Liliu ʻe he Siasí ʻa e Tuʻutuʻuni ki hono Fakamoʻoniʻi ʻo e Ngaahi Ouaú

ʻI ha fakataha konifelenisi lahi fakatakimuʻa ʻa ia naʻe maʻu ai ʻe he Kau Taki Māʻolungá mo e Kau ʻŌfisa Māʻolungá ʻa e fakahinohino mei he Kau Palesitenisī ʻUluakí, naʻe fanongonongo ai ʻe Palesiteni Lāsolo M. Nalesoni ʻa e founga ki he ngaahi liliu ʻi he tuʻutuʻuni ʻa e Siasí fekauʻaki mo kinautolu ʻe ala ngāue ko ha kau fakamoʻoni ʻi he papitaisó mo e silá.

ʻOku fakaikiiki ʻa e ngaahi liliú ʻi ha tohi ʻa e Kau Palesitenisī ʻUluakí ʻi he ʻaho 2 ʻo ʻOkatopa 2019:

“Fakatatau mo hono fakaafeʻi ʻe he maʻu mafai pulé:

1. “ʻE lava ke hoko ha taha pē ʻoku lolotonga ʻi ai haʻá ne lekomeni temipale ʻoku kei ʻaongá, kau ai ʻa e lekomeni fakangatangatá, ʻo hoko ko ha fakamoʻoni ki ha papitaiso fakafofonga.

2. ʻE lava ha taha pē ʻoku ʻosi maʻu ʻenitaumeni pea ʻoku ʻi ai haʻá ne lekomeni temipale kei ʻaongá ʻo hoko ko ha fakamoʻoni ki ha sila moʻui pe fakafofonga.

3. “ʻE lava ke hoko ha mēmipa ʻo e Siasí kuo ʻosi papitaiso, kau ai e fānaú mo e toʻu tupú ko ha fakamoʻoni ki ha papitaiso ʻo ha taha moʻui.”