Elder Kim B. Clark

Pŭpŭ matamua no te Hitu Ahuru

Ua riro te pu‘e tau haapiiraa—ei piahi e ei orometua haapii—ei haamaitairaa no Elder Kim Bryce Clark i roto i to’na piiraa i roto i te Pŭpŭ matamua no te Hitu Ahuru. Paturuhia i te 4 no eperera 2015, e haamata o Elder Clarlk i ta’na taviniraa tau hepetoma noa i muri a‘e e hope ai to’na piiraa ei peresideni no Brigham Young University–Idaho.

« Ua vai au i roto i te haapiiraa mai te paeraa o to’u matahiti », te parau ïa a te Hitu Ahuru pii-apî-hia. « E mea au na’u te haapiiraa mai e te haapiiraa’tu ».

Ua fanauhia oia i Roto Miti, Utah, i te 20 no mati 1949, na Merlin raua o Helen Mar Clark, te matahiapo o na tamarii e toru. Ua ora oia i Roto Miti i to’na tamariiriiraa e tae roa’tu i te 11 matahiti, te taime a ma‘mi ai to’na metua tane i te ohipa i Spokane, Washington.

Noa’tu e ua opua oia e haere i te fare haapiiraa teitei no Brigham Young i Provo, Utah, ei taure‘are‘a i roto i te haapiiraa tuarua ua mana‘o oia e, e ti‘a ia’na ia ma‘imi i te tahi atu mau mea, e ua faaoti oia e haere i te fare haapiiraa tuatoru no Harvard i Massachusetts—te vahi tei riro mai i muri a‘e ei vahi nohoraa no’na hau atu i te toru ahuru matahiti.

Hoê matahiti to’na haereraa i Harvard, ua tavini atura o Elder Clark i roto i te Misioni no Helemani apatoa mai te matahiti 1968 e tae atu i te matahiti 1970. I to’na ho‘iraa mai ua haere oia i BYU, e aita i maoro, ua farerei oia ia Sue Lorraine Hunt i roto i ta’na paroisa. Ua faaipoipohia raua tau ava‘e i muri mai i te 14 no tiunu 1971. E hitu ta raua tamarii.

I muri noa a‘e i to raua faaipoipo-raa-hia, ua reva’tu raua i Boston, Massachusets, e ua tomo faahou o Elder Clark i te fare haapiiraa no Harvard. Ua roaa mai ia’na i reira te mau parau tu‘ite Licence, te Maîtrise e te Doctorat—no roto pauroa i te faarava‘iraa faufaa. Ua riro mai o Elder Clark ei melo no te fare haapiiraa teitei no te ohipa putu faufaa no Harvard i te matahiti 1978 e i muri a‘e ra ua nominohia ei metua paari no te fare haapiiraa i te matahiti 1995. I te mau matahiti i muri mai ua piihia o Robert ei Episekopo Faatere no te Ekalesia e ua tavini oia hau atu i te toru ahuru matahiti.

Ua tavini o Elder Clark ei peresideni no te pŭpŭ peresibutero, ei papa‘i parau faatere no te paroisa, ei tauturu no te episekopo, ei episekopo, ei melo apooraa teitei, ei tauturu no te peresideni misioni tĭtĭ, e ei Hitu Ahuru area.