Lako Mai, Mo Muri Au

O Cei O Inoki?

Na vunikawa ni matavuvale oqo e vakaraitaka e rua na turaga ka yacadrau o Inoki ena laini nei Atama kei Ivi. Na luvei Keni o Inoki, na makubui Atama (raica na Mosese 5), e duatani mai na luvei Jereti tagane o Inoki, ka ono na itabatamata mai vei Atama ka tara na koro ko Saioni (raica na Mosese 6–7).

A vakacava na i tovo ni yaloi Inoki na parofita ni sa kacivi?

Ena gauna sa kacivi kina o Inoki me vunautaka na veivutuni, a vakila ni sega ni kilikili kaya, ka vakaraitaka vua na Turaga ni sa “dau vosa malua” (Mosese 6:31). Ia a solia vei Inoki na Kalou na kaukauwa ka yalataka, “Mo dolava na gusumu, ka na qai vakasinaiti, kau na tukuna vei iko na vosa mo cavuta” (Mosese 6:32). E vuqa era lako mai me vakabauta na nona vosa, ka qai tauyavutaka ko Inoki na koro levu ko Saioni.

Ni nanuma lesu na ivakaraitaki nei Inoki, a vakadeitaka kina o Elder David A. Bednar vei keda eda vakila ni da vakadrukai, sega ni veiraurau, se sega ni yaga ki na dua na veikacivi vou se itavi ni “yalayala ni Turaga vei Inoki sa baleti keda vakatautauvata … nikua” (“Ena Kaukauwa ni Turaga,” koniferedi raraba, Okot. 2004).