Jisōs Kraist Ejeļā Metak eo Jej En̄jake jān Kalijōkļo̧k
Rijeje eo ej jokwe ilo Gauteng, Province, South Africa.
Kōttōpar eo aō ej n̄an lo armej ro āinwōt an Rilo̧mo̧o̧r eo naaj kar lo er.
Ilo iien kaloojoj eo an Rome Italy Tampeļ, membōr ro im ro m̧ōttaer raar jepool annan̄ eo an Kraist, āinwōt kar loe ilo wintō ko an rilotok ro.
Ikar ioon kalijōkļo̧k ak kōmattōr ilo juon wāween ak bar juon ilo ium̧win enan̄in 20 iiō ko.
Ālkin kobatok ilo Kabun̄ in ilo Mozambique, ikar em̧m̧akūtļo̧k n̄an South Africa. Ej juon lan̄ aiboojoj, juon iaan jikin ko eļap an jeraam̧m̧an ilo Africa. An aiboojoj etoojlo̧k kōn okoktak eo an armej ro an im an jabōn kōn m̧anit eo.
South Africa ej juon laļ eo me ekab de mour tak jān juon bwebwenato enana kōn kōjepeļļo̧k eo an kumi in armej. Men̄e (apartheid) kakien eo ekar kabōjrake ilo 1994 eo, jeno̧k ko jān kakien in m̧oktaļo̧k kōn an kien kar kōjerbal kalijōkļo̧k in kumi in armej ej pād wōt.
Āinwōt Rikilmej RiMozambique kōrā in Armej ro Rekwojarjar ilo Raan Ko Āliktata ej mour ilo South Africa ium̧win iiō ko 18 remootļo̧k, ij jojo kōjparok ilo aō ito itak ilo en̄jake eo epen an kōmattōr im kōjenolo̧k, emakijkij kwaļo̧ke āinwōt juon jerbal in ļōmņak in kar kōm̧m̧ane ak jaab. Racism, classism, tribalism, sexism, dike juon rilaļ rej jejjo waanjon̄ak ko an jorrāān ko an kōjepeļļo̧k armej me jukjuk in pād jab in ekab de jelm̧ae. Ewōr juon men itulowaan lukkuun piktok in armej eo me āinwōt ekōņaan kōjepeļļo̧k jukjuk in pād eo im kōm̧m̧an bwe jen tōmak me oktak enana.
Ta eo Jej Kajjieon̄ in Kōm̧m̧ane
Ro uwaan Kabun̄ in remaron̄ ke ekeke n̄an kain wāween ļōmak rōt in?` Ejim̧we. Jej aikuj aolep likūtļo̧k lukkuun piktokin armej eo ilo kijejeto eo ad toon wōt ad mour n̄an erom rikwojarjar ko kōn Pinmuur eo an Kraist (lale Mosaia 3:19).
Jabdewōt iien n̄e ajri ro nejū im n̄a kōmij en̄jake makeļo̧k, likjab in kalimjōke, bōd watōke, ak watōke āinwōt juon men kōņaan lukkuun jeļā, kōmij ro̧o̧l n̄an m̧weo im kōnono kake. Kōmij ba, “Ta eo ej kab waļo̧k? Jen etale menin. Jen kōnono kake etke armej rej m̧anit rōt in.” Kōnono kake menin ejipan̄ kabōjrak en̄jake ko am jān aer nanaļo̧k itulowaam.
Ij kajjieon̄ katakin ajri ro nejū bwe em̧m̧an eo am ej kōmelet jān ekōjkan am kōm̧m̧an n̄an armej ro me rej kōjaorōk er ak kōjenolo̧k er ilo jukjuk in pād eo (lale Matu 25:40). Men jab in emaron̄ meļeļe in kappukōt wāween ko n̄an pukōtļo̧k ro jet bwe rejjab kōmakeik make er.
