Talaʻofa Makehe ʻa Molonaí

Naʻe ʻi ai ha foha ʻo Molomona ne ui ko Molonai. Hili e mālōlō ʻa Molomoná, ne tohi leva ʻa Molonai ʻi he ngaahi lauʻi peleti koulá.

Naʻe hiki ʻe Molonai ʻa e ongo lotu tāpuakiʻi ʻo e sākalamēnití. Naʻá ne tohi ko e meʻalelei kotoa pē ʻoku mei he ʻOtuá.

Naʻe tohi ʻe Molonai ʻoku ʻofa ʻa Sīsū he fānaú kotoa. Naʻá ne pehē te tau lava ʻo lotu ke nofoʻia ʻe he ʻofá hotau lotó.

Naʻe fai ʻe Molonai ha talaʻofa makehe. Naʻá ne tohi ʻo pehē kapau te tau lau e Tohi ʻa Molomoná, ʻe talamai ʻe he Laumālie Māʻoniʻoní ʻoku moʻoni. Hili ia pea tanu ʻe Molonai e ngaahi lauʻi peletí ʻi he Moʻunga ko Komolá ke maluʻi kinautolu ai.

Naʻe foki mai ʻa Molonai ki māmani ʻi he ʻosi ha ngaahi taʻu lahi mei ai, ko ha ʻāngelo. Naʻá ne fakahinohino kia Siosefa Sāmita e feituʻu naʻe tanu ai ʻa e ngaahi lauʻipeleti koulá. Naʻe tāpuakiʻi ʻe he ʻOtuá ʻa Siosefa ʻaki e mālohi ke liliu e ngaahi lea ʻi he ngaahi lauʻipeletí. ʻOku tau lava he ʻahó ni ke lau e ngaahi lea ʻa Molomoná ʻi he Tohi ʻa Molomoná!