga tingog o pinaagi sa tingog sa akong mga sulugoon, kini managsama ra” (D&P 1:38).

Samtang kamo magribyu sa kinatibuk-ang komperensya sa Abril 2014, inyong magamit kining mga pahina (ug mga Notebook sa Komperensya sa umaabut nga mga isyu) aron sa pagtabang kaninyo sa pagtuon ug paggamit sa bag-o nga mga pagtulun-an sa buhi nga mga propeta ug mga apostoles ug ubang mga lider sa Simbahan.

Mga Tubag alang Kaninyo

Matag komperensya, ang mga propeta ug mga apostoles maghatag og dinasig nga mga tubag sa posible nga mga pangutana sa mga miyembro sa Simbahan. Gamita ang inyong isyu sa Mayo 2014 o bisitaha ang conference.lds.org sa pagpangita og mga tubag niini nga mga pangutana:

• Sa unsang paagi nga ang Pagkabanhaw makaresolba sa mga pangutana mahitungod sa tinuod nga pagkatawo ni Jesukristo nga Nazaretnon? Pangitaa sa lds.org/go/dtc814 o tan-awa sa D. Todd Christofferson, “Ang Pagkabanhaw ni Jesukristo,” 111.

• Unsa man ang relasyon tali sa pagkamasulundon ug kabubut-on? Pangitaa sa lds.org/go/hales814 o tan-awa sa Robert D. Hales, “Kon Nahigugma Kamo Kanako, Inyong Pagatumanon ang Akong mga Sugo,” 35.

• Unsa nga mga panalangin ang atong madawat samtang kita mohimo ug motuman sa sagradong mga pakigsaad? Pangitaa sa lds.org/go/wixom814 o tan-awa sa Rosemary M. Wixom, “Ang Pagtuman sa mga Pakigsaad Moprotekta, Moandam, ug Mohatag og Gahum Kanato,” 116.

Sulati ang Blangko

1. “Inubanan sa pag-ampo, ________ adunay gahum sa pagpanalipod sa mga pamilya.” Tan-awa sa lds.org/go/reeves814 o Linda S. Reeves, “Panalipod gikan sa Pornograpiya—usa ka Panimalay nga Nag-focus kang Kristo,” 17.

2. “Ang kahibalo … moabut lamang pinaagi sa personal nga ________ ug ________.” Tan-awa sa lds.org/go/packer814 o Presidente Boyd K. Packer, “Ang Pagsaksi,” 94.

3. “Ang ebanghelyo ‘dili palas-anon; kini ________.’ Nagtabang kini kanato.” Tan-awa sa lds.org/go/stevens814 o Jean A. Stevens, “Ayaw Kahadlok, Kay Ania Ako Uban Kanimo, 83.

4. “Ang pagkamasulundon … usa ka pagpili tali sa _________ ug sa walay kinutuban nga kaalam ug gahum sa Dios.” Tan-awa sa lds.org/go/perry814 o tan-awa sa Elder L. Tom Perry, “Pagkamasulundon pinaagi sa Atong Pagkamatinud-anon,” 103.

Mga tubag: 1. ang Basahon ni Mormon; 2. pag-ampo, pagpamalandong; 3. mga pako; 4. atong limitado nga kahibalo ug gahum

Lakaw ug Buhata

Si Presidente Thomas S. Monson mihangyo kanato nga “gahinan og panahon ang pagbasa sa mga mensahe sa komperensya kon … maprinta na kini sa mosunod nga mga isyu sa magasin nga Ensign ug Liahona, kay takus man kini alang sa mabinantayon natong pagribyu ug pagtuon.”

Gikan sa “Hangtud sa Sunod Natong Panagkita,” Liahona, Mayo 2014, 115.

• Paglaum

• Unahon ang mga Balaod sa Dios

• Gugma

• Ang Priesthood