Ej pād ijo Iturājet in Ran̄ōl eo
Ke iaar pād ilo aujpitōl kōn metak, iaar en̄jake ajimakeke m̧ae iien ikarr keememej ro jibu im jim̧m̧aō etto.
Pija ko jān Getty
Ilo 2017, iaar bōro̧ro kōn ajri eo nejim kein kajuon. Ļeo ippa, Lucas, kom̧ro kar m̧ōņōņō ak bar mijak kōn ļotak eo an Juan Lionel.
Juon joteen ilo jinoin Pāpode 2018, iaar jino kōļo. Ekar ralitōk wōt aō allōn̄, ak āinwōt nin̄nin̄ eo nejim enaaj m̧ōkaj an ļotak jān kar kōtmene. Kom̧ro kar bōk jejjo men ko im m̧ōkajļo̧k n̄an jikin taktō. Iaar jab en̄jake aō pojak in etal n̄an jikin kōmour eo, ak iaar jar, kajjitōk ippān Anij bwe en An kilaan naaj kōm̧m̧ane jekdoon mijak ko am̧ro.
Ke kom̧ro ej tōparļo̧k jikin taktō eo, taktō eo ekar jeļā ak ekar ba ke enaaj to jidik. Ļeo ippa ekar kūrļo̧k ak jejeļo̧k n̄an ro jinōm im jemōm im ro jeiū im jatū, ak ejjeļo̧k iaer rekar ruj. Eaar bar kūrļo̧k im jejeļo̧k wōt aolepān bon̄ōn eo, ak ejjeļo̧k en ekar uwaak. Menin ekar kōm̧m̧an bwe in lukkuun ajimakeke.
Ke metak eo ej ļapļo̧k itok wōt jen aō kōļo, eaar ļapļo̧k aō ajimakeke. Ijoke, tokālik, juon men ekabwilōn̄lōn̄ ekar waļo̧k. Ikar jino ļōmņak kōn ro jibū im jim̧m̧aō etto—eļaptata jibū, Rosa Mercado, im jinen, Javiera Balmaceda.
Ke ij keememej er, iaar en̄jake ilo būruwō im kōļmenļo̧kjeņ eo aō bwe raar jim̧or pād ippa ilo tōre eo. Iaar en̄jake aer pād ilo juon wāween eo ekajoor im em̧m̧an me iban lukkuun kōmeļeļeiki ilo naan ta eo ikar en̄jake. Iaar jab lo er, ak iaar en̄jake aer epaake eō, letok n̄an eō kajoor, jipan̄, im iakwe āinwōt ro jinō im āinwōt m̧ōttan baam̧le eo aō. Iaar en̄jake aer jerbal in karejar in enjeļ ro n̄an eō ilo aolep iien aō aikuj.
IIō ko m̧oktaļo̧k ilo tampeļ, jinō, jema, im ro jeiū im jatū, ļeo pāleeō, im n̄a kar kōm̧m̧ani jerbal ko ilo etan ro jet im jerbal ilo etan ro jibum̧ im jim̧m̧am etto. Iaar en̄jake peran eo iaar bōke kōn en̄jake eo aō bwe ro jibū im jim̧m̧aō rekar epaake eō ekar juon menin letok eo kōn kajoor im mālim eo an Anij.
Jen tōre eo, iaar en̄jake jetōb in ro jibū im jim̧m̧aō ilo iien ko jet, ejipan̄ eō im tōl eō āinwōt juon m̧am̧a im juon lio pālele im men ko jet raorōk rejelet mour eo aō.
Ij kam̧ool bwe Anij eban likūt kōj bwe jen make iaad ilo mour ko ad. Eļan̄n̄e jej kōm̧m̧ane jerbal eo an, jenaaj bōk jipan̄ jān iturājet in ran̄ōl eo. Jenaaj bōk iakwe, jeļāļo̧kjeņ, kajoor, im aenōm̧m̧an “eo ej eļļā jen jeļā otemjej” (Pilippai 4:7).