Ko Hono Vahevahe ʻo e Ongoongoleleí

Fai ʻe Dallin H. Oaks

Tokoni ʻUluaki ʻi he Kau Palesitenisī ʻUluakí

Toʻo mei he “Ko Hono Vahevahe ʻo e Ongoongolelei Kuo Toe Fakafoki Maí,” Liahona, Tīsema 2016, 57–60.

Naʻe fekau ʻe he Fakamoʻui ko Sīsū Kalaisí ʻEne kau ākongá ke nau vahevahe e ongoongoleleí mo e taha kotoa pē ʻi he māmaní. Naʻá Ne pehē, “Mou ʻalu ki māmani kotoa pē, ʻo malanga ʻaki ʻa e ongoongoleleí ki he kakai fulipē” (Maʻake 16:15).

ʻOku tau fie maʻu e mēmipa kotoa ʻo e Siasí ke tokoni ʻi hono ʻave ʻo e ongoongoleleí ki he māmaní kotoa.

Ko ha ngaahi founga ʻeni te ke lava ai ʻo tokoni:

ʻOfa ʻi he taha kotoa pē ʻo hangē ko hao kāingá, ʻo hangē ko ia naʻe akoʻi ʻe Sīsuú.
Tauhi e ngaahi fekaú ke ke lava ʻo hoko ko ha tokotaha tā sīpinga lelei.
Lotua ke ʻiloʻi ko hai ʻoku mateuteu ke ako fekauʻaki mo e ongoongoleleí mo e founga te ke lava ai ʻo vahevahe ia mo kinautolú.
Tokoniʻi e niʻihi kehé ke nau ako lahi ange fekauʻaki mo Sīsū Kalaisi.

ʻOku ʻuhinga e ngāue fakafaifekaú ke maʻu ha ʻulungaanga ʻo e ʻofa mo tokoniʻi e niʻihi kehé. ʻOku tatau ai pē pe ʻe tali fēfē ʻe he tokotaha kehé, ka ko ha faifekau lavameʻa koe kapau te ke vahevahe e ongoongoleleí ʻi he ʻofa!