Elder Allen D. Haynie

Pŭpŭ matamua no te Hitu Ahuru

Ua paturuhia o Elder Allen Decker Haynie ei melo no te Pŭpŭ matamua no te Hitu Ahuru i te 4 no eperera 2015.

Ua fanauhia Elder Haynie i te 29 no atete 1958, na Van Lloyd e o Sarah Lulu Lewis Haynie.

Ua fanauhia oia i Logan, Utah, tera râ, ua pau te pae rahi o to’na apîraa i roto i te tahi atu mau oire i te pae apatoerau no Utah e i roto i Silicon Valley no Kalifonia. Ua haere oia i roto e pae fare haapiiraa tuatahi; e piti fare haapiiraa tuarua, e i te pae hopea, ua haere i te fare haapiiraa tuarua no Bountiful, Utah.

Na roto i teie rauraa o te iteraa, « ua haapii mai au i te hoê haapiiraa rahi no ni‘a i te haapiiraa ia here i te mau taata atoa », te na reira ra oia, « no te mea mai te huru ra e, i te mau matahiti atoa, ua tauiui noa vau i te nohoraa, e ua haamata apî faahou i te faahoa. Hoê o te mau mea au roa na’u no ni‘a i te Ekalesia maori râ, te horo‘a mai nei oia ia tatou i te rave‘a ia amui atu i te taata e ia ite i te faufaa i roto i to ratou huru oraraa taa ê to te tahi e to te tahi, te iteraa, te mau tareni e te mau aravihi ».

Ua tavini oia i roto i te misioni no Cordoba i Ra-Parata, mai te matahiti 1977 e tae atu i te matahiti 1979.

I muri mai i te noaaraa te hoê parau tu‘ite Licence no te ohipa poritita no roto mai i te fare haapiiraa tuatoru no Brigham Young, ua tamau â o Elder Haynie i te haere i te haapiiraa no te haru mai i te parau tu‘ite Doctorat no te pae o te ture i te fare haapiiraa haapii ture no J. Reuben Clark i te matahiti 1985.

Ua faaoti oia hoê matahiti haapiipiiraa i te faanahoraa ture 9 a te mau HAM i San Diego, Kalifonia, hou a tomo atu ai i roto i te piha auvaha ture no Latham e o Watkins, i te piha toro‘a no San Diego. E pae matahiti i ma‘iri a‘e nei, ua haamau raua to’na taea‘e i te hoê piha auvaha ture na raua iho.

Ua tavini atoa Elder Haynie ei peresideni no te pŭpŭ peresibutero, ei peresideni Feia Apî Tamaroa no te paroisa, ei orometua haapii no te haapiiraa evanelia, ei melo apooraa teitei, ei episekopo, ei peresideni tĭtĭ, e ei Hitu Ahuru area.

Ua farerei oia ia Deborah Ruth Hall a haere ai oia i BYU, e ua faaipoipohia raua i te 19 no titema 1983, i roto i te hiero no Roto Miti. E metua raua no na tamarii e ono.

Ma te oto a paraparau ai oia no ni‘a i to’na iteraa papû, ua parau o Elder Haynie e, ua tai‘o oia e ua tapa‘opa‘o i te Buka a Moromona i te 12raa o to’na matahiti. « Aita vau e haamana‘o ra i te oreraa vau e ti‘aturi , aita vau e haamana‘o ra i te oreraa vau e pure ».