“Vīsone,” Tohi Fakahinohino ki he Kemi ʻa e Kōlomu ʻo e Lakanga Taulaʻeiki Faka-ʻĒloné (2019)
“Vīsone,” Tohi Fakahinohino ki he Kemi ʻa e Kōlomu ʻo e Lakanga Taulaʻeiki Faka-ʻĒloné
Vīsoné
ʻOku fie maʻu ʻe he kau talavoú ha feituʻu ke nau fakatahataha ki ai ʻo mamaʻo mei he ngaahi takiekina fakamāmaní, faʻu ha ngaahi vā fetuʻutaki tuʻuloa ʻoku fakatefito ʻi he ongoongoleleí, pea fakamālohia ʻenau tui ki he Tamai Hēvaní mo Sīsū Kalaisí. Fili fakalelei ha feituʻu ʻe malava ʻo langa ai e ngaahi vā fetuʻutakí pea fakatupu ha ngaahi manatu tuʻuloa ʻi he moʻuí. ʻOku langa ʻe he ngaahi aʻusia ko ʻení ʻa e uouangatahá mo e tuí, ʻi hono tokoniʻi e toʻu tupú ʻi hono fakaloloto ʻenau holi ke muimui ʻi he Fakamoʻuí.
ʻOku totonu ke fakaʻaongaʻi ʻe he kau taki faka-kōlomú, kau ʻetivaisa faka-kōlomú, mo e kau mataotao faka-kōlomú ʻa e ngaahi sīpinga ʻoku ʻoatu ʻi he tohi fakahinohino ko ʻení ke tokoni ki hono palani mo fakangofua e ngaahi ʻekitivitī nofo kemi pō tahá mo lōloa angé maʻá e kau talavoú, ʻo tatau ai pē pe ʻoku nau nofo ʻi fē. ʻE tokoni ʻa e ngaahi nofo kemi ʻoku palani mo fokotuʻutuʻu fakatatau ki he ngaahi tefitoʻi moʻoni, founga mo e taumuʻa ko ʻení ki he kau talavoú ke fakakakato ʻenau ngaahi fatongia ʻi he lakanga fakataulaʻeikí, tupulaki ʻi he ongoongolelei ʻo Sīsū Kalaisí, fakatupulaki e ngaahi vā fetuʻutaki tuʻuloa ʻoku fakatefito ʻi he ongoongoleleí mo tupulaki fakalaumālie, fakasōsiale, fakatuʻasino mo fakaʻatamai. (vakai, Luke 2:52).
ʻOku ʻuhinga ʻa e kau taki faka-kōlomú ki he kau palesitenisī faka-kōlomu ʻa e tīkoní, kau palesitenisī faka-kōlomu ʻa e akonakí, kau pīsopelikí, mo e ongo tokoni ʻi he kōlomu ʻa e taulaʻeikí. Ko e kau ʻetivaisa mo e mataotao ʻi he Lakanga Taulaʻeiki Faka-ʻĒloné ʻoku ʻikai ko ha kau taki faka-kōlomu kinautolu (vakai, General Handbook (Tohi Tuʻutuʻuni Fakalūkufua): Ngāue ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, 10.3–10.4, ChurchofJesusChrist.org).