“Unimwaane Steven D. Shumway,” Riaona, Meei 2024.
Unimwaane Steven D. Shumway
Mataniwi ni Kabuta n te Itingaun
Uoua te riirki inanon ana tai ni mwakuri n te Exxon Chemical Co. i Houston, Texas, USA, e ataia Unimwaane Steven D. Shumway ae a tia ni weteaki ana karo bwa a na tararua te mition i Bolivia ao a kainanoa te ibuobuoki ibukin aia bitineti ana utu i Arizona.
“I aki tangiria ni karawawatako bwa ko na manga oki,” e taetae tamana nakoina. “Ma ngkana ko aki oki, I raraoma bwa ai tera ae nang riki nakon te bitineti.”
Bon te babaire ae kangaanga aron karaoana, e taku Unimwaane Shumway.
E mwananga ngaia ma buuna inanon nimaua te aoa nako Dallas Texas Tembora ao ni kabanea teuana te bong n akea te kaeka ae a karekea. I mwiina riki, a nako n te titoa ni boki ao ni kunea rongorogon maiun Beretitenti Gordon B. Hinckley (1910–2008), Waki Nako ma te Onimaki.
“Ngaira ni kauoman ti bon namakina ana taeka te Uea ngke e kangai, ‘Ko riai ni waaki nako ma te onimaki inanon au kawai, tiaki n am kawai,’” e taku Unimwaane Shumway. “Ao ngaia are ti a mwaing nako Arizona, are e a riki bwa teuana mai buakon bitaki aika a kakawaki man tamaroa i nanon maiura.”
Teuana te bwai are a reiakinna inanon aia mare, e taku Unimwaane Shumway, bwa “ngkana ko butimwaea ana kakao [te Uea], ko na kakabwaiaki. Ko rikirake. A nakoraoi bwaai nakon are ko na karaoi bwaai n am kawai.”
E bungiaki Steven D. Shumway n Tuun 30, 1970, i Springerville, Arizona, USA, irouia Wilford Douglas ao Dixie Ann Shumway, ao e ikawairake i Eager, Arizona. E mareaki ma Heidi O’Brien n te Salt Lake Tembora n ritembwa 29, 1994. Bon kaaro aika aman natiia ao a maeka Pinetop, Arizona.
E reke ana beebwa ae bubura Unimwaane Shumway i aon te intinia n te chemical mai Brigham Young Iuniwetiri n 1996, e mwakuri i n te Exxon Chemical Co. man 1996 nakon 1998, ao e a tia n riki bwa te beretitenti ao te CEO ibukin Whiting Brothers Investment Co. n 1998.
Inanon ana tai ni weteaki, e beku bwa te Matani n Itingaun n te Aono. E a tia ni beku bwa te beretitenti n te Illinois Chicago Mition, beretitenti n te titeiki, bitiobi, beretitenti n te kooram n unimwaane, te tia reirei ibukin te katauraoi nakon ana mition te titeiki, ao te mitinare ae bwanin ana tai n te Pennsylvania Philadelphia Mition.