Tusigāmanatu o le Konafesi o Oketopa 2017
“O le mea ua fai atu ai A’u o le Alii ua Ou fai atu ai; … pe i lo’u lava leo po o i le leo o au auauna, ua tutusa lava” (MF&F 1:38).
A o e iloiloina le konafesi aoao ia Oketopa 2017, e mafai ona e faaaogaina itulau nei (ma Tusigāmanatu o le Konafesi i lomiga ua tuanai ma le lumanai) e fesoasoani ia te oe e suesue ma faaaoga aoaoga talu ai nei a perofeta ma aposetolo soifua ma isi taitai o le Ekalesia.
“O le a faamautu mai e le Agaga ia i tatou taitoatasi lo tatou taua paia. …
“Se’i o’u faasino atua le manaomia ona tuueseese o upu taua nei e lua: taua ma le agavaa . E le tutusa upu ia e lua. O le taua faaleagaga o lona uiga o le faatauaina o i tatou lava i le auala o loo faatauaina ai i tatou e le Tama Faalelagi, ae le o le auala e faataua ai e le lalolagi i tatou. Sa fuafuaina lava lo tatou taua ae tatou te lei o mai i lenei lalolagi.
“I le isi itu, e ausia le agavaa e ala i le usiusitai. Afai tatou te agasala, e faaitiitia lo tatou agavaa, ae le faaitiitia ai lava lo tatou taua! E faaauau pea ona tatou salamo ma tauivi pea ina ia faapei o Iesu faatasi ma lo tatou taua. … E tusa lava po o le a, e i ai lava lo tatou taua i le silafaga a lo tatou Tama Faalelagi. …
“… Afai o le alofa tatou te lagonaina mo le Faaola ma mea na Ia faia mo i tatou e sili atu i lo le malosi tatou te tuu atu i vaivaiga, masalosalo ia te oe lava ia, po o mausa leaga, ona Ia fesoasoani lea ia i tatou e faatoilalo mea ia e mafua ai puapuaga i o tatou olaga. Na te laveaiina i tatou mai ia i tatou lava.”
Ata
women walking down the street
“A e tausia poloaiga [a le Atua], e mafai ona Ia faaaogaina oe i Lana galuega. O Lana galuega ma le mamalu o le faaeaga ma le ola e faavavau o tamaitai ma alii.
“O loo valaau mai perofeta ia i tatou, o’u uso e. E mafai ona outou amiotonu? E mafai ona outou faamatalaina lelei lo outou faatuatuaga? Mata e mafai ona e lavatia le iloatino ma le ese mai ai? Mata o le a tatai atu e lou fiafia e ui i ou tofotofoga isi o e lelei ma malualii ma o e manaomia lau faauooga? Pe o le a e faasusulu atu lou malamalama? Ou te molimau atu o le Alii o Iesu Keriso o le a afio atu i o tatou luma ma i ai i lo tatou lotolotoi.”
Faaaoga le lomiga o Novema 2017 pe asiasi i le conference.lds.org e faitau atili ai i mea na saunoa i ai nei failauga.
“O le a fesoasoani le Tama Faalelagi ia i tatou ia alofa atu e oo lava i ai latou tatou te ono manatu e le alofaina, afai tatou te _________ mo Lana fesoasoani.” —Neill F. Marriott, “Tumau i le Atua ma Faaleleia le Va .”
“O le toatele o i tatou o loo i ai i ni malaga ofoofogia o le _________. … Faamolemole fesili ifo ia te oe lava: O le a lou taunuuga mulimuli? … O taitai atu e lau malaga oe i lena ‘anoanoai o faamanuiaga’ ua folafola mai e le Faaola?” —M. Russell Ballard, “E faaauau Pea le Savaliga! ”
“O le Tusi a Mamona o se tasi o meaalofa e le mafaatauina a le Atua ia i tatou. O le pelu ma le talita—na te auina atu le upu a le Atua i le taua e tau ai mo loto o e amiotonu ma avea ai o se _________ autu o le upumoni.” —Tad R. Callister, “O Le Molimau Mamana a le Atua: O Le Tusi a Mamona .”
Tali: 1. aioiga; 2. Faailoaga; 3. puipui
Ina ia faitau, matamata, pe faalogologo i lauga o le konafesi aoao asiasi i le conference.lds.org .