Ij Kajjieon̄ Bwe In Erom Āinwōt Jisōs
An jon̄an an kōmmetak wōt jet iaan en̄jake ko, katak ko kōmij ekkatak kake rej kōm̧m̧an bwe ajri ro nejū ren armej ro rem̧m̧anļo̧k. Im n̄a barāinwōt. Rup bōro ko am raar jipan̄ kōm ejaak tūriam̧ kake im maron̄ meļeļe kōn ro jet.
Iminene ko kōn kalijōkļo̧k rej letok n̄an eō juon iien em̧m̧an n̄an kāālet. Inaaj ke erom matōrtōrļo̧k im karool nana eo, ak inaaj ke leļo̧k n̄an armej eo ejjab wōt bar juon an iien ak kein karuo, kein kajilu, kein kemān? Inaaj ke kalimōj jukjuk in pād eo āinwōt juon jikin enana, ak inaaj ke erom juon kajoor n̄an oktak eo em̧m̧an?
Rilo̧mo̧o̧r eo ekar barāinwōt jelm̧ae kalijōkļo̧k kōnke kōn kar wōn E, ta eo E ekar tōmak, im ia eo E ekar itok jāne (lale Jon 1:46). Aaet E ekar jab ukōtļo̧k kōn kakkure, illu, kitōtō, ak dike. E ekar katakin ņae aolep men kein im kar kōm̧m̧ani ilo iakwe im m̧ool. E ekar katakin bwe kajoor eo im jelōt eo ej itok kōn jeļā ņae, jān meanwōd, jān meoeo im ettā bōro, im jān iakwe (lale Katak im Bujen Ko 121:41). E ekar katakin bwe n̄e jej ellotaan, jej aikuj jibadōkļo̧k eo jeid ak jatid im kōnono kake ippān doon (lale Matu 18:15). E ekar katakin kōj n̄an jar kōn ro rej matōrtōre kōj (lale Matu 5:38–48). Im ke kar likūt E ilo ekajet eo ejjab jim̧we im kar katotoik ioon debwāāl eo n̄an mej, E ekar katak kōj n̄an jeorļo̧k bōd (lale Luk 23:34)
Āliktata, ej An iakwe me enaaj ukōt kōj im laļ in (lale 2 Nipai 26:24).
Im Inaaj Kajjieon̄ Wōt
Ijjab juon armej eweppān; ijjab aolep iien m̧ōkaj aō jeorļo̧k bōd ālkin an juon jerbal in kōmmatōre eō. Ebōk iien, ebōk iien kamomo, im ebōk an Jetōb Kwojarjar eo jebral ippā. Jet iien ij kāālet n̄an ellotaan, im ejjab m̧ōkaj aō atbo̧kwōj im̧we ko An. Bōtaab ij peļļo̧k n̄an E, Jetōb eo an jerbal kōmmaanwa ilo an jerbal ippa m̧ae iien eo ij maron̄ meļeļe ta eo Jemedwōj Ilan̄ ekar kōņaan bwe in kōm̧m̧ane kōn jekjek eo.
Kōttōpar eo aō ej n̄an lo armej ro ilo lukkuun m̧ool āinwōt an Rilo̧mo̧o̧r eo naaj kar loe er. N̄an kōm̧m̧ane men jab in, jej aikuj m̧ōņōņō in kile bwe jeban bōk aolep uwaak ko. N̄e jej m̧ōņōņō in ba, “Ijjab weppāān; ej ļap wōt ijo ij aikuj ekkatak. Ta eo imaron̄ ekkatak jān kōļmenļo̧kjeņ ko an ro jet?”—ej bwe n̄e jej lukkuun in maron̄ ron̄jake. Ej bwe n̄e jej lukkuun m̧ool in maron̄ loe.
Ilo aō dibuk em̧m̧anūt in, ejipan̄ n̄an keememej bwe ij pād ijin kōn juon jibadbad, bwe mālijjon̄ ko an mour in rej an jidik wōt iien—juon m̧ōttan emenin aikuj an mour wabanban eo—im bwe ijjab makeļo̧k. Jān aolepān, ij kajjieon̄ erom āinwōt Jisōs! Kajjieon̄ ej wāmourur, im n̄e jej likjab, jemaron̄ bar kajjieon̄.