Toetatalaina o Malumalu: Faaeteete, Faautauta

Ua toe tatalaina malumalu i se auala faaeteete, ma le faautauta i vaega e lima ma e faavae i tulaga faalelotoifale ma tapu a le malo e faatatau i le faama‘i oti o le KOVITI-19. O vaega e faaitiitia ai tulaga lamatia, taulimaina ai le manaomia ma le gafatia o le malumalu, ma tausia ai tapulaa o le soifua maloloina i le itulagi o le malumalu.

Ia Setema 2021, sa tuuina atu ai e le Au Peresitene Sili se tusi e faatonuina ai tagata ulu ma tagata faigaluega uma o le malumalu e fai ufi fofoga a o i ai i totonu o le malumalu. “O nei taiala faavae mo le saogalemu e lē tumau, e fua i tulaga o le KOVITI-19, ma o le a faalēaogaina i le taimi lava e faatagaina ai e tulaga,” na ta’ua ai i le tusi. “Faamolemole ia faia mea uma e te mafaia e puipuia ai oe lava ma isi ina ia mafai ona agai i luma le galuega a le Alii i itu uma e lua o le veli.”

Ua uunaia foi e le Au Peresitene Sili ia tagata o le Ekalesia ina ia fai tui puipui ma ia puipuia i latou lava ma isi mai le salalau atu o le faama‘i.