Veisau Tekivu ena Janueri me Baleta Nodra Lotu na iTabagone Qase Cake

Eratou sa kacivaka na Mataveiliutaki Taumada kei na Matabose ni Vuli ena Lotu na veisau ni kena levu, vanua, kei na tabaki ni nodra lotu na itabagone qase cake, me tekivu ena Janueri 2015. Na veisau e okati kina na:

Yacana: Lotu ni Vuravura Raraba me baleti ira na iTabagone Qase Cake: Dua na Yakavi kei (yacana o koya e vosa).

Kena levu: Vakatolu ena dua na yabaki, ikarua ni Sigatabu ena Janueri, imatai ni Sigatabu ni Me, kei na ikarua ni Sigatabu ena Sepiteba.

iVakavakoso: Ira kece na itabagone qase cake, vakawati kei na sega ni vakawati, era sureti me ra tiko kina. Gonevuli era sa biuvuli mai na vuli torocake se o ira era tautauvata era sureti talega me ra tiko kina.

Kena vanua: Na lotu ena Janueri ena vakayacori e Brigham Young University mai Provo, Utah; BYU–Idaho; se e BYU–Hawaii. Na lotu ni vula o Me ena vakayacori ena Vale ni Koniferedi e Salt Lake City se ena veivanua tale eso mai na itikotiko liu ni Lotu. Na lotu ni Sepiteba ena vakayacori ena veivanua tale eso mai Amerika.

Kena Tabaki: Ni oti ga e vica na siga mai na lotu, sa na vakarautaki tu na vosa vakaitukutuku, rogoci walega, kei na vidio ena vosa Vakavalagi ena LDS.org kei na Gospel Library app, ena dua na isokumuni vou ni iTabagone Qase Cake. Ena qai tarava mai na veivosa tale eso. Na ivakaleka ni vosa ena okati ena Liahona, ka na tabaki bula vakakina ni oti na lotu na veivosa cavuti, iyaloyalo (memes), kei na vidio mai na veisala ni kakaburaki ena tabana vakaitukutuku raraba ni Lotu, vakakina ena nona tabana raraba o koya e vosa.

Era na dau digitaki tikoga o ira era vosa mai vei iratou na Mataveiliutaki Taumada o ira na Vakaitutu Raraba kei na vakailesilesi raraba ni Lotu.

Sa kacivaki oti na veisau vei ira na itabagone qase cake ena lotu a vakayacori ena 2 ni Noveba, 2014, kei ira na veiliutaki ni matabete ena dua na nodratou ivola na Mataveiliutaki Taumada ena 28 ni Okosita, 2014, ka okati kina na ituvatuva ni Kakaburaki ni 2015.

Era vakarorogo na itabagone qase cake ki na dua na vosa ena nodra lotu ena Marriott Center e Brigham Young University mai Provo, Utah, Amerika.

iTaba mai vei Scott G Winterton, Deseret News