Haʻu, ʻo Muimui ʻIate Au

Kalētia 5

ʻOku Tokoniʻi Fēfē Kitautolu ʻe he Laumālié?

Tā ne tuku mai mei he Getty Images

ʻOku akoʻi ʻe he ʻAposetolo ko Paulá ʻi he Kalētia 5, ʻa e founga ʻoku folofola mai ai ʻa e Laumālié kiate kitautolú. Fakatokangaʻi ʻa e ngaahi faikehekehe ʻi he “fua ʻo e Laumālié” mo e “ngaahi ngāue ʻa e kakanó.”

Fua ʻo e Laumālié (vakai, Kalētia 5:22–23)	Ngaahi Ngāue ʻo e Kakanó (vakai, Kalētia 5:19–21)
ʻOfa	Tono, feʻauaki, holi kovi fakakakano
Fiefia	Tāufehiʻa
Melino	Fekeʻikeʻi
Kātaki fuoloa	Faikehekehe (fakakikihí)
Angavaivai	ʻIta
Angalelei	Meheka
Tui	Tokāteline hala
Angamalū	Fakamoveuveu
Anga-fakamaʻumaʻu	Taʻemaʻa

“Mou ʻaʻeva ʻi he Laumālié, pea ʻe ʻikai te mou fai ai ki he holi ʻo e kakanó.”

Kalētia 5:16

Ko e Laumālié Nai Ia pe ko e Fakakaukau pē ia ʻAʻakú?

“ʻOku maʻu ʻa e lelei kotoa pē meia Kalaisi [vakai, Molonai 7:12–13, 16]. Ko ia kapau ʻokú ke fakakaukau ke fai ha meʻa lelei, ko e ueʻi ia ʻe he Laumālie Māʻoniʻoní.”

ʻEletā David A. Bednar ʻo e Kōlomu ʻo e Kau ʻAposetolo ʻe Toko Hongofulu Mā Uá (Face to Face mo ʻEletā mo Sisitā Petinā [fakamafola fakaemāmani lahi ʻa e toʻu tupú, 12 Mē 2015], facetoface.ChurchofJesusChrist.org).

Fealēleaʻaki

ʻOku tau fai hotau lelei tahá ʻi he taimi ʻe niʻihi ke muimui ki he ngaahi fekaú ka ʻoku ʻikai ke tau fakapapauʻi pe ʻoku tau maʻu ʻa e Laumālié. Vakai ki he lea ʻa ʻEletā Petinaá mo e ngaahi fua ʻo e Laumālié ʻoku hiki atu ʻi ʻolungá. ʻE tokoniʻi fēfē koe ʻe he ngaahi fakakaukau ko ʻení ke ke ʻiloʻi ʻe lahi ange hono faʻa ueʻi koe ʻe he Laumālié ʻi he meʻa ʻokú ke fakatokangaʻí?