Haʻu, ʻo Muimui ʻIate Au

Hakeai; Sakalaia

ʻOku Fakamāʻoniʻoniʻi Fēfē Kitautolu ʻe he ʻEikí?

ʻĪmisi ʻo Kalaisí, tā fakatātaaʻi ʻe Heinrich Hofmann

ʻI he Sakalaia 3:3–7, ʻoku fakamatalaʻi ai ʻe Sakalaia ha meʻa-hā-mai ʻa Sosiua ko e taulaʻeiki lahí. ʻI he mata meʻa-hā-maí, ʻoku toʻo ʻe ha ʻāngelo e vala likoliko ʻo Sosiuá pea fetongi ʻaki ia ha vala maʻa. Ko e meʻa tatau pē, kapau te tau fakatomala, ʻe lava ke toʻo ʻe Sīsū Kalaisi ʻetau ngaahi angahalá. ʻOku fakamolemoleʻi kitautolu pea ʻe lava ke tau māʻoniʻoni ange.

Ko e hā te ke lava ʻo ako fekauʻaki mo e natula ʻo e māʻoniʻoní mei he ngaahi potufolofola ko ʻení fekauʻaki mo e valá?

Teunga Hiná ko ha Fakataipe ʻo e Maʻá

• Taniela 7:9

• Fakahā 3:5; 7:9

• ʻAlamā 5:27

Ngaahi Pulupulu ʻo e Māʻoniʻoní

• ʻĪsaia 61:10

• 2 Nīfai 4:33; 9:14

ʻAi ʻe Saione Hono Ngaahi Kofu Fakaʻofoʻofá

• ʻĪsaia 52:1

• Tokāteline mo e Ngaahi Fuakava 82:14

Ngaahi Kofu Kuo Fakamaʻa

• 2 Kolinitō 7:1

• ʻAlamā 5:21; 7:25

• ʻEta 12:37

“ʻOku akoʻi mai ʻe he folofolá, ʻe lava ke fakatapui kitautolu pe hoko ʻo māʻoniʻoni ange ʻi heʻetau ngāue ʻi he tui kia Kalaisí, mo fakahaaʻi ʻetau talangofuá, fakatomala, feilaulau Maʻana, maʻu ʻa e ngaahi ouau toputapú, pea tauhi ʻetau ngaahi fuakava mo Iá. ʻOku fie maʻu ʻa e loto-fakatōkilaló, angavaivaí mo e faʻa kātakí ka tau taau mo e meʻafoaki ʻo e māʻoniʻoní.”

Palesiteni Henry B. Eyring, Tokoni Ua ʻi he Kau Palesitenisī ʻUluakí, “Māʻoniʻoní mo e Palani ʻo e Fiefiá,” Liahona, Nōvema 2019, 100–101.

Fealēleaʻakí

Ko e hā ha ngaahi founga kuo ngaohi ai koe ʻe Sīsū Kalaisi ke ke māʻoniʻoni ange? Ko e hā te ke lava ʻo fai ke maʻu ai ʻEne meʻafoaki ʻo e māʻoniʻoní?