O Le Perisitua

“E faamanuiaina e le mana o le Perisitua i tatou uma,” na saunoa ai Elder Dallin H. Oaks o le Korama a Aposetolo e Toasefululua i lana saunoaga, “O Ki ma le Pule o le Perisitua.” “E taitaia e ki o le perisitua tamaitai faapea foi ma alii, ma o sauniga o le perisitua ma le pule o le perisitua e faatatau foi i tamaitai e pei foi o alii.” Talu ai e manaomia ona tatou malamalama atili i le perisitua, na faamanino mai e Elder Oaks ia mataupu faavae autu i lana saunoaga i le konafesi e faatatau i le mana, ki, ma le pule o le perisitua. E mafai ona fesoasoani fesili nei e suesue ai i lana savali.

Fesili e manatunatu ai:

O a ki o le perisitua, ma aisea e manaomia ai?
O le a le sootaga o ki o le perisitua ma le pule o le perisitua?
Pe o faatapulaa ia faamanuiaga o le perisitua e ala i itupa?

O le uiga ia te au o lenei mea:

O le a le pule e faamatuu mai ia te au pe a ou mauaina tofiga po o ni valaauga mai se tasi o loo umia ki o le perisitua?
O a tiutetauave ua ou mauaina i lo’u tofiga i le taimi nei po o se valaauga e tatau ona ou faataunuuina?
O le a se mea e mafai ona ou aoao e uiga i le alofa o le Atua mo a’u mai lenei lauga, ma pe faapefea ona ou faasoa atu i se tasi o loo i ai ni fesili?