Douglas D. Holmes

Tauturu matamua i roto i te peresideniraa rahi no te Feia Apî Tamaroa

« E aravihi rahi a‘e to teie u‘i feia apî ia haapa‘o i te tahi atu mau u‘i na mua a‘e nei. Te feruri nei au e, e tuhaa te reira no te faanahoraa e no te faaineineraa a te Fatu no te anotau ta tatou e ora nei », te na reira ra te taea‘e Douglas D. Holmes, tei paturuhia i te 4 no eperera 2015, ei tauturu matamua i roto i te peresideniraa rahi o te Feia Apî tamaroa.

Ua fanauhia te taea‘e Holmes i te 27 no fepuare 1961, i Roto Miti, Utah, na Dee W. raua o Melba Howell Holmes, e ua paari i Cottonwood Heights, Utah.

I muri a‘e i te taviniraa i roto i te misioni no Scotland Glasgow mai te matahiti 1980 e tae atu i te matahiti 1982, ua farii te taea‘e Holmes i te parau tu‘ite Licence no te ihi utuafare no roto mai i te fare haapiiraa tuatoru Brigham Young i te matahiti 1986 e ua tamau a i te haapii no te farii i te parau tu‘ite Maîtrise no te faatereraa puturaa faufaa no roto mai i te fare haapiiraa tuatoru no ‘Marriott School of Management’.

I muri a‘e i te haafeti‘araa, ua riro oia ei tauturu no te ohipa faatereraa e toru matahiti te maoro e ua rave i te ohipa ma te manuïa i roto i te ohipa paraparauraa na te reva, e ua riro mai ei mono peresideni no te rave‘a faahoturaa no te pŭpŭ ‘Media One’. Mai te matahiti 2000 e tae roa’tu i to’na piiraa ei peresideni misioni i te matahiti 2010 e ua pii-faahou-hia i te matahiti 2013, ua rave oia i te ohipa na’na iho i roto i te faaohiparaa i te moni e te faahoturaa i te ohipa hooraa fenua.

Ua horo‘a oia i to’na taime rahi e to’na mau tareni i roto i te mau taatiraa taamoni ore, ua tavini i roto i te mau tomite faatere no te United Way no te mataeinaa no Davis, Utah; na metua no te ma‘itiraa i roto i te Haapiiraa; te Fare no te mau Vahine i roto i te mataeinaa no Davis; e no te Academy no te faatupuraa Ohipa.

Ua tavini oia ei faatere misioni no te paroisa, ei peresideni feia apî tamaroa no te paroisa, ei episekopo, e aita i maoro a‘e nei, ei tauturu i roto i te hoê peresideniraa tĭtĭ. Ua peresideni oia i te misioni no Michigan, Detroit mai te matahiti 2010 e tae atu i te matahiti 2013.

Ua faaoipoipo oia ia Erin Sue Toone i te 22 no tiunu 1985, i roto i te hiero no Roto Miti. E ono tamarii ta raua.

« Ua ite maua i te mana o te parau i roto i to maua oraraa, te parau anei a te mau peropheta e aore ra, te parau anei o te mau papa‘iraa mo‘a e aore ra, te muhumuhu anei a te Varua Maitai », te na reira ra te taea‘e Homes.