Potutusi
E Tuuina Atu e le Ekalesia le Fesoasoani ma le Toomaga
Novema 2021

E Tuuina Atu e le Ekalesia le Fesoasoani ma le Toomaga

I taimi o faigata ma po o fea lava o le lalolagi o loo manaomia ai se fesoasoani, o loo faaauau pea ona faia e le Ekalesia mea uma e mafaia e ofo atu ai le fesoasoani ma le toomaga, e tele lava ina faipaaga ma isi faalapotopotoga agaalofa ma faalapotopotoga tuma’oti. I le aluga o le ono masina ua tuanai, na tuuina mai ai e le Auaunaga Limafoai a le Au Paia o Aso e Gata Ai, le vaega o galuega alofa a le Ekalesia, le lagolagona ia mafai ai ona:

  • Faapipii e se faalapotopotoga e le maua ni polofiti ni vai i fale i eria maotua o le Malo o Navajo i Mekisiko Fou, Arisona, ma Iuta, ISA.

  • Tufatufa atu pe tusa ma le 2 piliona tui o le KOVITI-19 i le faitau aofai o tagata i atunuu ma teritori e 121.

  • Tuuina atu sapalai mo le toomaga i tagata sulufai Aitiope o loo nonofo i Sutana ma i nuu ua matua lolovaia iina. Sa fesoasoani foi le lagolago i le aufaifaatoaga e toe faaleleia ina ua mavae le lolo ma saunia meaai mo i latou lava ma isi ma fesoasoani i aiga ina ia tausia i latou lava e ala i le atiaeina o a latou lava pisinisi.

  • Fesoasoani i tagata sulufai e 9,000 ma tagata malaga mai e oo atu i le toeitiiti atoa le 190 faalapotopotoga o galuega alofa i le Iunaite Setete, ma ofoina atu se faasologa o foai e atoa ai le $5 miliona Tala Amerika.

  • Faaauau pea aoaoga faamasani ma tuuina atu ni komepiuta mo tagata tauaso ma faaletonu le vaai i Farani Polenisia.

  • Galulue faatasi ma isi faalapotopotoga faalelotu ma faalenuu e fesoasoani i aiga e malaga mai i se nofoaga autu o fesiitaiga i Houston, Texas, ISA.

  • Faafaigofie galuega faatino mo le faama‘i oti e 20 i Parakuei.

  • Aumai le toomaga i Haiti ina ua mavae se mafuie matautia, ma sa faaaoga fale o le Ekalesia o ni malutaga ma sa tuuina atu e le Ekalesia meaai, vai, ma isi sapalai.

  • Tali atu i manaoga taua o tagata sulufai o Le Ekalesia o loo nonofo i Qatar. Europa, ma le Iunaite Setete.

Sa ofoina atu foi e le Ekalesia le fesoasoani i Atumotu o Keripiane o Saint Vincent ma le au Grenadines i le taimi o le toe ola o mauga mu; faatulagaina ni volenitia e fesoasoani i le faamamaina ma le toe faaleleia ina ua taia e se afa le Faga o Vanu ma Luisiana, ISA; ma tuuina atu le fesoasoani ina ua tuua e lologa se ala o le faafanoga i vaega o Siamani, Peleseuma, o Netalani, Luxembourg, ma Suitiselani.