Iopu

“Ou te le iloa se isi mea e sili atu ona manaomia e tagata o le Ekalesia nai lo le manaomia o le talitonuga ma le finafinau sa ia Iopu.”¹ —Elder Joseph B. Wirthlin (1917–2008) o le Korama a Aposetolo e Toasefululua

Job and his family depicted sitting and eating. A woman is standing beside Job and is handing Job bread from a basket.

Sa lauiloa au o se tagata e matau i le Atua ma aloese mai mea leaga.² Sa faamanuiaina au e le Alii i atalii e toafitu ma afafine e toatolu, ma na Ia toina mai ia te au le tele o oa faalelalolagi, e aofia ai o “mamoe e fitu afe, ma kamela e tolu afe, ma povi e tasi le afe, ma [asini] fafine e lima selau, atoa ma auauna e toatele lava.”³

Sa talitonu Satani o le a ou le toe amiotonu ma o le a ou fetuuina le Alii pe afai ou te le toe manuia faaletino. Na faatagaina e le Alii Satani e tofotofoina au ae o le a le faatagaina o ia e faaleagaina au faaletino. Na faia e Satani la’u lafumanu ina ia gaoia po o le faatamaiaina ma auina mai se matagi malosi e faapau ai i lalo loʼu fale, ma fasiotia ai la’u fanau e toasefulu i totonu. Nai lo le fetuuina o le Alii, na ou “saei [lo’u] ofu, ma tafi [lo’u] ulu, ma faapau foi i le eleele, ma ifo” i le Alii.⁴

Ina ua vaai mai Satani o le a ou le fetuuina le Atua, sa ia manao ina ia suesueina au i tofotofoga faaletino. Sa faatagaina e le Alii Satani e faia o lea ae o le a le faatagaina o ia e aveese lo’u ola. Sa faapuapuagatia au e Satani i “mai papala leaga e gata ae i [o’u alofivae] e gata ifo i [lo’u] tumuai.”⁵ Peitai sa faatumauina pea la’u amio sa’o, i le musu e fetuuina le Alii. Sa matou faanoanoa faatasi ma au uo.

Sa fai mai a’u uo ia te au o o’u puapuaga na mafua mai lo’u lava amioleaga ma e tatau ona ou salamo, ae na ou iloaina o a’u o se tagata amiotonu.⁶ Na poloaiina mulimuli ane e le Alii au uo ina ia salamo. Sa faatonuina i latou e faia se taulaga mu ma tuu mai ia te au ou te tatalo mo i latou.⁷

Ina ua vaaia lo’u faamaoni, na faaumaina e le Alii loʼu puapuaga tele, ma sa Ia faamanuia mai ia te au i le “lua mea i mea uma na muai ia te [au].”⁸ Ua i ai nei ia te au “o mamoe e sefulu afe ma afe e fa, ma kamela e ono afe, ma povi e lua afe, ma [asini] fafine e tasi le afe,” e faapea foi ma isi atalii e toafitu ma isi afafine e toatolu.⁹ Na tauia moni lava au e le Alii mo lo’u faatuatua ma le onosai.

Ua ou vaaia le aao o le Alii i lo’u olaga, i o’u puapuaga faapea foi i lo’u manuia. Ou te molimau atu ma le lototoa: “Ua ou iloa o loo soifua le na te togiolaina au, o aso amuli foi e tulai mai ai o ia i luga o le eleele: e ui foi ina faaumatia lenei tino pe a mavae atu lo’u pau, ae ou te iloa atu le Atua i lou tino.”¹⁰