Faamatalaga patino ia Iesu Keriso, Faamatalaga patino ia te Oe
O le malamalama i ni faamatalaga patino i le Faaola ma Lona soifuaga e faamalosia ai i tatou e talitonu e mafai lava ona tatou mulimuli ia te Ia.
I auala uma, e sili ae lava ona maualuga Iesu Keriso nai lo se isi o i tatou (tagai Isaia 55:8–9; Aperaamo 3:19). E le o se faalavelave o Ia o le “Pele ma le Filifilia [a le Tama] mai le amataga” (Mose 4:2) ma e sa Ia maua le mamalu sa ia te Ia.
Ae le tatau ona tatou manatu o le a avea le maualuga o le Faaola ua mamao ese ai i tatou mai ia te Ia ma o lana valaaulia e mulimuli atu ia te Ia e lagona faapei o se valaauga e fai se mea e anagata ona fai. O faaaliga o taimi nei ua fesoasoani tatou te iloa ai le gafatia o le sini o le mulimuli i faataitaiga a le Faaola.
O nisi nei o faamatalaga patino ia Iesu Keriso ma nii faamatalaga patino ia te oe. E mafai e nei mea ona fesoasoani e te iloa ai e mafai lava ona e mulimuli i le ala faavae sa Ia uia e maua ai le atoatoaga o faamanuiaga a le Tama Faalelagi o loo Ia teu mo oe.
Iesu Keriso. … |
O oe. … |
“Sa iai i le amataga, a o lei iai le lalolagi” (MF&F 93:7). |
“Sa outou i ai foi i le amataga faatasi ma le Tamā” (MF&F 93:23). |
“Sa lei maua e ia le atoatoaga i le amataga, ae sa maua e ia le alofa tunoa mo le alofa tunoa” (MF&F 93:12). O lona uiga e lei iai ia te Ia le malamalama atoatoa o Lona faasinomaga ma le misiona ina ua faatoa afio mai o Ia i le lalolagi, pe sa ia te Ia foi le mana uma. Na ia tuputupu ae ma le malamalama ma le mana mai le Atua ao Ia usiusitai. |
E le i iai ia te oe se malamalama atoatoa o lou faasinomaga ma lou faamoemoega ina ua e fanau mai ae peitai ua e tuputupu ae ma lena malamalama. E ala i le Agaga Paia, ua tuuina mai e le Atua ia i tatou le malamalama faaleagaga ma le mana i “lea fuaitau i luga o lea fuaitau, ma lea mataupu i luga o lea mataupu” (2 Nifae 28:30). |
“Na faia pea mai lea alofa tunoa i lea alofa tunoa, seia maua e ia le atoatoaga” (MF&F 93:13). |
E mafai foi ona maua le atoatoaga e ala ia Iesu Keriso—pe a e tausia poloaiga a le Atua (tagai MF&F 93:27). |
“Ua tupu le tama ma ua malosi lona loto” (Luka 2:40). |
Ua faateleina le malosi i le agaga e aoaoina ma faatinoina mataupu faavae. |
“Faateleina le atamai … |
Faateleina le atamai e ala i aoaoga, faaiuga lelei, ma aafiaga. |
“Ma le tino, |
Ua tupu le tino. |
“Ma ua alofagia o ia e le Atua … |
E mafai ona alofagia e le Atua e ala i le tausia o poloaiga. |
“Ma tagata” (Luka 2:52). |
E mafai ona maua le faatuatuaga o ou matua ma isi e ala i le faaalia o le matua ma le faamoemoeina tele. |
“Na faaosoosoina o Ia i mea uma e pei o i tatou, … |
Na faaosoosoina. |
“A ua leai se agasala” (Eperu 4:15). |
Ua agasala (e pei o tagata uma)—ae mafai ona faamamaina mai le agasala e ala i le Togiola a Iesu Keriso i le salamo, papatisoina, mauaina o le Agaga Paia, ma le taliaina o le faamanatuga. |
Ioe, o nisi faamatalaga patino ia Iesu Keriso e mafai ona faaali atu ia te oe lou tulaga pe mullimuli ia te Ia (mo se faataitaiga, na papatisoina o Ia, faapea foi oe—pe mafai—foi). Ma o le aoao ia Iesu Keriso e mafai ona fesoasoani e te iloa ai pe a oo mai i lou ala i lenei olaga, sa Ia “faailoga le ala ma taitai le auala, ma ona tulaga uma” (“Maeu le Poto ma le Alofa,” Viiga, nu. 109).