Te mau tumu rahi no roto mai i te 185raa o te amuiraa rahi matahiti a Te Ekalesia a Iesu Mesia i te Feia Mo‘a i te Mau Mahana Hopea Nei
« Te horo‘ahia nei te mau tumu parau no te amuiraa rahi—e ere na te mana tahuti, na te mau faaûruraa râ a te Varua », ua faataa mai o Elder Dallin H. Oaks no te Pǔpǔ no te Tino Ahuru ma Piti Aposetolo (api 32). I roto i te hoê amuiraa rahi faaûruhia tei omuahia mai e te tuhaa pureraa rahi a te mau vahine e tei opanihia i te sabati no pasa, ua haapii mai te mau taata a‘o no ni‘a i te utuafare, te haapaeraa maa, te ohipa hiero, te aupĭpĭraa, te mahana sabati, e te Taraehara a te Faaora, i rotopu e rave rahi atu mau tumu parau o te evanelia (hi‘o api 3)
Teie te tahi mau tumu rahi i muri nei :
-
Ua faaara mai te peresideni Thomas S. Monson te mau hiero apî o te patuhia i Abidjan, fenua Ivori, i Port-au-Prince, Haiti; e i Bangkok, Tairane. No te reira, ua parau oia e, « auê ïa haamaitairaa faahiahia e faahereherehia ra no teie mau melo haapaʻo maitai i teie nau vahi, e oia atoa, i te mau vahi atoa na te ao e hiero i reira » (api 91)
-
Ua paturu te mau melo o te Ekalesia e pae melo apî no te pǔpǔ matamua o te Hitu Ahuru, hoê peresideniraa rahi apî no te Feia Apî Tamaroa e hoê tauturu apî i roto i te peresideniraa rahi o te Paraimere.
-
Ua tapa‘ohia i roto i te parau faaite faataaraa numera matahiti e 15 3 mirioni melo o te Ekalesia i roto e 3 114 tĭtĭ e e 561 mataeinaa. E toru hiero apî tei haamo‘ahia i te matahiti i ma‘iri a‘e nei, ia amuihia e 144 hiero te tere nei.
-
Ua iritihia te amuiraa na roto e 95 reo I muri iho i te hoê ohipa apî tei ravehia i te ava‘e atopa i ma‘iri a‘e nei, e toru taata a‘o tei horo‘a mai ta ratou a‘oraa na roto i te tahi atu reo i te reo peretane.
No te hepetome pasa, e rave rahi mau taata a‘o tei faaite papû no te Ti‘a-faahou-raa o te Faaora « O Oia te Tamaiti a te Atua » ua faaite papû te peresideni Thomas S. Monson. « O oia tei haere mai i rapae i te menema i taua poipoi Pasa matamua ra, ma te hopoi mai na muri iho Ia’na i te horoʻa o te ora mure ore no te mau tamarii paatoa a te Atua » (api 93).