“Sitokiholomu, Suēteni,” Liahona, Tīsema 2022.
ʻOku ʻi Heni ʻa e Siasí
Sitokiholomu, Suēteni
Ko e Kilisimasi ʻi Suētení ko ha taimi fakafiefia ia ʻo e taʻú ki he kau mēmipa ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, ʻa ia ʻoku nau fiefia ʻi he ongoongolelei kuo fakafoki maí. Naʻe papitaiso ʻa e fuofua papi uluí ʻi he 1850. ʻI he ʻaho ní, ʻoku maʻu ʻe he Siasi ʻi Suētení ha:
-
(fakafuofua ki ha) kāingalotu ʻe toko 9,650
-
siteiki ʻe 4, uooti mo e kolo ʻe 40, misiona ʻe 1
-
temipale ʻe 1, senitā hisitōlia fakafāmili ʻe 37
Fakahoko e Fanga Kiʻi Meʻa Īkí
ʻOku lahi e ngaahi fatongia ʻo Pīsope Saimone ʻOlosoni ʻo e Uooti Venitelesoó, peá ne pehē, “ʻoku ou saiʻia he feohi mo hoku fāmilí. ʻOku mau ako fakataha ʻi he taimi ʻoku mau fai ai e fanga kiʻi meʻa iiki ʻoku akoʻi mai ʻe he ongoongoleleí, ʻe tāpuakiʻi kimautolu ʻe he ʻEikí.”
Ngaahi meʻa lahi ange fekauʻaki mo e Siasí ʻi Suētení
-
Ngaahi moʻoniʻi meʻa, sitētisitika, mo e hisitōlia ʻo e Siasí ʻi Suētení.
-
Ko e ʻaʻahi ʻa ʻEletā Teili G. Lenilani ʻo e Kōlomu ʻo e Kau ʻAposetolo ʻe Toko Hongofulu Mā Uá ki Suēteni, ko hono “fonua tupuʻanga ʻe tahá.”
-
Ko e ʻilo ha tokotaha lahi kei talavou ʻi Suēteni fekauʻaki mo hono ako ʻo e ongoongoleleí ʻi ʻapí.
-
Ko e toe vakaiʻi ʻe ha mēmipa Suēteni ʻa e hisitōlia ʻo e Siasí ʻi Suētení.
-
ʻOkú ke fakahoko ʻa e hisitōlia fakafāmilí? Ako fekauʻaki mo e ngaahi hingoa fakafāmili faka-Suētení.
Ko e talanoa ʻa ʻEletā Teili G. Lenilani mo hono uaifi ko Sisitā Lute L. Lenilaní, mo ha niʻihi ʻo e kāinga ʻo e ʻAposetoló lolotonga ʻena ʻi Suētení.
Laʻitaá ʻi he angalelei ʻa Inger Höglund
Naʻe fakatapui e Temipale Stockholm Sweden ʻi he taʻu 1985.
Ko hono fakafiemālieʻi ʻe ha mēmipa ʻo e Siasí ʻi Suēteni ʻene tamá. ʻOku maʻu ʻe he kāingalotú ha fakahinohino ʻi he ngaahi tefitoʻi moʻoni ʻoku akoʻi ʻi he fanongonongo ki he fāmilí.
ʻOku manako ha ongomātuʻa Suēteni ʻi he tā pianó, ʻo na feohi ʻi ha kiʻi taimi fakataha ʻi he mūsiká.
ʻOku fiefia e fāmili Suēteni ko ʻení ʻi he taimi feʻinasiʻaki fakatahá ke lau ha talanoa.
ʻOku maʻa mo lelei e fefonongaʻaki fakapuleʻanga ʻa Suētení, ʻoku tokoni ki he kāingalotú ke nau aʻu vave ki he ngaahi fakatahaʻanga ʻa e Siasí.
ʻI hoʻo ʻi Sitokiholomú, ʻoku ʻikai ke ke teitei mamaʻo mei he tahí.