“Unimwaane D. Martin Goury,” Riaona, Meei 2024.
Unimwaane D. Martin Goury
Mataniwi ni Kabuta n te Itingaun
Ikawairakena n te kaawa ae e uarereke i Côte d’Ivoire, Unimwaane D. Martin Goury e tangiria n riki bwa ana aomata te ekaretia ao n beku ibukiia aomata.
N Okitobwa 1992, ngke e mena i London, Engiran, reiakinan te Ingiriti ao n karekea ana reirei, e kaitiboo ma mitinare Aika Itiaki ni Boong aika Kaitira. Mitinare aikai, temanna mai ibuakoia are bon ti ngaia ae taetae n Buranti ibuakoia mitinare i London, e angan Unimwaane Goury ana kaobi Ana Boki Moomon n te taetae n Buranti.
E moana warekan te boki ao n te tai ae e aki maan ao e a karekea kakoauaan koauana. Ngke a kaoti uoman mitinare aika boou n ana auti tabeua te namwakaina imwiina, e a kaina te Ekaretia. “I uringa ae I rangi ni kukurei,” e taku.
E rikirake kimwareireina ngke mitinare a reiakinna taekan te nakoanibonga. “A kabwarabwara nanon te nakoanibonga ao arou ni kabonganaa n beku ibukiia aomata. I bon irou, anne te mii ae ea koro nanona,” e taku Unimwaane Goury. “I rangi ni kukurei.”
E bungiaki Dalébé Martin Goury n Tianuare 30, 1964, irouia Yoro Goury Maurice ao Bame Gaby Odette. E ikawairake n te kaawa ae aranaki bwa Lehipa ao kaawa aika Oume ao Gagnoa. E mareaki ma Ruth Simone Kennington n te London Engiran Tembora n April 8, 1995. A maeka i Abidjan, Côte d’Ivoire, ao iai aman natiia.
Unimwaane Goury e karekea ana bachelor’s degrees bwa te tia reirei man CAFOP (Animation and Educational Training Centers) de Man n 1988 ao te intinia n te mwakaeneke mai London South Bank University n 1997. E mwakuri bwa te tia reirei n te moanrinan, te design intinia, te senior project manatia ao te kauoman n project tarekita ibukin Cameron, te manatia n ana waaki Nigeria ibukin OneSubsea Services, ao te operations manatia n te aba ibukin Schlumberger. N aai aikai, e mwakuri Unimwaane Gouryi n te Ekaretia bwa te tia kairiiri ao te koteneita ibukin boutokaia taian membwa.
E beku bwa te Itingaun n te Aono n Aonon Aberika Maeao ngke e karekea weteana aio. E a tia naba ni beku bwa te beretitenti n te Benin Cotonou Mition, bitiobi, kauntira n te bitiobiriki, beretitenti n te mwaanga, ao te beretitenti n te kooram n unimwaane.