Ruwainene n̄an Ennaan In

Kautiej n̄an Aolep ro Nejin Anij

Būreejtōn Russell M. Nelson ekar rōjan̄ kōj n̄an “kōļapļo̧k doulul in iakwe ko ad n̄an jibūrlepetok likio in juon baam̧le an aolep armej” (Teachings of Russell M. Nelson [2018], 83). Kōn ekanooj ļap oktak ibwilijin ajri ro nejin Anij, ekōjkan ad maron̄ ejake juon jukjuk in pād ilo aolep armej rej mour ilo jokkun wōt juon?

Ilo bwebwenato eo an “Bring Forth Zion” (peij 12), Elder Gerrit W. Gong jān Doulul eo an Jon̄roulruo Rijilōk ro ej kajjitōk ippān n̄an kobaik būruōd im ļōmņak ko ad ilo ad karuwaineneik aolep n̄an itok n̄an Kraist. “Anjo̧ Ioon Kil Kōļar (Racism) im Kalijōkļo̧k: Jemaron̄ Kalōk Būriij ko” (peij 18) maron̄ jipan̄ kōj ilo kijejeto ko ad n̄an erom juon wōt. Em̧ool, erom juon wōt ekoba bōk iood make etan Jisōs Kraist āinwōt juon kabun̄, barāinwōt kajjojo armej. Ekkatak eļapļo̧k ilo “Bwe Āindein Naaj Etan Kabun̄ eo Aō” jān Būreejtōn Henry B. Eyring (peij 8).

Ejjab ejake wōt bōro kuk eo ilo oktak eo ad ej juon kien (lale Jon 17:21; Katak im Bujen Ko 38:27), bōtaab ej barāinwōt juon iien em̧m̧an n̄an kōj n̄an ekkatak jān im jeraam̧m̧an jān ro jeid im jatin jān m̧anit ko jet, kumi in armej ro, im en̄jake ko. Jej kōjatdikdik māākjiin in an allōn̄ in ej jipan̄ aolepādwōj n̄an mour ippān doon ilo Kraist.

Ilo kautiej,

Elder Walter F. González

Jān Jiljilimjuonn̄oul ro

Rikapilōk eo n̄an Liaona eo